Свет
Израел: Не сме ние виновни, повеќето од палестинските цивили загинаа во стампедо

Израелската армија, врз основа на прелиминарната истрага за смртта на Палестинците кои чекале хуманитарна помош, утврдила дека израелските сили не ги нападнале палестинските цивили и дека повеќето од нив загинале во стампедо, објави портпаролот на израелските одбранбени сили (ИДФ), Даниел Хагари.
Хагари изјавил дека во прелиминарната истрага, во која биле собрани информации од команданти и сили на терен, било утврдено дека израелската армија не го нападнала подрачјето каде што се наоѓал конвојот со хуманитарна помош.
Хагари посочи дека подетална истрага за тој инцидент води независно и стручно тело кое, како што најави, ќе ги објави своите наоди во наредните денови.
„Повеќето Палестинци беа убиени или повредени во стампедото“, рече Хагари, пренесе Ројтерс.
Хагари тврди дека израелската армија испукала неколку предупредувачки истрели за да го растера стампедото, а неколку Палестинци потоа им се приближиле на израелските сили откако тие почнале да се повлекуваат.
Хагари изјави дека овие Палестинци претставувале непосредна закана за израелските сили кои, како што истакна, одговориле со напад на неколку лица.
Според палестинската милитантна група Хамас, повеќе од 100 луѓе загинаа, а повеќе од 700 се повредени во четвртокот кога израелската армија отворила оган врз Палестинците кои чекале на линија за храна југозападно од градот Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.
Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.
Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.