Откако американскиот претседател Доналд Трамп најави уште една средба со рускиот претседател Владимир Путин, овој пат во Будимпешта, новинар на „Хафингтон Пост“ ја праша Белата куќа: „Зошто Будимпешта?“.

Токму во унгарската престолнина беше потпишан Меморандумот од Будимпешта во 1994 година, со кој Украина се откажа од својот нуклеарен арсенал наследен од распадот на СССР, во замена за гаранции дека Русија ќе го почитува својот територијален интегритет.

Путин ги прекрши овие ветувања во 2014 година со анексијата на Крим, а потоа и со војната во Донбас, која кулминираше со целосна инвазија на Украина во 2022 година.

„ХафПост“ ја праша Белата куќа кој ја избрал локацијата на средбата. Одговорот дојде брзо. Портпаролката на Белата куќа, Каролин Ливит, одговори со порака: „Мајка ти“.

For context, S.V. Dáte of the Huffington Post is not a journalist interested in the facts. He is a left-wing hack who has consistently attacked President Trump for years and constantly bombards my phone with Democrat talking points.

Just take a look at @svdate’s feed, it reads… https://t.co/NxWn2mdUsa pic.twitter.com/v7owI5N4us

— Karoline Leavitt (@PressSec) October 20, 2025

Откако новинарот С.В. Дејт ја праша Ливит дали нејзиниот одговор ѝ е смешен, по што следеше нов напад: „Смешно ми е што се сметате себеси за новинар. Вие сте левичарски агитатор кого никој не го сфаќа сериозно – дури ни вашите колеги, едноставно не ви го кажуваат тоа во лице. Престанете да ми ги испраќате вашите пристрасни и глупави прашања“, напиша Ливит.

Подоцна објави јавна порака на официјалниот профил на Белата куќа на платформата X, заедно со снимка од пораката:

„С.В. Дејт од ‘Хафингтон пост’ не е новинар заинтересиран за факти. Тој е левичарски активист кој со години го напаѓа претседателот Трамп и постојано ми го бомбардира телефонот со демократски тези. Погледнете го неговиот профил, изгледа како негов личен дневник против Трамп. Активистите кои се преправаат дека се новинари им прават лоша услуга на медиумите.“

„ХафПост“ одговори велејќи дека ќе продолжи да поставува прашања до портпаролите на Трамп, особено до оние на кои не сакаат да одговорат.

„Училишното малтретирање нема да нè спречи. Слободните и независни медиуми мора да ги постават тешките прашања“, се вели во уредничкиот текст.

Авионот што го превезува рускиот претседател Владимир Путин би можел да добие права за прелет над Бугарија, за да може рускиот лидер да присуствува на состанок со американскиот претседател Доналд Трамп во Будимпешта, според министерот за надворешни работи Георгиев, објави државното радио.

„Доколку има напори за постигнување мир, ако тоа е услов за одржување на состанок, тогаш најлогично е да се овозможи состанок од ваков тип на изводлив начин“, рече Георгиев, според извештајот.

Георгиев зборуваше на маргините од состанокот на министрите за надворешни работи на ЕУ во Луксембург. Една можна воздушна рута од Москва до Будимпешта ги опфаќа Црното Море, Бугарија и Србија, но бугарскиот воздушен простор е затворен за руски авиони од инвазијата на Украина во февруари 2022 година.

Други рути се протегаат на север, низ Белорусија и Полска или преку Балтичкото Море, Германија и Чешка. Рускиот министер за надворешни работи Сергеј Лавров и американскиот државен секретар Марко Рубио, кои се задолжени за подготовка на самитот Путин-Трамп, разговараа во понеделник, објави руското Министерство за надворешни работи.

Меѓународниот кривичен суд (МКС) издаде потерница по Путин, а Унгарија е во процес на повлекување од таа меѓународна институција.

Москва го отфрла обвинението на МКС и ја прогласува потерницата по Путин за доказ за непријателството на Западот кон Русија.

Претседателот на САД, Доналд Трамп, денес изјави дека Хамас ќе биде искоренет ако не го почитува договорот за прекин на огнот во Појасот Газа, еден ден по извештаите за нови напади во енклавата.

„Имаме договор со Хамас дека ќе се однесуваат пристојно, а ако не го сторат тоа, ќе ги искорениме доколку е потребно“, изјави американскиот претседател пред новинарите заедно со австралискиот премиер Ентони Албанезе, кого го прими во Белата куќа.

„Тие ќе бидат искоренети и тие го знаат тоа“, увери тој.

Претставниците на Трамп, Стив Виткоф и Џаред Кушнер, денеска се сретнаа со израелскиот премиер Бенјамин Нетанјаху, еден ден откако новото насилство во Појасот Газа предизвика стравувања дека прекинот на огнот што стапи на сила на 10 октомври ќе пропадне.

Израел соопшти дека извршил напади во Газа во неделата како одговор на нападите на Хамас, тврдење што групата го негираше. Цивилната одбрана на Газа објави дека најмалку 45 Палестинци биле убиени во гранатирањето.

Претседателот на САД инсистира дека американските сили нема да дејствуваат против Хамас, но дека неколку земји кои се согласиле да се приклучат на меѓународните сили за стабилизација за Газа би биле „среќни да интервенираат“.

„Освен тоа, Израел би интервенирал за две минути ако ги замолам“, рече тој. „Но, ние не сме го побарале тоа во овој момент. Ќе им дадеме шанса и се надеваме дека насилството малку ќе стивне. Но, знаете, ова се насилни луѓе“, додаде американскиот претседател.