Свет
Израел потврди дека високиот командант на Хезболах во југоисточниот дел на Либан е ликвидиран

Израелската армија денеска соопшти дека во нападот на командно-контролниот центар на либанската, проиранска група Хезболах на југоистокот на Либан, високиот командант на таа милитантна организација Талеб Абдалах, како и уште тројца борци на Хезболах , беа убиени.
Како одговор на убиството на Абдулах, Хезболах лансира десетици проектили врз цели во северниот дел на Израел, пренесува „Ројтерс“.
Ова претставува значајна ескалација на конфликтот иако по избувнувањето на војната во Газа секојдневно има размена на оган меѓу израелските сили и Хезболах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Палестински камерман убиен во појасот Газа

Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал Мадхун бил смртно застрелан во близина на преминот Зиким.
Израелската армија сè уште не го коментираше инцидентот.
Во средината на август израелската армија во градот Газа уби четворица вработени во Ал Џезира.
Израелската војска ја потврди смртта на дописникот Анас ал-Шариф, наведувајќи дека 28-годишникот се претставувал како новинар на Ал Џезира додека водел терористичка ќелија за палестинската милитантна организација Хамас.
Според податоци на Комитетот за заштита на новинарите (ЦПЈ) и Меѓународната федерација на новинари (ИФЈ) од почетокот на војната во Појасот Газа, октомври 2023 до 11 август во израелските напади загинале Израел 274 новинари и медиумски работници, од кои 269 биле Палестинци.
Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.
Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.