Свет
Израел уништил електрична мрежа на окупираниот Западен Брег

Израелските сили вчера демолирале еден дом и електричната мрежа во јужниот град Хеброн на Западниот Брег, пренесува агенцијата ВАФА.
ВАФА објави дека израелски булдожери извршиле рација во градот Беит Авва, во близина на Хеброн, и срушиле куќа од 180 квадратни метри, која била засолниште на палестинско семејство и пет деца со социјални потреби. Булдожерите ја уништиле и електричната мрежа што снабдува десет куќи во областа.
Израелските сили соопштија дека мрежата и куќата биле во делот што договорот од Осло го дефинира како Област Ц на Западниот Брег, што спаѓа под целосна израелска воена и административна контрола.
Палестинците во областа речиси никогаш не ги добиваат потребните градежни дозволи за обнова, проширување или изградба на нови домови за своите семејства во областа.
Во меѓувреме, Израел продолжува да ги шири илегалните населби во областа во обид да ги протера Палестинците, предупредуваат групите за заштита на правата. Израел спроведува и воени вежби во близина на окупираниот Хеброн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со 50 патници исчезна над Русија

Руската контрола на воздушниот сообраќај објави дека изгубила контакт со патнички авион Ан-24 во кој се наоѓале околу 50 лица, објави Ројтерс, повикувајќи се на руски извори.
Според информациите од порталот SHOT, авионот, управуван од авиокомпанијата Ангара, летал кон градот Тинда, во регионот Амур на крајниот исток од Русија, во близина на границата со Кина.
Се верува дека авионот исчезнал само неколку километри пред неговата дестинација.
Регионалниот гувернер, Василиј Орлов, изјави дека според прелиминарните податоци, во авионот имало 43 патници, меѓу кои пет деца, и шест членови на екипажот.
„Сите расположиви сили и ресурси се насочени кон потрага по авионот“, напиша тој на Телеграм.
Фото: принтскрин
Свет
Тајландската армија на Фејсбук: Ова е местото кое беше погодено од камбоџанските ракети

Тајландската армија објави фотографии на Фејсбук од местото кое наводно било погодено од ракета од камбоџанските сили.
Во објавата, армијата соопшти дека три лица се повредени откако камбоџански ракети го погодија округот Кап Чоенг во покраината Сурин – област близу до границата меѓу двете земји.
Фото: принтскрин
Свет
Камбоџа: Чинот на Тајланд е брутална и незаконска воена агресија

Министерството на националната одбрана на Камбоџа издаде соопштение во кое го обвинува Тајланд за распоредување преголем број војници, користење тешко оружје и изведување воздушни напади во обид насилно да се заземе територија на Камбоџа, јавува Би-би-си.
Министерството го опиша чинот на Тајланд како „брутална и незаконска воена агресија“ и „очигледно кршење на Повелбата на Обединетите нации, нормите на АСЕАН и основните принципи на меѓународното право“, според извештајот на медиумите Khmer Times.
Исто така тврдат дека тајландските борбени авиони фрлиле две бомби на територијата под контрола на Камбоџа.
„Овие нелегални и неодговорни дејствија не само што претставуваат сериозна закана за регионалниот мир и стабилност, туку и ги поткопуваат темелите на меѓународниот поредок“, изјави портпаролката на министерството Мали Сочеата. Министерството дополнително предупреди дека војската е целосно подготвена да го брани суверенитетот на Камбоџа „по секоја цена“.
Тајланд ги затвора сите гранични премини кон Камбоџа
Тајланд ги затвора сите гранични премини кон Камбоџа, објави воен функционер.
Борбите се водат во шест области долж спорната граница, според воениот функционер Сурасан Конгсири. Тројца цивили се тешко ранети, вклучувајќи и петгодишно момче, додаде тој.
Фото: принтскрин