Свет
Израел утрово изврши серија воздушни напади на Газа, висококатници срамнети со земја

Израелските воздушни сили рано утрово извршија серија масовни воздушни напади на повеќе локации во градот Газа.
Најновата беше извршена само неколку часа откако премиерот Бенјамин Нетанјаху објави нова, четврта војна со палестинскиот Хамас, која владее со Појасот Газа.
Во 10-минутниот напад утрово беа погодени цели во поширокиот Појас Газа, израелската авијациска операција траеше подолго од вчера, најсмртоносна досега во која беа убиени 42 Палестинци, а според извештајот на АП, утрово уште три високoкатници се срамнети со земја.
Израелската армија соопшти дека нападите биле извршени врз сомнителни живеалишта на девет команданти на Хамас низ цела Газа, но засега нема податоци за бројот на жртвите и материјалната штета.
Локалните медиуми објавија дека главните крајбрежни патишта во западните делови на градот, зградите на безбедносните служби, утрово исто така биле цел на израелски ракети и бомби, а локалната компанија за дистрибуција на електрична енергија соопшти дека е оштетен далекуводот од единствената централа за снабдувањето со електрична енергија на повеќето јужни делови.
Во вчерашното ТВ-обраќање до нацијата, израелскиот премиер Бенјамин Нетанјаху најави продолжување на воздушните напади „со полна сила, до ново известување, бидејќи Израел има намера да му наплати на Хамас висока цена“, а исто така доби поддршка и од неговиот политички ривал, израелскиот министер за одбрана Бени Ганц.
Членовите на Хамас, исто така, продолжија да ракетираат населени места во Израел, лансирајќи ракети од станбени области на Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Туристи правеле селфи па потонале со гондола во Венеција

Туристи кои правеле селфи успеале да потонат гондола во венецијански канал откако изгубиле рамнотежа на чамецот, и завршиле заедно со гондолиерот во морето, објави италијанската новинска агенција Анса.
Инцидентот се случил во внатрешен канал во лагунскиот град, без никакви негативни последици за учесниците, кои морале да се фатат за блиските закотвени чамци или за решетките на прозорците на некои згради на нивото на водата за да останат на површината.
Si ribalta una gondola a Venezia e i turisti cadono nel canale: escono dall’acqua aggrappandosi alle grate. #ANSA pic.twitter.com/1nNsiMMGJQ
— Agenzia ANSA (@Agenzia_Ansa) August 24, 2025
Видеата брзо се проширија на социјалните мрежи.
Сличен инцидент се случил во мај на Големиот канал, само неколку метри од мостот Риалто. И во таа прилика, туристите биле обвинети дека изгубиле рамнотежа на гондолата за да прават селфиња. Гондолиерот исто така завршил во водата. Сцената се одвивала пред очите на многу туристи и била снимена од видео-надзорните камери на градот.
Фото: принтскрин
Свет
(Видео) Украинците го дигнаа во воздух клучниот објект за извоз на гас во Русија

Нападите на Украина врз руската енергетска инфраструктура продолжија со нов напад со дронови со долг дострел, насочени кон клучните извори на приходи на Кремљ од извоз на нафта и гас. Ова не е прв ваков напад, а веројатно нема да биде и последен, објавува „Киев пост“.
Дронови со долг дострел, опремени со експлозивни боеви глави, ја погодија големата фабрика за преработка на гасен кондензат Уст-Луга, која се наоѓа во близина на Санкт Петербург на Балтичкото Море, предизвикувајќи силни експлозии и пожари.
The attack caused serious damage to one of the key infrastructure facilities of the Russian energy sector — the Gazprom Ust-Luga gas processing complex, which is part of the large-scale Baltic gas chemical cluster.
The main damage was inflicted on the cryogenic deep processing… pic.twitter.com/jmgh8U5Buq
— Exilenova+ (@Exilenova_plus) August 24, 2025
Сведоците пријавија најмалку два големи пожари по нападот, кој се случил за време на утринската смена.
Објектот Уст-Луга, во сопственост на „Газпром“ и управуван од енергетската компанија „Новатек“, е една од најголемите фабрики за преработка на природен гас во Европа и клучен извозен центар за руски гас транспортиран преку цевководи од Арктикот и западен Сибир.
The Ust-Luga terminal in the innermost part of the Gulf of Finland is a key 🇷🇺 facility for export of oil and gas. It’s evidently been hit by 🇺🇦 long range drones. pic.twitter.com/d6ChcgQQGJ
— Carl Bildt (@carlbildt) August 24, 2025
Видеата направени од работниците во фабриката покажуваат прецизни удари врз единицата за гасен кондензат, проследени со големи огнени топки. Руските медиуми објавија дека единицата претрпела значителна штета. Според проценките, поправките би можеле да траат од неколку недели до неколку месеци.
Свет
Застрашувачки снимки од напад врз болница во Газа, меѓу загинатите има и новинари

Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во јужниот дел на Појасот Газа, соопштија палестинските здравствени власти.
على الهواء مباشرة… إسرائيل تقصف طواقم الدفاع المدني أثناء محاولتها انتشال جثمان الصحفي حسام المصري الذي ارتقى إثر قصف إسرائيلي لمستشفى ناصر.
جرائم متسلسلة أمام أعين العالم أجمع pic.twitter.com/6bzPn2gfCV— Ramy Abdu| رامي عبده (@RamAbdu) August 25, 2025
Меѓу загинатите е и снимателот на „Ројтерс“, Хусам ал-Масри.
Фотографот Хатем Халед, исто така поврзан со „Ројтерс“, беше ранет во вториот напад, кој се случи додека спасувачите и новинарите брзаа кон местото на првиот удар.
Al Jazeera journalist among 14 killed in Israeli strike on Gaza hospital
Read more at: https://t.co/mxYLWxJlSO#Israel #Palestine #Gaza #IsraelAirstrikes #Death #AlJazeera #Photojournalist #MohammadSalama
— Mathrubhumi English (@mathrubhumieng) August 25, 2025
Очевидци изјавија дека нападите следувале по пристигнувањето на спасувачите и медиумските екипи на местото на првиот напад.
Four Palestinian journalists among the people killed in Israeli attack on Nasser Hospital in southern Gaza
📸 @anadoluimages / Monday August 25, 2025 pic.twitter.com/OSM697pXWU
— Clauda Tanios (@ClaudaTanios) August 25, 2025
Еден спасител бил меѓу загинатите, а здравствените службеници ги идентификувале новинарите Маријам Абу Дага, Мохамед Салама и Моаз Абу Таха.
Four Palestinian journalists among the people killed in Israeli attack on Nasser Hospital in southern Gaza
📸 @anadoluimages / Monday August 25, 2025 pic.twitter.com/OSM697pXWU
— Clauda Tanios (@ClaudaTanios) August 25, 2025
„Асошиетед прес“ потврди дека меѓу убиените во израелските напади врз болницата „Насер“ е и нивната колешка, 33-годишната новинарка Маријам Дага.
Во соопштението тие велат дека Дага често известувала од болницата и дека нејзините последни статии биле за неисхранети деца во Газа.
„’Асошиејтед прес’ е шокиран и тажен од веста за смртта на нашата колешка Маријам Дага заедно со неколку други новинари во Кан Јунис. Маријам редовно известуваше од болницата ‘Насер’, а нејзината работа вклучуваше моќни приказни за гладот и за неисхранетоста кај децата. Таа работеше за ‘Асошиетед прес’ и за други медиуми. Правиме сè што можеме за да ги заштитиме нашите новинари во Газа додека тие продолжуваат да донесуваат витални сведоштва од терен“, се вели во соопштението на агенцијата.
Израелската војска (ИДФ) издаде соопштение по нападот врз болницата.
„Началникот на Генералштабот нареди што е можно побргу да се спроведе почетна истрага. Израелските одбранбени сили жалат за сите невини жртви и не ги таргетираат новинарите како такви. Војската дејствува за да ја минимизира штетата врз невините, а воедно да ја одржува безбедноста на израелските сили“, се вели во соопштението.
Од почетокот на војната во Газа на 7 октомври 2023 година повеќе од 240 палестински новинари се убиени во израелски напади, според Палестинскиот сојуз на новинарите, како што објави „Ројтерс“.
Фото: ЕПА