Свет
Изјавата на Стармер за испраќање мировници во Украина не беше дочекана со ентузијазам во ЕУ
Неколку земји од Европската унија денеска соопштија дека се уште е рано за разговори за испраќање војници во Украина, по изјавата на британскиот премиер Кир Стармер дека е подготвен да испрати војници како мировни сили доколку е потребно.
Станува збор и за „спречување на повторна појава на војна за неколку години“, вели извор од германската влада, нагласувајќи дека одржувањето на траен мир е „трансатлантска задача“.
„Нема да учествуваме во сценарија во кои европската и американската безбедност се разделени, на пример, ако европските војници се распоредат без целосна посветеност на САД“, објаснува истиот извор.
„Неколку пати кажавме дека прво мора да почекаме да видиме дали и како мирот, како што се надеваме, ќе дојде во Украина“, изјави портпаролката на германската влада Кристијане Хофман на редовната прес-конференција.
„Тогаш можеме да зборуваме за условите и за тоа како може да се организира“, додаде таа, но Германија верува дека дискусиите се „сè уште предвремени во оваа фаза“.
Овие изјави беа дадени во контекст на состанокот на европските лидери во Париз, вклучително и канцеларот Олаф Шолц, за Украина, безбедноста и улогата на Европа во можниот прекин на огнот. Се бара заеднички одговор на забрзувањето на американската администрација за украинското прашање.
Средбата беше поттикната од поканата на американскиот претседател Доналд Трамп до неговиот руски колега Владимир Путин и нивната одлука директно да преговараат за Украина на претстојниот самит во Саудиска Арабија. Средбата во Париз се одржува и ден по Минхенската безбедносна конференција, каде антиевропскиот говор на американскиот потпретседател Џеј Ди Венс предизвика шок во европските метрополи.
Полскиот премиер Доналд Туск денеска изјави дека Полска нема да испрати војници во Украина.
„Полска ќе ја поддржи Украина како и досега: организациски, во согласност со нашите финансиски можности, во смисла на хуманитарна и воена помош“, изјави Туск пред новинарите пред да замине на самитот во Париз, свикан од францускиот претседател Емануел Макрон.
Шпанскиот министер за надворешни работи Хозе Мануел Албарес, исто така, пред вонредниот самит на европските лидери рече дека е премногу рано да се разговара за распоредување војници во Украина, бидејќи верува дека на прво место мора да биде трајниот мир.
Словачкиот премиер Роберт Фицо во владината изјава нагласи дека прашањето за војниците во Украина е само прашање на Обединетите нации или билатерални договори и тоа е тема со која ЕУ нема никаква врска и не треба да ја коментира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Голем пожар во Хрватска: Над 60 пожарникари на терен, се слушале експлозии
Пожарот што синоќа избувна во објект на хрватската компанија „ЦИАК“ во Забок, која складира и третира опасен отпад, е ставен под контрола, соопшти претседателот на Противпожарната заедница на Крапинско-загорската жупанија, Стјепан Скулибер, пренесе Танјуг.
„Пожарот сè уште не е целосно изгаснат, но е под контрола. На терен останаа седум пожарникари со три возила, а во текот на утрото ќе продолжи догасувањето и внатре во објектот“, изјави Скулибер.
Тој потврди дека вработени од Наставниот завод за јавно здравје „Д-р Андрија Штампар“ извршиле мерења на квалитетот на воздухот на местото на пожарот и во околните населени места Забок, Орославје и Велико Трговишче, а резултатите се очекуваат во текот на денот.
Околу 3:30 часот наутро, жителите на Хрватско Загорје добиле предупредувачка порака преку системот HR112 ALERT за потенцијална опасност поради пожарот во компанијата ЦИАК од Забок.
Компанијата во индустриската зона располага со хали и погон за рециклирање акумулатори, а локалните медиуми објавија дека на терен биле ангажирани повеќе од 60 пожарникари. Според порталот Zagorje.com, целата зграда била зафатена од оган и се слушале експлозии, при што станува збор за објект во кој се складира опасен хемиски отпад.
На местото на настанот пристигнала и градоначалничката на Забок, Валентина Ѓурек, која изјави дека дел од конструкцијата веќе е урната, но дека во тој момент немала дополнителни информации.
Од полицијата за Хина изјавиле дека пожарникарите интервенираат и дека засега не можат да дадат повеќе детали. Хрватските медиуми наведуваат дека во гаснењето учествувале пожарникари од јавната пожарникарска станица на Загорје и уште осум доброволни противпожарни друштва од околината.
Свет
(Видео) Тајланд: Воените операции ќе продолжат додека земјата е загрозена
Тајландскиот премиер Анутин Чарнвиракул изјави дека Тајланд ќе продолжи со воените операции сè додека територијата и населението на земјата повеќе не бидат загрозени.
Во објава на социјалните мрежи, Анутин ја отфрли претходната изјава на американскиот претседател Доналд Трамп, кој рече дека експлозијата на бомба покрај патот, во која загинале и биле ранети тајландски војници, била инцидент, додавајќи дека Тајланд возвратил многу силно, јави Синхуа.
Thailand 💥 Cambodia
The Thai Navy reportedly fired 20 artillery shells into Koh Kong province just after midnight, around 2:00 a.m., according to the Cambodian Defense Ministry. https://t.co/WLY2NpqoZQ pic.twitter.com/1Dv51hJyKR
— Global perspective (@Global__persp1) December 13, 2025
Тајландските медиуми, повикувајќи се на воен извор, објавија дека Кралското тајландско воздухопловство во саботата распоредило два борбени авиони Ф-16 кои бомбардирале цели долж границата со Камбоџа.
И покрај мировниот договор што премиерите на Тајланд и Камбоџа го потпишале на 26 октомври на самитот на АСЕАН во Куала Лумпур, во присуство на Трамп, воените судири повторно продолжиле на 7 декември на тајландско-камбоџанската граница.
Камбоџа соопшти дека Тајланд утрото продолжил со напади на гранични цели, користејќи и борбени авиони, неколку часа откако Трамп објави дека посредувал во прекин на огнот. Камбоџанското Министерство за информирање наведе дека тајландските сили не престанале со бомбардирањето, пренесе Ројтерс.
Тајландската војска, пак, ги отфрли обвинувањата и ја обвини Камбоџа за „повеќекратни прекршувања на меѓународните правила“, вклучително и напади врз цивилни цели и поставување мини.
Иако Трамп соопшти дека лидерите на двете земји се согласиле за прекин на огнот, Анутин изјави дека таков прекин нема, наведува Ројтерс.
Фото: depositphotos
Свет
Сијарто: Безбедноста на Европа ја гарантира НАТО, а не Украина
Унгарскиот министер за надворешни работи Петер Сијарто остро ги критикуваше изјавите на генералниот секретар на НАТО, Марк Руте, дека Русија би можела да биде подготвена да го нападне НАТО во рок од пет години, оценувајќи ги како „непромислени“.
„Марк Руте даде неколку непромислени изјави, тврдејќи дека ‘ние’ сме следната цел на Русија и дека безбедноста на Украина е наша безбедност“, напиша Сијарто на социјалната мрежа Икс. Тој додаде дека секој што сѐ уште се сомнева дали „здравиот разум целосно исчезнал“ во Брисел, треба да биде убеден од ваквите изјави.
Сијарто нагласи дека Унгарија, како членка на НАТО, одлучно ги отфрла овие тврдења, посочувајќи дека безбедноста на европските земји ја гарантира НАТО, а не Украина, која, како што рече, се бори за сопствената безбедност.
Тој оцени и дека изјавите на Руте се знак дека Брисел се поставил против мировните напори на американскиот претседател Доналд Трамп, додавајќи дека ваквите изјави се „неодговорни и опасни“.
Руте, пак, во четвртокот предупреди дека Русија би можела да биде подготвена да употреби воена сила против НАТО во рок од пет години, повикувајќи ги сојузниците да ги зголемат трошоците за одбрана.
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
(Видео) Убиецот на Чарли Кирк првпат се појави пред суд
Мажот обвинет за убиство на десничарскиот активист Чарли Кирк, 22-годишниот Тајлер Робинсон, се појави за прв пат лично на суд...
САД воведуваат нови санкции врз Венецуела, насочени кон внуците на Мадуро и нафтениот сектор
САД го зголемуваат притисокот врз Венецуела со нови санкции насочени кон тројца внуци на претседателот Николас Мадуро, меѓу другите. Двајца...
(Видео) Земјотрес со јачина од 6,7 степени ја погоди Јапонија, забележано слабо цунами: пристигнуваат снимки
Земјотрес со јачина од 6,7 степени ја погоди североисточна Јапонија, што ја натера Јапонската метеоролошка агенција да издаде предупредување за...
Трамп ја презеде контролата врз регулативата за вештачка интелигенција
Американскиот претседател Доналд Трамп потпиша извршна наредба насочена кон централизирање на регулирањето на вештачката интелигенција на федерално ниво за да...
