Свет
„Или лажат или се глупави“, Шварценегер со остри критики за светските лидери околу климатските промени
Актерот и политичар Арнолд Шварценегер изјави дека светските лидери кои тврдат дека борбата против климатските промени има штетно влијание врз економијата се или „глупави или лажливци“.
Во пресрет на самитот за климата, поранешниот гувернер на Калифорнија изјави за Би-Би-Си дека намалувањето на штетните гасови може да има добро влијание врз светската економија.
Шварценегер зборуваше и за загадувањето предизвикано од меѓународната трговија. Тој, како што пишуваат медиумите, истакнал дека континуираниот економски успех на Калифорнија докажува дека намалувањето на јаглеродот и зголемувањето на богатството одат рака под рака.
„Тие се лажговци, тие се глупави. Или не знаат како да го спроведат тоа“ кажал тој.
Шварценегер стана борец за чист воздух и обновлива енергија додека беше гувернер од 2003-2011 година, поставувајќи ја целта за намалување на емисиите на издувни гасови и ефектот на стаклена градина. Бидејќи повеќе не е гувернер, Шварценегер ја користи својата слава и влијание за да ја промовира борбата за намалување на штетните гасови, анализираат медиумите.
Актерот познат по улогата во филмскиот серијал „Терминатор“ истакна и дека намалувањето на внесот на месо не значи да се жртвува нешто, всушност станал поздрав бидејќи јаде помалку месни производи.
„Бидејќи јадам повеќе зеленчук и растителна храна, докторот ми рече дека артериите престанале да се стеснуваат. Како се откажав од некои работи? Се грижев за мојата здравствена состојба и тоа ми го продолжи животот за две години“, изјави тој.
Шварценегер исто така смета дека технологијата носи решенија и вели дека од возење „Хамер“ преминал на електрично возило кое е побрзо и има повеќе коњски сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.