Свет
„Индипендент“: Нуклеарните закани на Путин докажуваат дека војната не оди во посакуваната насока
Тешко е да се разбере дека поставувањето на десет тактички боеви глави со краток дострел во Белорусија претставува одлучувачки чекор во украинската војна, пишува британскиот весник.
Британскиот весник „Индипендент“ наведува дека нуклеарните закани на рускиот претседател Владимир Путин и неговата најава дека има намера да пренесе тактичко нуклеарно оружје во Белорусија се само обид да се ослабне решителноста на Западот и Украина, што докажува дека војната во Украина не оди во насоката што ја сака.
Весникот во наведува дека Путин е решен да испрати уште една заканувачка порака за опасноста од ескалација.
„Индипендент“ коментира дека иако последната закана на Путин е позначајна од претходните нејасни закани за употреба на оружје за масовно уништување, не мора да постои причина да се верува дека ова потенцијално распоредување носи поголема опасност отколку што постоеше претходно.
Весникот додава дека ако Путин сака да употреби нуклеарна бомба за да му помогне да победи на боиштата во Доњецк, тогаш тоа може да го направи од руска почва.
Затоа реакцијата на Пентагон била мирна, речиси рамнодушна, пишува весникот, додавајќи дека Путин, кој е „непромислен и очаен за каков било начин да победи“, добро знае дека застрашувачкиот ефект на доктрината за сигурно меѓусебно уништување е сè уште на сила.
Весникот наведува дека украинскиот претседател Володимир Зеленски бил доволно искрен да признае дека не може да има контраофанзива од големи размери во Украина без нови испораки на муниција, оклоп и беспилотни летала.
Токму ова, а не нуклеарните бомби, на крајот ќе го свртат бранот на оваа војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.