Свет
Индиските работници сè уште се во тунелот: сите сигурни решенија се потрошени
Судбината на 41 индиски работник заробени во урнатиот планински тунел виси на конец додека спасувачите почнуваат ризичен обид – да дупчат вертикално надолу за да се обидат да ги извлечат, пишува „Гардијан“. Работниците се заробени во тунелот „Силкјара – Баркот“ во планинската држава Утараханд повеќе од две недели кога се урна влезот на тунелот создавајќи бариера од бетонски шут, остатоци и метал.
Властите минатата недела оптимистички ветуваа дека спасувањето е при крај откога успеаја да ја пробијат урнатината од 50 метри, а останаа само последните 10-15 метри. Сепак, операцијата наиде на многубројни пречки во завршната фаза.
Огромна машина за дупчење, увезена од САД, се расипа во петокот кога удри во метална бариера. Властите соопштија дека таа се поправа, а во меѓувреме 200 спасувачи рачно ги дупчеа и отстрануваа урнатините користејќи систем со макара, макотрпен и долг процес.
Националната управа за управување со катастрофи (NDMA) соопшти дека спасувачите почнале вертикално да ја дупчат шуплината на тунелот, каде што работниците биле заробени. Сепак, се смета за далеку поризичен процес од хоризонталното дупчење.
Официјалните лица рекоа дека овој метод би можел да предизвика вибрации во и онака кревката хималајска геологија и да отвори можност за формирање на нови пукнатини и потенцијално уривање на голем дел од таванот на тунелот.
Геолозите предупредија дека вертикалното дупчење е голем ризик бидејќи силните вибрации предизвикани од дупчењето надолу може да претставуваат огромна закана и да го дестабилизираат околниот терен. Претставниците на НДМА потврдија дека вертикалното дупчење почнало вчера попладне.
„Потребни се 86 метри копање за да се дојде до затрупаните работници и да се изврши нивното извлекување. Веќе се пробиени 15 метри“, посочија од таму. На помош беа повикани и армијата и воздухопловните сили. Денес, индиските власти соопштија дека вертикалното дупчење би можело да биде завршено до четврток, но исто така предупредија дека може да поминат денови или недели пред да стигнат до луѓето доколку се појават нови пречки.
Арнолд Дикс, експерт донесен од Австралија за да помогне во операцијата, даде поконзервативна временска рамка. „Може да потрае некое време, можеби и до еден месец, но не можам да дадам точна временска рамка. Не е препорачливо да се брза со процесот. Приоритет е безбедното враќање на овие мажи и уверен сум дека тие ќе бидат дома за Божиќ“, процени тој.
Со луѓето внатре се одржува постојан контакт преку мала водоводна цевка, низ која поминуваат храна и кислород, а потоа преку поголема доводна цевка од 15 сантиметри, која беше успешно ставена минатата недела, што значи дека работниците може да добијат свежо зготвена храна, овошје и потребните лекови.
И покрај ниските температури надвор, во тунелот е топло. Ендоскопската камера вметната во цевката исто така помогна да се следи состојбата на заробените мажи. Сиед Ата Хаснаин, службеник на НДМА, се обиде да ги увери роднините и јавноста дека заробените работници сè уште се безбедни.
„На сите им беа дадени храна и лекови. Медицински и психо-социјални експерти се таму и си ја вршат својата работа. Се преземаат сите мерки на претпазливост за сечија безбедност“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото+видео) Масовен протест за Газа во Сиднеј: демонстрантите носеа тенџериња и тави како симболи на глад
Денеска во Сиднеј се одржа пропалестински протест, на кој учествуваа десетици илјади луѓе, повикувајќи на мир и доставување помош до воено разурнатиот Појас Газа, јавува Ројтерс.
Некои од учесниците на протестната прошетка, која организаторите ја нарекоа „Марш за хуманост“, носеа тенџериња и тави како симболи на глад. Според „9 News Australia“, бројот на демонстранти далеку ги надмина очекувањата на организаторите – дури 90.000 луѓе.
Avustralya’nın Sydney kentinde binlerce kişi İsrail’in Filistin’e yönelik saldırılarını protesto etmek için bir araya geldi.
— Haber HUN (@haberHUN) August 3, 2025
Меѓу учесниците на протестот беа постари лица и семејства со мали деца, како и основачот на Викиликс, Џулијан Асанж, а некои мавтаа со палестински знамиња и скандираа „сите сме Палестинци“.
Во Појасот Газа, во тек е војна меѓу Израел и палестинското милитантно движење Хамас, која започна во октомври 2023. Оттогаш, според палестински извори, повеќе од 60.000 луѓе се убиени во Газа, а хуманитарните организации велат дека недостигот од храна води до широко распространето гладување.
Свет
(Видео) „Ова не се случило 20 години“ – снег ја парализира Австралија, завеани градови, заглавени возила
Неколку градови во источна Австралија се покриени со најдебелиот слој снег што паднал во последните неколку децении. Државната служба за вонредни ситуации на Нов Јужен Велс соопшти дека за време на викендот се очекува да падне околу половина метар снег во одредени области.
Во делови од северозападниот регионот Нова Англија паднал најголемиот снег во последните 20 години, извести државната телевизија.
Весникот „Сиднеј Морнинг Хералд“ објави дека во едно подрачје во соседната држава Квинсленд паднал првиот снег по десет години, пренесува денеска Ројтерс.
– Никогаш во животот немам видено снег. Навистина е надреално искуство – изјавил еден жител на Квинсленд за локалната телевизија „7Њуз“.
Службата за вонредни ситуации соопшти дека реагирала на повеќе од 1.455 инциденти. Олуите оштетиле згради и издадени се неколку предупредувања за поплави. Според Abc.net.au, околу 200 возила се заглавени во длабок снег кој го затрупал северозападниот дел на Нова Англија во саботата. Службата на Нов Јужен Велс соопшти дека регионот никогаш досега не видел ваков длабок снег.
Десетици илјади потрошувачи останале без струја во текот на ноќта, а полицијата во Нов Јужен Велс – најнаселената австралиска држава – соопшти дека автомобил останал заглавен во поплавени води и дека исчезнала жена на дваесетина години, по која интензивно се трага.
Свет
(Фото+видео) Руски ракетен напад врз Николаев: повредени седум лица, уништени десетици домови
Во рускиот ракетен напад врз градот Николаев во јужна Украина синоќа, најмалку седум лица се повредени, а десетици куќи и објекти од цивилна инфраструктура се уништени или оштетени, изјави денес началникот на Николаевската регионална воена администрација Виталиј Ким.
Државната служба за вонредни ситуации на Николаевската област објави дека како резултат на рускиот ракетен напад се оштетени приватни куќи и цивилни домови, како и дека се спроведуваат итни спасувачки операции и се гаси пожарот на местото на ударот, пренесува „Униан“.
Ким во објава на Телеграм изјави дека три лица се хоспитализирани од полноќ.
Тој објави фотографии на кои се гледаат поединечни станбени згради кои биле речиси уништени, наведувајќи дека 23 приватни куќи, 12 станбени згради и пошта биле оштетени во рускиот напад, пренесува Ројтерс.
Украинските воздухопловни сили објавија на Телеграм дека Русија синоќа лансирала 76 дронови и седум ракети насочени кон Украина и дека биле погодени осум локации низ Украина.
😡 Strike on Mykolaiv: Homes destroyed, civilians injured
During yesterday’s shelling of Mykolaiv, 23 private houses, 12 apartment buildings, 6 cars, a post office, and a construction materials store were damaged, according to Mayor Oleksandr Sienkevych.
Seven people were… pic.twitter.com/FQ8NiwfBLe
— NEXTA (@nexta_tv) August 3, 2025
Се додава дека украинските единици за воздушна одбрана уништиле 60 руски беспилотни летала и една ракета.
Во регионите Запорожје и Херсон, на фронтовската линија, најмалку три лица се убиени, а повеќе од 12 се повредени како резултат на руските напади во текот на изминатите 24 часа, соопштија шефовите на регионалните воени администрации.
Русија, исто така, започна ракетен напад со краток дострел врз Киев, но нема извештаи за повредени или штети.
(Видео) Нов пожар избувна кај тетовско Желино
Директорот на Дирекцијата за заштита и спасување, Стојанче Ангелов, попладнево информираше дека избил нов пожар кај тетовско Желино. Повеќе информации...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
АМСМ: На Табановце се чека 40 минути, на Богородица и Дојран околу еден час
АМСМ информира дека интензитетот на сообраќај на патните правци надвор од градските средини е зголемен. „Поради летните одмори се бележи...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
(Видео) МААЕ: Експлозии и чад во близина на нуклеарната централа Запорожје
Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
