Свет
Индиската полиција уби осум терористи во Кашмир
Индиските безбедносни сили елиминираа осум милитанти во две одвоени рации во спорниот регион Кашмир во текот на последните 24 часа. Операциите се случија неколку дена по смртоносниот пограничен судир со Кина, пренесува РТ.
Полицијата и безбедносните сили спроведоа рација во областа Пампоре во индискиот дел на Кашмир откако добија разузнавачки извештај за милитантно присуство таму.
Еден терорист е убиен во престрелката додека уште двајца се повлекле и се скриле во блиската џамија. Според полицијата, бил користен солзавец за да се истераат милитантите од зградата. Потоа и двајцата беа убиени, а немало оштетување на џамијата.
Во одделна операција, безбедносните служби наишле на пет терористи во областа Шопијан. Сите милитанти се убиени во престрелката. Нема извештаи за жртви меѓу полицијата или цивилите.
#MeejPamporeEncounterUpdate: #Patience & #professionalism worked. No use of firing & IED. Used tear smoke shells only. Maintained #sanctity of the #mosque. Both #terrorists hiding inside mosque neutralised: IGP Kashmir. @JmuKmrPolice https://t.co/kw2P3Ng04a
— Kashmir Zone Police (@KashmirPolice) June 19, 2020
Индија редовно спроведува рации против исламистичките бунтовници во областа, расчистувајќи ги нивните кампови и запленувајќи го оружјето на оддалечени локации.
Ситуацијата на теренот останува напната бидејќи претходно неделава индиските и кинеските трупи се судрија кај спорната граница во Ладах, дел од поголемиот регион Кашмир. Во судирот загинаа 20 индиски војници.
Пекинг рече дека имало жртви од обете страни, но не го ибјави бројот на загинати или повредени кинески војници. Страните во моментот водат разговори за да ги смират тензиите.
Индија и нејзиниот западен сосед Пакистан, кој тврди целиот Кашмир е негова територија, повремено се вклучуваат во прекугранични бомбардирања, при што двете страни меѓусебно се обвинуваат за започнување на конфликтите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.