Свет
Индија ги ублажи мерките на рестрикција, зголемен бројот на заразени и починати

Индија објави најголемо зголемување на бројот на заразени лица и смртни случаи поврзани со Kовид-19 во последните 24 часа, откако мерките за карантин низ целата земја беа олеснети од регионалните влади.
Според последните информации од индиското Министерство за здравство, регистрирани се 195 смртни случаи за 24 часа, поради што вкупниот број на починати се искачи на 1.568. Бројот на заразени лица се искачи за 3900, вкупно 46.433. Покрај тоа, закрепнале 12.727 пациенти.
Бројот на заболени е зголемен како резултат на зголеменото тестирање, соопштија здравствените власти, со тоа што се тестирани рекордни 82.792 лица. Најмногу позитивни случаи се забележани во поголемите индиски градови како Њу Делхи и Мумбаи.
Ублажувањето на мерките почнало во многу делови на земјата како трета фаза на карантински мерки – што започна на 25 март. На приватните канцеларии, како и на индустриските и градежните активности, им беше дозволено да работат под ограничени услови, дури и во „црвените зони“ или во епицентрите на заразата, како што е Делхи – каде [to мерките беа најстроги. Патувања, посети на хотели, ресторани, трговски центри и киносали сè уште не се дозволени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сомнителни остатоци од летало пронајдени во Полска

Полските власти истражуваат остатоци од објект што личи на дрон, пронајден на околу 100 километри од главниот град Варшава.
Тоа е последниот сомнителен објект што влегол во воздушниот простор на НАТО, по серијата упади од Русија.
– Единицата на Воената полиција во Варшава, под надзор на обвинителот на Одделот за воени работи на Окружното обвинителство, спроведува активности на местото каде што е пронајден неидентификуван воздушен објект – објави Воената полиција во објава на мрежата X.
Mazowiecki Oddział Żandarmerii Wojskowej w Warszawie, pod nadzorem prokuratora z Działu do Spraw Wojskowych Prokuratury Rejonowej Warszawa-Ursynów, prowadzi czynności na miejscu odnalezienia niezidentyfikowanego obiektu powietrznego w miejscowości Zaręby Warchoły, pow. ostrowski. pic.twitter.com/P4Raz8Lehn
— Żandarmeria Wojskowa (@Zandarmeria) October 4, 2025
Тие, исто така, ја повикаа јавноста веднаш да пријавува какви било слични неидентификувани објекти.
Полска е во состојба на зголемена готовност поради упадот на руски беспилотни летала во нејзиниот воздушен простор во септември.
Свет
(Фото) 1.000 луѓе заробени на Монт Еверест поради снежна бура

Неколку спасувачки екипи учествуваат во операцијата за расчистување на патиштата од снегот на источниот дел од Монт Еверест во Тибет, каде што речиси 1.000 луѓе беа заробени поради снежната бура. Според кинеските медиуми, снежната бура ги блокирала патеките.
Во акцијата учествуваат и мештани, а висината на која се наоѓаат заробените луѓе на Монт Еверест е поголема од 4.900 метри.
Неколку планинари беа успешно спуштени на безбедно место.
🚨 BREAKING: Blizzard traps nearly 1,000 people on Mount Everest’s east slope
A sudden whiteout hit the Everest east slope camp in Tibet, 4,900 meters up.
Tents crushed. Paths buried. Temperatures plummeting.Rescuers say hundreds are trapped across several camps, some showing… pic.twitter.com/nTmPS04qnK
— JJBOOM (@JordyHalo80) October 5, 2025
Еден од планинарите кој успеал да избега непосредно пред почетокот на бурата, изјавил дека „снегот паѓал без престан и достигнал повеќе од еден метар“.
Снегот почнал да паѓа во петокот навечер и продолжил вчера цел ден.
Продажбата на билети и влезот во туристичката зона на Монт Еверест биле прекинати од страна на локалната туристичка агенција, која информираше за затворањето на туристичките патеки заради ризикот од понатамошно влошување на временските услови.
Свет
Во Еквадор е воведена вонредна состојба, немирите ескалираа на улиците

Еквадорскиот претседател, Даниел Нобоа, прогласи вонредна состојба во десет од 24 провинции во земјата поради внатрешни немири предизвикани од протестите на заедницата на староседелци поради зголемувањето на цените на дизелот, јавуваат денеска медиумите.
Како што се наведува во декретот на Нобоа, овие протести станале насилни, па вонредната состојба била воведена со цел да се избегне нивната понатамошна радикализација, пренесува агенцијата Ефе.
Тој додаде дека за време на насилните демонстрации, припадниците на полицијата и војската биле нападнати, а некои од нив биле киднапирани и физички малтретирани.
Нобоа забрани јавно собирање во десет провинции, додавајќи дека мирни протести ќе бидат дозволени доколку не ги загрозуваат правата и слободите на другите граѓани.
Меѓу причините за воведување на овие мерки, кои ќе важат 60 дена, тој ги наведува и неодамнешните изјави на претседателот на Националната конфедерација на староседелечки народи (CONAIE), Марлон Варгас, кој предупреди дека протестите може да ескалираат и да доведат до заземање на главниот град Кито, ако нивните барања не бидат уважени.