Свет
Индија може да стане првата земја што ќе слета на Јужниот Пол на Месечината

Индиската вселенска агенција објави снимки што нејзиното вселенско летало ги снимило од далечната страна на Месечината додека имала обид за слетување на Јужниот Пол на Месечината, само неколку дена по неуспехот на руски „лендер“.
Вселенското летало „Чандрајаан-3“ на Индиската организација за вселенски истражувања (ISRO) беше во трка со Русија да биде првото што ќе слета на лунарниот Јужен Пол, регион чии засенчени кратери се смета дека содржат воден мраз, каде што во иднина би можеле да се обезбедат услови да за живеат луѓе.
По неуспехот на руската мисија „Луна-25“, ИСРО соопшти дека „Чандрајаан-3“ е на пат да слета на 23 август.
Ова е втор обид на Индија да слета на Јужниот Пол на Месечината. Во 2019 година мисијата „Чандрајаан-2“ на ИСРО успешно распореди орбитер, но нејзиниот „лендер“ се урна.
Сликите објавени во понеделникот покажаа кратери на површината на Месечината снимени со камерата за откривање и избегнување опасност од слетување на леталото ИСРО, која е дизајнирана да помогне да се најде безбедно место за слетување на леталото.
Индиската мисија на Месечината почна на 14 јули, а модулот за слетување „Чандрајаан-3“ се одвои од погонскиот модул минатата недела.
За Индија, успешното слетување на Месечината би го означило нејзиното појавување како вселенска сила бидејќи владата на премиерот Нарендра Моди сака да поттикне инвестиции во приватни вселенски лансирања и поврзани бизниси базирани на сателити.
„Доколку ‘Чандрајаан-3’ успее, тоа ќе го зајакне угледот на индиската вселенска агенција во светот. Тоа ќе покаже дека Индија станува клучен играч во истражувањето на вселената“, рече Маниш Пурохит, поранешен научник од ИСРО.
Успешната мисија ќе ја направи Индија само четвртата земја што ќе успешно слета на Месечината по поранешниот СССР, САД и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шпанија со закон го забранува извозот на оружје во Израел: „Сакаме да се стави крај на геноцидот во Газа“

Шпанските пратеници денес гласаа за закон со кој се воведува ембарго за извоз на оружје во Израел, мерка што долго време ја заговараше социјалистичкиот премиер Педро Санчез за „запирање на геноцидот“ во Газа.
„За“ гласаа 178 пратеници, а 169 беа против. Малцинската влада на социјалистичкиот премиер конечно ја доби поддршката од четири пратеници од крајно левичарската партија Подемос, која не откри како ќе гласа до денеска наутро.
Шпанското ембарго е на сила од октомври 2023 година, но социјалистичката влада сакаше да ја „зацврсти правно“ одлуката.
Санчез го објави тоа на 8 септември, по што израелската влада реагираше жестоко, но Израел го повлече својот амбасадор од Шпанија во 2024 година, откако Мадрид ја призна Палестина.
Регион
Вучиќ: Турција сонува повторно да ја обнови Отоманската Империја

По пристигнувањето на турските беспилотни летала во Приштина, имаше остра реакција од српскиот претседател Александар Вучиќ, кој ја обвини Турција дека сонува за обнова на Отоманската Империја. Со овој потег, Србија премина од „златно доба“ во односите со Турција и пријателството со Ердоган на отворени политички тензии за само една година, пишува N1.
Косовскиот премиер Албин Курти претходно објави на Фејсбук дека пристигнале беспилотните летала, додавајќи дека десетици безбедносни сили веќе се обучени да ги користат.
Курти објасни дека договорот со турската компанија Бајкар бил потпишан во декември минатата година, а дроновите биле испорачани три месеци пред предвидениот рок. Тој нагласи дека Косово „продолжува да ја зајакнува ударната моќ на својата армија“ со модерна технологија.
Реагирајќи на веста, Вучиќ остро го осуди потегот на Турција, велејќи дека е „ужасен“ и дека тоа „јасно покажува дека Турција не сака стабилност на Западен Балкан“.
„Згрозен сум од однесувањето на Турција и грубото кршење на Повелбата на ОН и Резолуцијата 1244 на Советот за безбедност на ОН, како и од континуираното вооружување на властите во Приштина. Сега е сосема јасно дека Турција не сака стабилност на Западен Балкан и дека сонува за оживување на Отоманската империја. Србија е мала земја, но ние добро ја разбравме пораката“, рече Александар Вучиќ.
Реагираше и владината Канцеларија за Косово и Метохија, а нејзиниот директор Петар Петковиќ ја повтори оценката на Вучиќ дека Србија „ја разбрала пораката“ и дека „не е случајно“ што беспилотните летала биле доставени во Косово три месеци пред предвиденото.
Турција го направи ова, смета Петковиќ, „само неколку дена пред локалните избори“, со цел да му ја обезбеди на премиерот на Приштина „потребната поддршка пред изборите на 12 октомври, за да може да продолжи да го тероризира српскиот народ“.
Петковиќ рече дека Белград „ќе продолжи одговорно да го зачувува мирот и стабилноста, и покрај вооружените сојузи што се создаваат на штета на мирот и претставуваат директна закана“.
Фото: ЕПА
Свет
Белорусија испраќа рекордни количини бензин во Русија

Белорускиот железнички извоз на бензин во Русија се зголеми за четири пати во септември во однос на претходниот месец, бидејќи Москва се справува со недостиг на гориво предизвикан од украинските напади врз нејзината енергетска инфраструктура, објавија извори од индустријата синоќа, објави „Ројтерс“.
Неколку руски региони беа принудени да воведат мерки за штедење и привремено да ги замрзнат цените на горивата во последните недели. Причината е недостигот на популарни видови бензин предизвикан од напади со беспилотни летала насочени кон рафинерии и други енергетски објекти.
Како одговор, Москва, исто така, го ограничи извозот на бензин и дизел. Ова не е првпат Русија да се потпира на соседна Белорусија, таа, исто така, го зголеми увозот на гориво минатата година за да го покрие недостигот на пазарот.
Според извори, пратките на бензин со железница од белоруските рафинерии до рускиот домашен пазар минатиот месец достигнаа 49.000 метрички тони, што е еквивалентно на 14.500 барели дневно. Заедно со бензинот, испораките на дизел во септември изнесуваа 33.000 тони.