Свет
Индонезија со фатва забрани вакцини против мали сипаници и рубеола

Индонезискиот Совет на улеми, што е највисокиот исламски орган во таа земја, во август годинава забрани употреба на вакцини против мали сипаници и рубеола, под сомнение дека се произведени од состојки добиени од свињи, кои во исламот се сметаат за нечисти животни.
Иако во случаите каде што не постои соодветна замена за ваквите вакцини законски е дозволено користењето на забранетите, сепак, голем број од жителите на Индонезија сè уште ја следат оваа верска одредба, што доведе до пад на колективниот имунитет, пишува Science alert.
Наведената верска забрана или фатва не е правно обврзувачка, но муслиманите кои строго ги следат религиозните принципи на својата заедница, многу сериозно ги сфаќааат и посветено ги почитуваат ваквите забрани.
Кога на тоа ќе се додаде и недовербата на граѓаните кон вакцините, воопшто и неупатеноста на жителите за тоа како функционираат вакцините и на кој начин ја штитат целата заедница, ризикот од епидемија на мали сипаници и рубеола значително се зголемува. Затоа, индонезиската влада прави огромни напори за едукација и информирање на населението.
И покрај многуте проблеми, властите успеаја да почнат проект за вакцинација на деца на островот Јава за да се спречи честатата појава на морбили. Целта на владата беше да се вакцинираат речиси 70 милиони деца на возраст меѓу 9 месеци и 15 години.
Сепак, не сите исламски и еврејски заедници имаат проблем со лековите базирани на желатин добиен од свињи, особено ако се однесуваат на заштита од сериозни болести и епидемии.
На пример, Државниот одбор за фатви во малезиската држава Теренгану донесе одлука за задолжителна вакцинација во 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.