Свет
„Инстаграм“ ќе се бори против малтретирањето со нова опција
Инстаграм објави нови мерки со цел да се справи со малтретирањето на својата платформа.
Од оваа недела, ако корисникот напише коментар кој е идентификуван од страна на вештачката интелигенција (АИ) како навредлив, истиот ќе добие шанса да ја поништи својата објава.
Откако корисникот ќе избере да објави потенцијално навредлива содржина, пред објавувањето ќе му се појави прашањето: „Дали сте сигурни дека сакате да го објавите ова?“
Истовремено се појавува и сина временска линија, која на корникот му дава неколку секунди да го откаже коментарот ако сака да го стори тоа.
Ако корисникот одлучи да не го објавува коментарот, истиот ќе биде избришан, а потенцијалниот примач нема да добие известување за тоа.
Осврнувајќи се на резултатите од тестирањето на својата најнова функција, технолошкиот гигант тврди дека охрабрил дел од корисниците да се премислат во врска со испраќањето навредливи коментари.
„Инстаграм“ наведува дека младите луѓе имаат тенденција да не ги блокираат или отследат другите корисници, дури и во случаи на малтретирање. За да се справи со ова, компанијата за социјални медиуми, исто така, воведува нова опција која се нарекува „ограничи“ (restrict), што ќе им овозможи на корисниците да го ограничат контактот со другите на платформата без другите да знаат за тоа.
Откако корисникот ќе се ограничи, тој или таа нема да може да провери кога сте активни на страницата, ниту пак ќе види кога ќе ги прочитате нивните директни пораки. Ако ограничениот корисник ги коментира вашите пораки, само тие ќе можат да го видат својот коментар.
„Наша одговорност е да создадеме безбедно опкружување на ‘Инстаграм’“, рече шефот на платформата, Адам Мосери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шолц: Германија стои до Израел, мора да се спротивставиме на терористите на Хамас
Германскиот канцелар Олаф Шолц денеска изјави дека Германија стои на страната на Израел, нагласувајќи дека мора да се спротивстави на терористите на Хамас.
Тој ова го рече на отворањето на Меѓународната конференција за одржливост што се одржува во Хамбург и посочи дека официјален Берлин го поддржува прекинот на огнот, ослободувањето на заложниците и почетокот на политичкиот процес, дури и ако тоа изгледа потешко од кога било.
– Решението со две држави може да биде единствена цел за секој политички процес – рече Шолц.
Според него, изминатата година на војна, му донесе незамисливо страдање на палестинското население во Појасот Газа.
„Хезболах и Иран мора веднаш да ги запрат нападите врз Израел“, рече Шолц и предупреди дека овие напади претставуваат уште една ескалација во инаку тензичната ситуација на Блискиот Исток.
Израел денеска ја одбележува првата годишнина од нападот на палестинската милитантна група Хамас, а израелскиот претседател Исак Херцог го започна денот со едноминутно молчење во Кибуц Реим.
Во нападот на Хамас на 7 октомври 2023 година загинаа најмалку 370 луѓе, а во војната што тогаш избувна и се уште трае, до крајот на септември годинава загинаа повеќе од 43.000 луѓе, од кои 41.431 Палестинци, најмногу во Појасот Газа.
Повеќе од половина од зградите во Појасот Газа се уништени, а речиси целото население на Газа е раселено – приближно 2,3 милиони луѓе.
Свет
Бербок не исклучува можност дека Украина со германско оружје ќе напаѓа воени објекти во Русија
Германската министерка за надворешни работи Аналена Бербок изјави дека не ја исклучува можноста Украина да нападне воени објекти во Русија со оружје од германски залихи во самоодбрана.
Бербок изјави за германскиот јавен радиодифузен сервис АРД дека не сака јавно да разговара за тоа колку длабоко нападите би можеле да допрат до руска територија.
Германската министерка истакна дека не треба да се дефинираат конкретни растојанија како „десет, 40 или 200 километри“, бидејќи, како што наведе, руската армија може да има корист од тоа.
Свет
Како дете живеел во беда, во неговата канцеларија нема компјутер: Путин го слави својот 72 роденден
Рускиот претседател Владимир Путин денеска го слави својот 72 роденден. Ова е човек кој ја води Русија речиси четвртина век, а по победата на изборите во март, би можел да стане лидер со најдолг стаж што Русија го имала во последните 200 години. Освен што Путин на крајот од шестгодишниот мандат можеше да го престигне Сталин, кој беше на чело на државата речиси три децении, на последните избори доби и најголема поддршка од граѓаните со повеќе од 87%. За Путин се знае многу, а сепак станува збор за човек за кого, и покрај ова, се знае само она што Кремљ сака да го знае јавноста. Денес за Путин се зборува како претседател, но и како поранешен советски шпион и член на КГБ, пренесуваат регионалнаите медиуми.
Кога станува збор за приватниот живот на Путин, познато е дека тој беше во брак со Људмила од која се разведе по 30 години брак. Од тој брак Путин има две ќерки – Марија и Екатерина. Во 2008 година почнаа да кружат гласини дека е во врска со поранешната гимнастичарка Алина Кабајева, која е 31 година помлада од него.
Путин е роден на 7 октомври 1952 година во Санкт Петербург и е актуелен претседател на Руската Федерација. Тој го замени Борис Елцин како претседател уште во 2000 година по победата на претседателските избори.
Според анализите на медиумите, на местото претседател, Путин најде уништена и опустошена земја и уште од првиот ден, откако беше на власт, воведе цврста рака и почна да ја крева Русија.
Кога станува збор за неговото детство, познато е дека со семејството живеел во трошен и тесен стан, без топла вода, кој две децении го делеле со други две семејства.
– Во подрумот имаше стаорци. Јас и моите пријатели ги теравме со стапови. Еднаш најдов џиновски стаорец и почнав да го бркам додека не го свртев во аголот. Тој веќе немаше каде да бега. Потоа одеднаш се подигна на задните нозе и ме нападна. Тоа се случи сосема неочекувано и за момент бев шокиран. Ја сврте ситуацијата и сега почна тој мене да ме брка. Тој скокаше по скалите по мене, но јас бев побрз во еден миг и му побегнав“, изјави своевремено Путин.
– Најважната лекција е, кога сте во тесно, не дозволувајте стравот да ве парализира, нека стане извор на вашата храброст – додаде тој.