Свет
Инфлуенсерка осудена за трговија со луѓе: „Чуваше девојка како робинка“
Како што пренесува Би-би-си, две млади Бразилки исчезнале во септември 2022 година, а нивните семејства и пријатели почнале потрага во САД за да ги најдат.
Исчезнатите девојки живееле со истакнатa инфлуенсерка Кат Торес, која порано била познат модел и била видена како се забавува со Леонардо ди Каприо.
Торес успеала да привлече голем број девојки ветувајќи им дека ќе ги научи како да успеат во светот и да стекнат самодоверба. Една од нив, Ана, која одиграла клучна улога во пронаоѓањето на инфлуенсерката и нејзините жртви, изјави дека во 2017 година наишла на инстаграм-профилот на Торес.
„Ме привлече како успеа од бразилска фавела да дојде до меѓународна слава на модел“, рече Ана додавајќи дека во тоа време се чувствувала ранлива и дека Торес ѝ дала надеж. Инфлуенсерката ја напиша и својата автобиографија „Гласот“ тврдејќи дека има духовна моќ и може да ја предвиди иднината“.
Сето тоа ја привлекувало Ана, но и другите девојки, но тие не знаеле дека Торес својата книга ја засновала на полувистини и лаги. Инфлуенсерката им ветила на девојките деловен успех, пари и самодоверба.
Кога Торес во 2019 година ѝ предложила на Ана да се пресели во нејзиното место во Њујорк, каде што ќе ѝ биде помошник, и девојката се согласила. Таа требало да се грижи за станот, да се грижи за домашните миленици и да готви за плата од речиси 2.000 долари месечно.
Меѓутоа, набргу сфатила дека Торес ја третира како робинка постојано барајќи од неа да ѝ помогне во сè и дозволувајќи ѝ да спие само неколку часа на ден.
Бидејќи немала каде да живее зашто го откажала сместувањето во студентски дом во Бостон, а немала средства за живот, издржала три месеци, а потоа успеала да избега и да се пресели кај своето момче. Кога дознала дека уште две Бразилки, Дезире и Летиција, исчезнале во септември 2022 година, Ана и некои други измамени следбеници на инфлуенсерката стапиле во контакт со безбедносните служби, вклучително и ФБИ.
Торес побегна со двете девојчиња што ги држеше во заробеништво, но беше пронајдена и девојчињата беа вратени во Бразил во декември 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.