Европа
Информации за таен состанок во Русија: „Путин е гневeн, мислеше дека лесно ќе победи“

Естонскиот европратеник Рихо Терас и поранешен началник на одбраната на Естонија, на својот профил на „Твитер“ објави дека има информации од разузнавачки кругови дека Путин наводно одржал тајна средба со руски генерали и олигарси и дека е гневен.
Според оваа објава, станува збор за доверливи информации добиени од украински офицер, за наводен состанок во седиштето на Путин во Урал.
Според тврдењата, олигарсите биле собрани таму за никој да не бега.
Еве што напиша Терас:
THREAD 1/7 Intel from a Ukrainian officer about a meeting in Putin’s lair in Urals. Oligarchs convened there so no one would flee. Putin is furious, he thought that the whole war would be easy and everything would be done in 1-4 days. @EPPGroup @general_ben @edwardlucas @politico pic.twitter.com/8AoelUDWM9
— Riho Terras (@RihoTerras) February 26, 2022
„Путин е гневен, мислеше дека ќе победи лесно и брзо.
Тој е гневен зошто мислеше дека целата војна ќе заврши брзо, за еден до четири дена и ќе победи без проблем.
Русите немаа тактички план. Војната чини милиони долари дневно. Ракети има максимум за 3 – 4 дена, ги користат умерено.
Им недостига оружје, фабриките не можат физички да ги исполнат нарачките за оружје. Пушки и муниција се најмногу што можат да обезбедат.
Ако Украина успее да ги задржи Русите 10 дена, тогаш ќе мора да преговараат. Затоа што немаат пари, оружје или ресурси, иако се рамнодушни кон санкциите.
Припадниците на Специјалните операции се во близина на Киев од 18 февруари. Целта беше да се окупира Киев и да се воспостави марионетски режим.
Подготвуваат провокации против невини цивили за да предизвикаат паника. Тоа е нивниот адут.
Целиот план на Русија се потпира на тоа цивилите и војниците да се предадат, а Зеленски да побегне.
Тие очекуваат Харков прво да се предаде и се надеваат дека и другите градови ќе го следат ваквиот пример за да избегнат крвопролевање. Русите се шокирани од жестокиот отпор на кој наидоа.
Украинците мора да избегнуваат паника. Ракетирањето служи само за заплашување“, заклучува естонскиот политичар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Европски научници: Пожарите на Медитеранот се директна последица од климатските промени

Незапаметени пожари ги опустошија северна Шпанија и Португалија во последните недели, а Европската Унија се соочува со најлошата сезона на пожари откако започнаа евиденциите во 2006 година. Рекорден број од еден милион хектари изгоре низ Унијата, површина приближно половина од големината на Велс, објави Би-би-си.
Шпанија и Португалија се особено тешко погодени, а научниците од ЕУ проценуваат дека е изгорена околу 1% од целиот Пиринејскиот Полуостров. Повеќе од две третини од вкупната изгорена површина во ЕУ е во овие две земји. Според Европскиот информативен систем за шумски пожари „Коперник“ (EFFIS), повеќе од 400.000 хектари изгореле во Шпанија од почетокот на годината до 26 август. Ова е шест пати повеќе од просекот за истиот период помеѓу 2006 и 2024 година. Соседна Португалија, исто така, бележи рекордни 270.000 хектари изгорени, речиси пет пати повеќе од просекот.
Вкупно, 684.000 хектари се изгорени на Пиринејскиот Полуостров оваа година, при што поголемиот дел од оваа површина е изгорена за само две недели. Пожарите се концентрирани во шумските области на северна Португалија и во шпанските региони Галиција, Астурија и Кастиља и Леон. Пожарот не ги поштеди ниту заштитените подрачја како што е Националниот парк Пикос де Европа, ниту трасата на мрежата за поклонение Камино де Сантијаго, која привлекува повеќе од 100.000 посетители во лето.
Овие настани предизвикаа најголема мобилизација на пожарникари во рамките на Механизмот за цивилна заштита на ЕУ досега.
Чадот од пожарите драстично го влоши квалитетот на воздухот, носен од јужните ветрови до Франција и Обединетото Кралство. Во посебна студија, научниците од групата World Weather Attribution на Империјал колеџ во Лондон директно ја поврзаа влошената сезона на пожари во Медитеранот со климатските промени.
Пожарите, исто така, создаваат маѓепсан круг со ослободување на огромни количини јаглерод диоксид (CO2) во атмосферата, што дополнително ја затоплува планетата. Според податоците на ЕУ, CO2 ослободен од пожарите во Шпанија оваа година достигна рекордни 17,68 милиони тони.
Експертите предупредуваат дека почестите и посериозни пожари низ Европа веројатно ќе продолжат.
фото: принтскрин
Европа
Принцот Хари оди во Велика Британија на третата годишнина од смртта на баба му, кралицата Елизабета

Британскиот принц Хари ќе пристигне во Обединетото Кралство на 8 септември, на третата годишнина од смртта на баба му, кралицата Елизабета Втора, за да присуствува на церемонијата на доделување награди за добротворната организација. Хари живее во Калифорнија откога се повлече од кралското семејство во 2020 година. Тој ќе се врати во својата татковина за да присуствува на 20-годишнината од наградите „Велчајлд“, се вели на веб-страницата на добротворната организација.
Хари е покровител на добротворната организација веќе 17 години, а за време на настанот на 8 септември ќе се сретне со тешко болни деца и со нивните семејства и ќе додели награда на инспиративно дете.
„Се чувствувам привилегиран што можам да присуствувам на наградите ‘Велчајлд’“, рече Хари.
View this post on Instagram
Неговото враќање во Обединетото Кралство сигурно ќе ги разгори шпекулациите за помирување со кралското семејство, пишува агенцијата „Франс прес“. Хари во интервју за Би-би-си во мај изјави дека сака да се смири со својот татко, кралот Чарлс III. Истиот месец 40-годишниот принц последен пат беше виден во својата татковина, каде што пристигна на судско рочиште.
„Мејл он сандеј“ објави фотографии во јули од состанокот меѓу кралот и советниците на Хари, што беше протолкувано како прв чекор кон помирување. Кралицата Елизабета II почина на 8 септември 2022 година во нејзината шкотска резиденција Балморал. Принцовите Вилијам и Хари последен пат беа видени заедно неколку дена подоцна во замокот Виндзор.
Расколот меѓу Хари и кралското семејство дополнително се влоши на почетокот на 2023 година кога принцот ги објави своите мемоари, во кои беше особено критичен кон својот брат и кон принцезата Кејт.
фото: принтскрин
Европа
„Родено и убиено под руски оган“: 2-годишно девојче загина во нападот врз Киев

Во еден од најсмртоносните руски напади врз Киев во последните месеци загинаа најмалку 23 лица вклучувајќи ги двегодишната Ангелина и мајка ѝ. Нивната приказна, објавена од „Киев пост“, стана симбол на трагичната реалност на војната.
Ангелина е родена 2022 година додека градот бил под гранатирање, а нејзиниот живот бил прекинат три години подоцна во истите околности – под руски ракети.
She was born under Russian fire.
She died under Russian fire.Angelina came into this world in 2022 — during a Russian shelling. Yesterday, Russia killed her and her mother. They were among the dead in a missile strike on Kyiv.
Another Ukrainian child who never knew peace. pic.twitter.com/idxNdCNfBq
— KyivPost (@KyivPost) August 29, 2025
Нападот се случи вчера кога, според украинските власти, Русија лансира 598 беспилотни летала и 31 ракета кон разни делови од Украина. Иако воздушната одбрана собори 563 беспилотни летала и 26 ракети, бројот на ракети беше превисок, а Киев беше меѓу најтешко погодените градови. Тоа беше втор најголем руски напад врз Киев од почетокот на војната.
This teddy bear belonged to little Angelina. It’s in the picture above. pic.twitter.com/P2HD369NT5
— Victoria (@victoriaslog) August 29, 2025
Руското Министерство за одбрана тврдеше дека целите биле воени и индустриски цели, но биле погодени и станбени области, уништени згради и изгубени цивилни животи. Меѓу нив е и Ангелина, девојче кое, како што истакнаа украинските медиуми, „се родило под руски оган и починало под руски оган“.
фото: принтскрин