Свет
Иранскиот претседател објави под кои услови ќе го поддржи нуклеарниот договор

Иран ќе го поддржи договорот кој предвидува ограничувања кога станува збор за нуклеарната програма, ако му биде дозволено да искористи одредени економски придобивки, и покрај американските санкции, изјави иранскиот претседател, Хасан Рохани, за време на посетата на Виена.
Иранскиот министер за надворешни работи и министрите за надворешни работи на пет големи светски сили во петок во Виена ќе разговараат за тоа на кој начин може да се одржи договорот, што има за цел да го спречи иранското нуклеарно вооружување.
САД се повлече од договорот во мај и почна да работи на повторно воведување на економски санкции кон Иран, оставајќи ги Велика Британија, Франција, Германија, Русија и Кина да го спасуваат договорот склучен во 2015 година.
„Ние ќе се држиме до договорот што е можно подолго, под услов да имаме и одредена корист од истиот“, изјави иранскиот претседател за новинарите по состанокот кој во Виена го имаше со австрискиот претседател, Александер Ван дер Белен.
„Доколку другите земји потписнички може да ги гарантираат интересите на Иран, спроведувањето на договорот ќе продолжи и без учество на САД“, додаде тој.
Со нуклеарниот договор од Виена од 2015 година, Иран вети дека ќе го намали обемот на неговата нуклеарна програма и дека ќе прифати темелни нуклеарни инспекции кои ќе докажуваат оти Исламската Република Иран не може да развие нуклеарно оружје.
За возврат, Западот ги укина санкциите кон земјата, вклучувајќи го и ембаргото за иранскиот извоз на нафта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Вознемирувачко фото+видео) Пукање среде ден во Лавов, убиен Андриј Парубиј, херојот на Евромајдан

Поранешениот претседател на Врховната рада и една од клучните фигури на револуцијата на Евромајдан, Андриј Парубиј беше убиен со огнено оружје во својот роден град Лавов.
Националната полиција соопшти дека пукотници одекнале околу пладне во јужниот дел на градот, во округот Франкивски. Жртвата починала на лице место, и покрај брзата реакција на службите за итна помош.
Првите информации беа потврдени од пратеничката Ирина Херашченко, која за „Киев Индепендент“ изјави дека убиениот политичар е токму Парубиј.
Неколку часа подоцна, украинскиот претседател Володимир Зеленски соопшти:
„Министерот за внатрешни работи и главниот државен обвинител ме информираа за првите околности на страшното убиство. Убиен е Андриј Парубиј. Изразувам длабоко сочувство до неговото семејство и најблиските“.
Зеленски додаде дека сите потребни ресурси се вклучени во истрагата и во потрагата по сторителот. Засега, властите не соопштуваат детали за можни осомничени или за мотивот на злосторството.
Парубиј важеше за еден од симболите на отпорот и демократските промени во Украина, особено по неговата улога во протестите на Евромајдан и неговото политичко лидерство во најкритичните години на државата.
Случајот предизвика силни реакции низ цела Украина, со бројни пораки на осуда и повици за брзо расветлување на убиството.
Регион
Српската туристка која исчезна додека пливала кај Солун е пронајдена мртва

Жена (76) од Србија, која се водеше како исчезната од синоќа во близина на Солун, е пронајдена мртва утрово кратко по 8 часот, во морскиот регион, јавува „Прототема“, пренесува „Танјуг“.
Грчката крајбрежна стража вчеравечер ја започна потрага по исчезната пливачка во близина на градот Агиа Триада, во близина на Солун.
Порталот „Прототема“ објавија дека жената отишла на пливање со двајца пријатели, а крајбрежната стража била известена за нејзиното исчезнување околу 21:30 часот по локално време.
Во спасувачката операција учествувале два брода на крајбрежната стража, брод во близина и рибарски чамец. На барање на крајбрежната стража беше мобилизиран и грчки спасувачки тим, кој пристигнал за да помогне, заедно со екипаж од четири члена волонтери и спасувачкиот брод „Один“.
Спасувачките екипи продолжуваат со пребарување на околуниот дел од морскиот брег и отвореното море во надеж дека ќе ја најдат исчезнатата туристка жива и здрава.
Свет
Турција целосно ја прекинува трговијата со Израел по геноцидот во Газа

Министерот за надворешни работи на Турција, Хакан Фидан, денеска објави дека неговата земја целосно ги прекинува сите трговски односи со Израел и го затвора својот воздушен простор за израелските авиони, како одговор на настаните во Појасот Газа.
„Целосно ја прекинавме трговијата со Израел. Ги затворивме нашите пристаништа за израелските бродови. Не им дозволуваме на турските бродови да пловат кон израелски пристаништа. Турција не им дозволува на контејнерските бродови што пренесуваат оружје и муниција за Израел да пловат кон нашите пристаништа, ниту пак дозволуваме авиони да летаат во нашиот воздушен простор“, изјави Фидан на парламентарна седница во Анкара.
Според турскиот министер, мерките се дел од сеопфатен пакет дипломатски, правни и економски постапки воведени поради конфликтот во Газа. Турција постојано ја означува војната како „геноцид“.
Според податоците од палестинското Министерство за здравство, повеќе од 62.000 Палестинци загинале во конфликтот, а Турција претходно најави ограничување на трговијата со Израел, која не се одвивала од мај 2024 година. Во 2023 година, трговијата меѓу двете земји изнесувала седум милијарди долари, според Турскиот институт за статистика.
Анкара истакнува дека со овие мерки испраќа силна порака и се придржува до меѓународното право, додека целата ситуација се смета за најостра дипломатска постапка против Израел од страна на која било друга земја досега.