Свет
Иран: Американците што бараат воен авантуризам ќе бидат испратени на гробишта
Секретарот на Врховниот ирански совет за национална безбедност, Али Шамкани, возврати на неодамнешната закана на американскиот претседател, Доналд Трамп, дека секој одговор на иранскиот напад ќе биде 1.000 пати поголем, пренесува „Спутник“.
Во објавата на „Твитер“, Шамкани вети дека силите што размислуваат за воен авантуризам против Иран ќе бидат испратени на гробишта потсетувајќи го Вашингтон на ефективната одбрана на Исламската Република против ирачката инвазија на земјата во 80-тите години на минатиот век.
#HolyDefense Week is a historical document for the will of Martyr #Soleimani's generation to punish illusory dictators who think they are 1000 times more powerful than #Iran. Those whose hands are stained with Iranian's blood will be sent to the cemetery like Saddam. #HardRevenge
— علی شمخانی (@alishamkhani_ir) September 16, 2020
Доналд Трамп на „Твитер“ ја испрати својата закана на 14 септември кога во извештаите беа цитирани неименувани американски официјални лица дека Иран подготвува планови за атентат врз американската амбасадорка во Јужна Африка, Лана Маркс, како одмазда за јануарскиот атентат на генералот Касем Сулејмани, командант на силите Кудс.
Касем Сулејмани беше убиен во напад со беспилотно летало, нареден од Вашингтон, заедно со Абу Махди ал-Мухандис, заменик-шеф на ирачки „Хашд ал-Ша’аби“, и нивните придружници кога нивното возило беше нападнато пред меѓународниот аеродром во Багдад на 3 јануари.
САД тврдат дека командантот на силите Кудс на ИРГЦ планирале многубројни напади против американскиот персонал и инфраструктурата во регионот иако не биле презентирани докази за наводните планови за напад. Претходно, извештај на американските медиуми тврдеше дека Техеран размислува за тајна операција за одмазда за убиството на Сулејмани пред претседателските избори во САД во ноември.
According to press reports, Iran may be planning an assassination, or other attack, against the United States in retaliation for the killing of terrorist leader Soleimani, which was carried out for his planning a future attack, murdering U.S. Troops, and the death & suffering…
— Donald J. Trump (@realDonaldTrump) September 15, 2020
Заканата на Трамп беше критикувана како неосновано обвинување против Техеран од страна на иранскиот амбасадор во ОН во писма до генералниот секретар на ОН, Антонио Гутереш, и до претседателот на Советот за безбедност, Абду Абари.
„Таквата провокативна изјава претставува грубо кршење на основните принципи утврдени во Повелбата на ОН, особено на нејзиниот член 2 (4), кој јасно забранува закана или употреба на сила“, напиша Маџид Тахт Раванчи.
Иранскиот претставник ги потсети ОН дека Трамп упатил многубројни закани насочени кон Иран по убиството на генералот Сулејмани.
Портпаролот на иранската влада, Али Рабиеи, слично ги предупреди САД да не направат уште една стратешка грешка.
„Се надеваме дека нема да направат нова стратешка грешка. Во тој случај, ќе се соочат со нашиот отпор“, рече Рабиеи на прес-конференција во вторникот.
Иранскиот министер за надворешни работи, Мохамад Џавад Зариф, претходно сугерира дека Трамп бил измамен од американскиот државен секретар Мајк Помпео, кој се обидел да го потопи во најголемото мочуриште со објавување нов лажен аларм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Два брода со мигранти се превртеа кај Мадагаскар, 25 лица загинаа
Два брода со мигранти се превртеа во Индискиот Океан кај Мадагаскар, а бројот на жртви се зголеми на 25, соопштија денеска локалните власти.
Вкупно 48 луѓе беа спасени од водите во близина на северниот дел на Мадагаскар, а официјални лица велат дека мигрантите биле на море речиси еден месец со надеж дека ќе стигнат до француската територија Мајот.
На 2 ноември чамците ја напуштиле плажата во близина на главниот град на Сомалија, Могадишу, со 73 луѓе.
Не е јасно што го предизвикало превртувањето на чамците, а истрагата е во тек.
Свет
Обвинителите се откажаа од случајот против Трамп поради напорите за поништување на изборните резултати
Американските специјални обвинители денеска побараа од судот да отфрли две кривични постапки против новоизбраниот претседател на Соединетите Американски Држави, Доналд Трамп – за обид за промена на неговиот пораз на изборите во 2020 година и за задржување доверливи документи, се вели во судската пријава.
Во предлогот од шест страници за отфрлање на случајот за мешање во изборите во 2020 година, обвинителите рекоа дека додека Трамп сè уште не е претседател, канцеларијата на генералниот совет на одделот, која обезбедува внатрешен правен совет, им кажала да го откажат случајот пред неговата инаугурацијата во јануари.
„Одамна беше ставот на Министерството за правда дека Уставот на САД забранува поднесување федерално обвинение и последователно кривично гонење на актуелниот претседател“, напиша главната заменичка на Смит, Моли Гастон.
Свет
Масакр во Турција: Убил седум лица, меѓу кои и сопственото дете
Турција ја потресе страшен семеен масакр во кој загинаа осум лица. Бахтијар Аладај уби седум лица, меѓу кои сопругата, детето, мајката, таткото, свекрвата и ја повреди сестра си, пред да се самоубие.
Телата на неговата сопруга, дете и свекрва, кои беа пријавени како исчезнати, се пронајдени покрај езерото Бујукчекмеџе. Наводно, Аладај претходно имал конфликти со сопругата поради љубомора и вежбал пукање со воздушен пиштол во својот фризерски салон во Авџилар, пренесува „Хуријет“.
Се започна во неделата, околу 16 часот и 30 минути, во квартот Јелалија на улица Чајир 1. Според информациите, 33-годишниот Бахтијар Аладај дошол во станот на неговото семејство, кој се наоѓа на приземјето на зграда на четири ката. По расправија со семејството, тој ги застрелал татко му Мухамед Аладај (65), мајката Нејмија Аладај (55) и сестрата Букет Аладај (30).
На лице место лекарски екипи ја констатирале смртта на Мухамед Аладај, додека Букет и Нејмија со повреди се пренесени во болница. И покрај напорите на лекарите, мајката на Нејми им подлегнала на повредите.
Околу 17:00 часот Аладај со автомобил се упатил до фризерскиот салон на улицата Чемил Мерич во Авџилар. Тој пукал во вработените, убивајќи го 30-годишниот Мехмед Салих Озсокук, додека неговата сопруга С.А и шурата Гохан Сојлу (34) се тешко ранети. Потоа Аладај со автомобил побегнал во Есенјурт.
Во 17:30 часот Аладај пристигнал на улицата 853 во Есенјурт, каде што го застрелал својот братучед Шадан Сердар Буке (33). Буке бил пренесен во болница, каде што починал. После тоа Аладај влегол во својот автомобил и се самоубил пукајќи си во главата.
По масакрот истанбулската полиција ја извести јавноста дека Бахтијар Аладај бил пронајден мртов во автомобил, каде што бил пронајден и пиштол. Наведено е и дека Аладај имал бројни криминални досиеја за употреба на наркотици.
Според медиумите, последни биле пронајдени телата на детето, сопругата и свекрвата. Тројцата се исчезнати, а полицијата дури подоцна ги откри телата на сопругата на Бахтијар Севим Аладај, десетгодишниот син Арсал Аладај и свекрвата Туркана Сојла во областа Тепекент покрај езерото Бујукчекмеџе.