Свет
Иран бара црвена белешка од Интерпол за апсење на Трамп
Властите во Иран одобрија мерка да побараат од Интерпол да издаде црвена белешка за американскиот претседател, Доналд Трамп, и да го стави на својата меѓународна листа на барани лица поради атентатот врз генералот Касем Солејмани, објавија иранските медиуми, вклучувајќи ги „Мехр њуз“ и агенцијата „Фарс“, повикувајќи се на судски власти.
„Идентификувавме 36 лица кои учествувале во подготовките за и биле вмешани во атентатот врз Касем Солејмани, меѓу нив и политички и воени личности од САД и од други земји. На врвот на списокот е американскиот претседател Доналд Трамп“, рече Али Алкаси-Мехр, државен јавен обвинител на Техеран.
Според Алкаси-Мехр, судските власти усвоиле резолуција да ги изведат овие лица пред лицето на правдата и да побараат од Интерпол да издаде црвени белешки против нив. Ако барањето им биде одобрено, Интерпол ќе побара агенциите за спроведување на законот во други земји да го олеснат пребарувањето и апсењето на бараните осомничени.
Обвиненијата на Иран против Трамп и другите вклучуваат убиство и терористички акти, обвиненија за кои е предвидена максимална казна смрт според Кривичниот законик на Иран. Според Алкаси-Мехр, Иран би го следел гонењето на Трамп дури и по истекот на мандатот за претседател.
Солејмани беше убиен во напад на беспилотни летала на САД во Багдад, Ирак, на 3 јануари за време на посетата на добра волја за нормализација на односите на Иран со регионалниот противник Саудиска Арабија. Неговата смрт го принуди Иран да изврши ракетни напади врз две американски бази во Ирак иако Техеран ги предупреди своите ирачки сојузници за нападите предвреме.
И покрај тоа што немаше жртви, нападите резултираа со над 100 американски војници кои пријавиле трауматични повреди на мозокот. Кон крајот на јануари, анкетата на „Бизнис-инсајдер“ покажа дека еден од четворица Американци сметаат оти на Трамп треба да му се суди за воени злосторства од страна на Меѓународниот кривичен суд во врска со убиството на Солејмани.
Во меѓувреме, дури 55 отсто од Американците изјавиле дека веруваат оти атентатот на Солејмани ја направил нивната земја „помалку безбедна“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.