Свет
Иран воведува построги казни за жените што не носат хиџаб

Иранскиот парламент гласаше за зголемување на казните за жените што одбиваат да ја покријат косата со марама – хиџаб и за оние што ги поддржуваат во тоа.
Измените на законот беа усвоени неколку дена по првата годишнина од смртта на 22-годишната Маша Амини, која беше уапсена од полицијата за морал бидејќи косата ѝ се гледала под шамијата, што го прекрши строгиот исламски закон за женска облека. Нејзината смрт во притвор предизвика повеќемесечни протести во Иран и во светот, кои исто така политички ја потресоа иранската теократија.
За време на демонстрациите за смртта на Маша Амини, беа убиени повеќе од 500 демонстранти, а 22.000 беа уапсени.
Законот беше изменет со 70 одредби, а казните сега важат и за сопствениците на продавници доколку им служат на жените што не носат шамии и на организаторите на протести против носењето хиџаб. На прекршителите им се заканува казна до 10 години доколку се организира прекршување на носењето хиџаб.
Во Собранието со 290 пратенички места за измени на законот гласаа 152 пратеници, а регулативата треба да ја одобри Советот на чуварите – свештено тело за уставен надзор. Доколку стапи во сила, законот ќе се применува прелиминарно три години.
Жените, сепак, пркосно избегнуваат да носат хиџаб, па летово почна кампања за заострување на законот.
Иранските свештенички лидери сметаат дека кодексот на облекување е клучен столб на нивното владеење и ги обвинуваат западните земји за демонстрациите што длабоко ја потресоа Исламската Република, без да дадат докази.
Демонстрантите тврдат дека биле мотивирани не само од гневот поради кодексот на облекување туку и од корупцијата и лошото управување со земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.
Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.