Свет
Иран погуби човек за кој тврди дека е поврзан со смртта на нуклеарен научник

Иран со бесење го погуби британско-иранскиот државјанин Алиреза Акбари, објави денеска новинската агенција Мизан, откако го осуди на смрт под обвинение за шпионирање за Велика Британија.
Британскиот министер за надворешни работи Џејмс Клеверли во петокот рече дека Иран не смее да го погуби Акбари, поранешен заменик министер за одбрана на Иран.
Велика Британија ја опиша смртната казна како политички мотивирана и повика на негово итно ослободување.
„Алиреза Акбари, кој беше осуден на смрт под обвинение за корупција и опсежни дејствија против внатрешната и надворешната безбедност на земјата преку шпионажа за британската владина разузнавачка служба… е погубен“, објави Мизан на Твитер.
Тој е обвинет дека за шпионажа примил 1.805.000 евра, 265.000 фунти и 50.000 долари. Во аудио снимка емитувана од Би-Би-Си на персиски во средата, Акбари рече дека ги признал злосторствата што не ги извршил за време на неколкумесечната тортура во притвор.
Иранските државни медиуми во четвртокот објавија видео во кое велат дека покажува дека Акбари имал улога во атентатот во 2020 година на врвниот ирански нуклеарен научник Мохсен Фахризаде, кој беше убиен во напад во 2020 година надвор од Техеран за кој тогашните власти го обвинија Израел.
Во видеото, Акбари не признава вмешаност во атентатот, но вели дека британски агент побарал од него информации за Фахризаде.
Врските меѓу Лондон и Техеран се влошија во последниве месеци, бидејќи напорите за заживување на нуклеарниот договор со Иран од 2015 година, во кој страна е и Велика Британија, заглавија.
Велика Британија, исто така, го критикуваше насилното задушување на антивладините протести од Иран предизвикани од смртта во притвор на 22-годишната курдска девојка Махса Амини,пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Орбан: ЕУ се распаѓа

Унгарија не треба да го усвои еврото затоа што Европската унија се распаѓа и Унгарија не треба поцврсто да ја врзува својата судбина за блокот, изјави унгарскиот премиер Виктор Орбан во интервју за бизнис-страницата EconomX.
Унгарија, која ја модернизираше својата економија со милијарди евра од Брисел откако се приклучи пред две децении, во моментов не ги исполнува условите за усвојување на еврото.
За разлика од Данска, Унгарија нема законско ослободување од приклучување кон валутниот блок. Некои од источните соседи на Унгарија, вклучувајќи ги Полска, Чешка и Романија, исто така остануваат надвор од еврозоната, барем засега.
Орбан, кој е на власт од 2010 година, стана сè погласен критичар на ЕУ, која задржа милијарди евра средства за Унгарија поради реформите за владеење на правото.
„Унгарија не треба да ја врзува својата судбина поцврсто со Европската Унија отколку што ја врзува сега, а воведувањето на еврото би било најблиската можна врска“, предупреди Орбан.
Фото: ЕПА
Регион
Пронајдени се телата на браќата од Хрватска во словенечките Алпи

Словенечките планински спасувачи ја продолжија својата акција утрово под врвот Тошќ, во Јулиските Алпи, каде што вчера лавина затрупа тројца хрватски планинари.
Исчезнатите лица, по кои се трагаше од вчера, за жал се пронајдени мртви, објавува словенечки 24ur. Како што неофицијално дознава словенечкиот медиум, двајца од нив биле браќа.
„Ги пронајдовме двајцата – едниот беше закопан околу еден метар во снегот, а другиот околу метар и пол. Првиот успеавме да го транспортираме во долината со хеликоптер, додека сè уште чекаме транспорт за вториот. Самиот терен е многу тежок бидејќи е карпеста, стрмна клисура со бројни карпести скокови, што ја направи работата опасна и тешка за спасувачите. За жал, ќе кажам дека сите тројца планинари што ги пронајдовме во лавината починаа. Им изразувам искрено сочувство на нивните семејства“, рече тој.
Регион
Се уште трае потрагата по хрватските планинари заробени од лавина на словенечките Алпи

Потрагата по двајцата исчезнати хрватски планинари во Јулиските Алпи продолжи утрово кратко по 7 часот, потврди Словенечката планинска служба за спасување за хрватски Индекс.
Вчера наутро, под врвот Тошќ во Јулиските Алпи беше предизвикана снежна лавина, при што беа затрупани тројца хрватски планинари.
За време на тешкото пребарување и спасување, еден планинар беше пронајден без знаци на живот, додека двајцата мажи сè уште се бараат.
Во потрагата денес е вклучен и хеликоптер.
Екипите веќе тргнаа кон локацијата, но точниот број на вклучени спасувачи сè уште не е познат.
Службата додава дека денешното време дозволува распоредување на хеликоптер, но условите во планините се сè уште нестабилни и постои ризик од нови лавини. Идентитетите на загинатиот планинар и двајцата исчезнати сè уште не се официјално потврдени, но неофицијално хрватските медоуми објавија дека двајцата мажи по кои се трага се браќа.
Шеф на спасувачката служба: Ситуацијата е сложена и опасна
Заменик-шефот на Словенечката планинска спасувачка служба, Клемен Белхар, изјави за ХРТ дека во областа има околу половина метар снег, што не звучи како многу, но создава висок ризик од лавини. Тој додаде дека во планините сè уште има групи алпинисти кои ќе бидат спасени денес и утре.
„Ситуацијата е доста сложена и опасна“, рече Белхар. На прашањето дали има надеж дека преостанатите двајца Хрвати по кои сè уште се трага се сè уште живи, тој одговори: „Секако ќе се однесуваме како да се живи, но колку надеж има, никој не знае“.