Свет
Иран: Прстите на сите страни се на петлето

Иран го предупреди Израел дека сите страни во регионот се подготвени да дејствуваат доколку Израел не ја прекине својата агресија врз Палестинците, објави во неделата полуофицијалната новинска агенција„ Фарс“.
„Ако ционистичката агресија не престане, (мора да се знае) дека прстите на сите страни во регионот се на петлето“, рече министерот за надворешни работи, Хосеин Амирабдолахиан.
„Одговорноста за можното отворање нови фронтови на отпорот во регионот и каква било ескалација на денешната војна е директна одговорност на САД и ционистичкиот режим (Израел)“, рече Амирабдолахиан.
Во саботата Амирабдолахиан се состана со лидерот на Хамас, Исмаил Ханије, во Катар, каде што разговараа за смртоносниот напад на Хамас врз Израел „и се согласија да продолжат со соработката“ за да се постигнат целите на групата, се вели во соопштението на Хамас.
Иранскиот претседател Ебрахим Раиси претходно во телефонски разговор со францускиот претседател Емануел Макрон ја повика Франција да „помогне да се спречи угнетувањето на Палестинците“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Премиерот на Гренланд: Со нетрпение ја очекувам посетата на данската премиерка

Гренландскиот премиер Јенс-Фредерик Нилсен денеска изјави дека со нетрпение ја очекува посетата на данската премиерка Мете Фредериксен во среда.
Нилсен рече дека Гренланд долго време ја посакувал оваа посета, објави Ројтерс.
Тој во неделата рече дека САД нема да го добијат Гренланд, одговарајќи на изјавите на американскиот претседател Доналд Трамп дека сака да ја преземе контролата врз оваа самоуправна автономна територија под суверенитет на Данска.
Свет
Од кабинетот на Зеленски негираат дека тој се подготвува да се кандидира за втор мандат

Од кабинетот на украинскиот претседател Володимир Зеленски го демантираат извештајот на британскиот Економист дека Зеленски се подготвува да се кандидира за втор мандат на претседателските избори во јули.
Оттаму исто така, негираа дека Зеленски одржал состанок за изборите во јули, на кој наводно, според Економист, му наредил на својот тим да ги организира изборите, пренесе УНИАН.
Извор од украинската влада изјави дека главното прашање сега е постигнување мир и дека е целосно лажно дека подготовките за изборите веќе се во тек.
Свет
Марин Ле Пен ќе поднесе жалба на пресудата

Марин Ле Пен ќе поднесе жалба на одлуката на судот со која лидерката на француската крајна десница е осудена на четири години затвор, соопшти нејзиниот адвокат.
Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра.
Ле Пен е прогласена за виновна за проневера на европски фондови.
Ова е удар за демократијата – рече нејзиниот адвокат.
– Марин Ле Пен ќе продолжи да се бори – изјави портпаролот на нејзината партија Национален собир.
Ле Пен важи за еден од фаворитите за претседателските избори во Франција закажани за 2027 година.