Свет
Иран се пофали со подземни ракетни градови по должината на брегот на Персискиот Залив
Командантот на Иранската исламска револуционерна гарда (ИРГЦ) се пофали со подземните ракетни градови по должината на крајбрежјето на Персискиот Залив. Адмиралот на иранската морнарица, Алиреза Тангисири, во неделата најави изградба на нови подземни ракетни градови предупредувајќии дека тие би биле кошмар за непријателите на Иран.
„Имаме пловечки градови за лансирање проектили што ќе ги прикажеме кога нашите лидери ќе сметаат дека е соодветно“, рече Тансири за неделникот „Соб-е Садег“.
Тансири исто така новите ракетни градови ги нарече подземни градови во кои се наоѓаат пловни објекти и ракети. Тој додаде дека Иран има оружје на целото јужно крајбрежје. Оружјето, претежно во рацете на ИРГЦ, вклучува единици на Басиџ и 428 флотили, кои оперираат по должината на крајбрежјето и се концентрирани во Персискиот Залив.
Фалбите доаѓаат по пожарот во четвртокот во иранскиот нуклеарен комплекс „Натанз“. Портпаролот на Организацијата за атомска енергија на Иран, Бехруз Камалванди, изјави дека инцидентот оштетил еден од објектите во изградба во комплексот и немало жртви или штета на тековните активности во нуклеарниот комплекс.
„Њујорк тајмс“ објави дека оттогаш владата признала дека инцидентот предизвикал значителна штета, што ќе ја врати нуклеарната програма на Иран со месеци наназад.
Покрај тоа, „Џерусалем пост“ го цитира кувајтскиот дневен весник на арапски јазик „Ал Џарида“, кој се вели дека израелски мрежен напад во четвртокот го погодил иранскиот нуклеарен објект „Натанц“. Според кувајтскиот весник, експлозијата и уште една експлозија во близина на Парчин биле насочени кон складираниот гас UF6, кој се користи за збогатување ураниум, а Иран сега изгуби 80 отсто од своите резерви на овој гас.
Фалбите со ракетните градови доаѓаат и откако државните медиуми објавија дека Иран успешно ги тестирал ракети со краток и голем дострел во поморската вежба во Оманското Море и во северниот дел на Индискиот Океан минатиот месец, притоа удирајќи во цели на оддалеченост од речиси 174 милји.
Од друга страна, Иран во мај истрела ракета, која по грешка погодила ирански брод за време на поморските вежби во Оманското Море, при што загинале најмалку 19 морнари и повредени биле 15 други, пренесува новинската агенција ИРНА.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Врховниот лидер на Иран: Ова е предупредување до Америка
Врховниот лидер на Иран, Али Хамнеи, им честиташе на социјалните мрежи на учесниците на денешните провладини собири.
Во серија објави на X, ајатолахот сподели фотографии од провладини демонстранти и рече дека тие „одлично ја завршиле работата“ и „го спречиле планот на странските непријатели, кој требало да го спроведат домашни платеници“.
„Големата нација Иран им се покажа на своите непријатели, заедно со својата решителност и идентитет“, додаде Хамнеи.
„Ова беше предупредување до американските политичари да престанат да бидат измамници и да не се потпираат на предавнички платеници“, додаде тој.
Свет
Украинската војска објави видео: Го освоивме градското собрание во Купјанск
Украинските одбранбени сили ја вратија контролата врз зградата на Градскиот совет на Купјанск, објави Вториот корпус на Националната гарда на Украина (НГУ), познат како Хартија.
„Хартија воспостави контрола врз зградата на Градскиот совет на Купјанск. Единицата за пребарување и уништување на Хартија и тактичката група Купјанск ги завршуваат операциите за расчистување во градот, кој беше деблокиран за време на успешната операција предводена од командата на Вториот корпус на НГУ“, се вели во соопштението.
Корпусот објави снимка од GoPro камера за која тврди дека е направена од борци од 4-тиот баталјон Хартија за време на упадот во зградата на Градскиот совет на Купјанск. Војниците од извидувачката и ударна група на баталјонот го кренаа украинското знаме над градскиот совет во центарот на Купјанск.
„Операцијата во Купјанск докажува дека благодарение на планирањето, стручноста на командантот и штабот и висококвалитетната подготовка на единиците – сето тоа го нарекуваме метод на Хартија – е можно успешно да се запре и уништи непријателот“, рече полковник Ихор Оболенски, командант на Вториот корпус.
Свет
Белата куќа: Трамп не се плаши да употреби воена сила против Иран
Портпаролката на Белата куќа, Каролина Ливит, изјави дека американскиот претседател Доналд Трамп „покажал дека не се плаши да употреби воени опции“ кога смета дека е потребно.
„Мислам дека едно нешто во што претседателот Трамп е многу добар е тоа што секогаш ги држи сите опции на маса, а воздушните напади би биле една од многуте, многу опции што се на маса“, изјави Ливит пред новинарите.
Во исто време, таа додаде дека „дипломатијата е секогаш првата опција“ за Трамп.
„Претседателот ви кажа на сите синоќа дека она што јавно го слушате од иранскиот режим е многу различно од пораките што администрацијата ги добива приватно“, рече Ливит.
„Претседателот покажа дека не се плаши да користи воени опции ако и кога смета дека е потребно, а никој не го знае ова подобро од Иран“, заклучи таа.
фото/депозитфотос

