Свет
Иран: Хутите ќе напаѓаат бродови додека трае геноцидот во Газа

Соединетите Држави не можат да повикуваат на воздржаност додека ја поддржуваат израелската војна во Газа, изјави денеска иранскиот министер за надворешни работи, повикувајќи на дипломатско решение за војната во енклавата.
На заедничката прес-конференција со неговиот индиски колега во Техеран, Хосеин Амирабдолахиан ги повика американските власти „да не ги поврзуваат безбедносните и националните интереси на САД со судбината на паднатиот израелски премиер“.
Исламската Република ја поддржува палестинската исламистичка група Хамас во нејзината војна со Израел, а Техеран ги обвинува САД дека ги поддржуваат, како што ги нарекуваат, израелските злосторства во Газа.
Амирабдолахиан рече дека членовите на движењето Ансар Алах Хути, поддржано од Иран, ќе продолжат со нападите во Црвеното Море „се додека трае геноцидот во Газа“.
„Високи функционери ни рекоа дека се додека трае геноцидот во војната во Газа, тие ќе преземат мерки за да го спречат движењето на израелските бродови или бродови кои пловат кон Тел Авив“, рече тој.
Сепак, Амирабдолахиан додаде дека Хутите го увериле Техеран дека „нема да ја нарушат поморската безбедност“.
Американскиот претседател Џо Бајден во петокот ги нарече јеменските сили Хути терористичка група откако американски и британски воени авиони, бродови и подморници извршија десетици воздушни напади низ Јемен во текот на ноќта.
Членовите на движењето Хуту се заканија со „силен и ефективен одговор“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пукањето во Белград на само 300 метри од куќата на Мирослав Илиќ, пејачот се огласи: „Боже господе, што се случува“

Во пукањето во Вишњичка бања се повредени пет лица, меѓу нив и една жена за чијшто живот се борат лекарите.
Според неофицијални информации, на пукањето му претходела тепачка, а сè се случило на нешто повеќе од 300 метри од куќата на познатиот пејач на народна музика, Мирослав Илиќ, пишува „Блиц“.
Илиќ по повод настанот се огласи за домашните медиуми.
„Живеам во мирна улица, во мирен крај. Чувај Боже што се случува. Не сум гледал вести и не сакам да знам“, изјави Мирослав за Телеграф.
Иако првичните информации укажуваа дека една жена починала, докторите во Ургентниот центар успеале да ја оживеат.
Неофицијално, повеќе вооружени лица излегле од бело комбе и почнале да пукаат. Овие информации засега не се официјално потврдени, а во тек е полициска потера по напаѓачите.
Очевидци опишале дека од белото комбе излегле неколку лица и почнале да пукаат насекаде.
Регион
(Видео) Полицијата се’ уште трага по напаѓачите по пукањето во кафулето во Белград

Пет лица беа ранети во пукање во кафуле во белградската населба Вишњичка бања, а едно лице е во животна опасност. Напаѓачите, кои пристигнале со бело комбе, влегле во локалот и отвориле оган по гостите.
Повредените – две жени и три мажи – се пренесени во Ургентниот центар. Полицијата покрена акција и сè уште трага по сторителите, јавува „Н1“.
Очевидци раскажаа дека на автобуската станица во близина имало голем број деца кои се разбегале уплашени, а пристигнувањето на итната помош се чекало долго. Жителите потсетуваат дека веќе подолг период имаат проблеми со навивачки групи во оваа населба.
Свет
(Видео) Ураган ја потопи Ибица

Ураганот „Габриел“, кој со денови пустоши над Атлантикот, денеска ја погоди Ибица и Форментера, предизвикувајќи поплави и голема материјална штета.
Видео-снимки од социјалните мрежи покажуваат автомобили, мотори и контејнери како ги носи надојдената вода, а улиците се претворени во реки од кал и дожд.
Flooding due to heavy rain on the island of Ibiza, Spain 🇪🇸 (30.09.2025) pic.twitter.com/4gM7xFwDVW
— Disaster News (@Top_Disaster) September 30, 2025
Туристи биле принудени да се симнат од брод во вода до колена.
Jeeze! Passengers step off the sea ferry in Ibiza directly into floodwaters 😳
Bizarre!pic.twitter.com/eH7tE9TLnk
— Volcaholic 🌋 (@volcaholic1) September 30, 2025
Пожарникарите на Ибица интервенирале на повеќе од 20 повици само утринава. Затворени се неколку патишта, меѓу нив и пристапот до аеродромот. Во близина на аеродромот за неколку часа наврнале 74 милиметри дожд, а има и прекини во снабдувањето со струја.
👀 This is on the Spanish Island of Ibiza before the mobile phone warning was sent out. There is a RED warning in place = Danger to life.
📹 @BailoAndrespic.twitter.com/BdXDlvFZF0
— Volcaholic 🌋 (@volcaholic1) September 30, 2025
Силното невреме предизвика проблеми и на Мајорка, каде што северниот дел на планинскиот венец Трамунтана бил најтешко погоден, како и во регионот Валенсија и Мурсија.