Ирачките елитни антитерористички сили во петокот продреле во западниот дел од вториот по големина град Мосул, првпат откако ултрарадикалната сунитска организација Исламска држава го зазема во јуни 2014 година, соопшти ирачки командант.

Ирачката војска во четвртокот целосно ја презема контролата над аеродромот крај Мосул, што им овозможува да ги прибијат џихадистичките линии на одбрана на нивните позиции во западниот дел од градот. Станува збор за прв позначаен успех во новата офанзива за повторно заземање на западниот дел од градот во северен Ирак, покрената во неделата.

По поразите што ги претрпи последните месеци, Исламската држава е во дефанзива и во соседна Сирија, каде што е протерана од последното големо упориште во покраината Алепо – Ал Баб, кое сега е во рацете на сириската бунтовничка групација Слободна сириска армија (FSA), поддржана од Турција.

Со поддршка на ирачките и воздушните сили на меѓународната коалиција предводена од САД, ирачките копнени воен и полициски сили заедно со шиитските милиции, наишле на мал отпора од џихадистите на аеродромот на југозападната периферија од Мосул. Овој успех дојде на шестиот ден од втората офанзива за заземање на западниот дел од градот, откако претходно Исламската држава беше истерана од источниот дел од неговиот градот.

„Можам да потврдам дека аеродромот е целосно ослободен“, изјави во петокот генералот Абас ал-Џубури, командант на Силите за брза интервенција на министерството за внатрешни работи кој го водеше нападот.

Ирачките сили го обезбедија и го исчистија овој напуштен аеродром откако Исламската држава ја истисна војската во Мосул и од околните области во јуни 2014 година, во ненадејната офанзива по којашто на освоените територии во Ирак и во соседна Сирија го прогласи својот ткн „калифат“.

Џихадистите ја уништиле аеродромската зграда веднаш на почетокот од ирачката офанзива за целосно заземање на Мосул на 17-ти октомври 2016 година, додаде генералот Џабури. Во близината на аеродромот, елитните антитерористички сили, исто така, ја заземале воената база Газлани,.

Но во западен Мосул, ирачките сили може да се соочат со многу пожесток отпор на Исламската држава. Таму се наоѓаат најмалку две илјади џихадисти, според процените на американското воено разузнавање. Се очекува, бидејќи се опкружени од сите страни да ја платат својата кожа изведувајќи самоубиствени напади.

Исламска држава ќе пружи жесток отпор и ќе предизвика тешки борби во западниот дел од Мосул, и покрај загубите кои ги претрпе во Ирак, изјави на 15-ти февраури полковникот на американската армија Патрик Ворк, кој се наоѓа во позицијата во северен Мосул.

САД даваат воздушна и копнена поддршка на ирачките и курдските на силите кои се обидуваат да ги истиснат џихадистите од Мосул, кој го заземаа во 2014 година. Офанзивата беше запрена во јануари по заземањето на населбите источно од реката Тигрис, која го дели градот на два дела.

Од Големата џамија во западниот Мосул, челникот на Исламската држава, Абу Бакр ал-Багдади, Ирачанецот со вистинско име Ибрахим ал-Самараи, го прогласи „калифат“ во деловите што во ненадејната офанзива во летото на 2014 година во Сирија и во Ирак. Доколку падне Мосул, се очекува дека оваа радикална група ќе започне герилска борба со молскавични напади од помали групи./крај/мф/сн