Свет
Исповед на преживеани во нападот на музичкиот фестивал во Израел: „Видов луѓе како умираат насекаде околу мене“
Вооружени напаѓачи отворија оган во саботата на музички фестивал во јужен Израел, во близина на Појасот Газа, и земаа заложници.
Гили Јоскович и Тал Гибли беа меѓу стотиците млади луѓе кои присуствуваа на фестивалот.
Јошкович за Би-Би-Си опиша како се криела под дрво додека напаѓачите се шетале наоколу, пукајќи во сите на кои ќе наишле.
„Тие беа насекаде, со автоматско оружје во рацете. Видов луѓе како умираат насекаде околу мене. Бев многу тивка, не плачев, не правев ништо. Дишев и си велев ‘во ред, ќе умреш, само диши и затвори ги очите“, раскажа таа.
Јоскович рече дека се криела три часа пред да пристигнат израелските војници и да ја спасат. Според неа, таа била прва што била спасена, додека на другите им биле потребни неколку часа за да избегаат.
„Насекаде по патот лежеа безживотни тела – сите млади, тоа беше фестивал на младите“, рече Јосковиќ.
Таа додаде дека многу луѓе загинале по патот.
Тал Гибли ја раскажа својата приказна за Си-Ен-Ен. Таа рече дека во раните утрински часови слушнале сирени и ракети, по што сите во паника почнале да ги земаат работите и да бегаат со автомобили. Откако патиштата биле блокирани, таа и нејзините пријатели го оставиле автомобилот и почнале да бегаат.
Гибли за Си-Ен-Ен изјави дека истрчала во шумата и на крајот влегла во друг автомобил што минувал, гледајќи низа мртви и повредени луѓе на страната на патот.
„Беше толку страшно и не знаевме каде да возиме за да избегаме. Имам многу пријатели кои се изгубија во шумата“, рече таа, додавајќи дека сè уште се обидува да стапи во контакт со нејзините пријатели кои исто така биле на концертот, а не знае дали преживеале.
Фудбалскиот тим Хапоел од Тел Авив денеска соопшти дека меѓу загинатите во нападот што го извршија членови на Хамас врз собраните на забава во природа во близина на границата е и поранешниот напаѓач на овој клуб, Лиор Асулин, пренесува „Тајмс оф Израел“.
„Со голема тага, по многу часови откако беше прогласен за исчезнат, известивме дека нашиот поранешен играч Лиор Асулин бил убиен од терористи на забава“, соопшти фудбалскиот клуб Хапоел.
Се’ уште не е познат точниот број на жртви, а исто така не се знае точно колку заложници биле земени од вооружените напаѓачи.
На едно од видеата кои кружат на социјалните мрежи се гледаат Израелката Ноа Аргамани и нејзиното момче Авинтан Ор кои киднаперите ги зедоа како заложници. Додека моли за помош, со мотор ја однесе еден од киднаперите, по што Ноа повеќе не се гледа на видеото. Во позадина е нејзиното момче како го држат неколку напаѓачи со рацете на грбот, пишува „Си-ен-ен“. Видеата ги препознале членовите на нивните семејства.
Noa se zabavljala na jugu Izraela na muzičkom festivalu kada su je teroristi Hamsa kidnapovali i odvukli u Gazu.
Noa je sada talac Hamasa.
Mogla je biti svačija sestra, ćerka, drugarica…
Tragedija. #BringBackOurFamily https://t.co/SOPr8rmgr9
— Ambasada Izraela (@IsraelinSerbia) October 7, 2023
На друго видео потврдено од Си-Ен-Ен, онесвестена жена која била на фестивалот може да се види како е застрелана од вооружени милитанти во Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.