Свет
Еден месец по мистериозното исчезнување, сменет министерот за надворешни работи на Кина

По еден месец од исчезнувањето, Кина го смени министерот за надворешни работи, Чин Ганг. Потврда за неговото разрешување даде Ванг Ји кој претходно ја вршеше оваа позиција речиси 10 години. Ваквиот чекор доаѓа по неколку недели молк на Министерството, а додека во јавноста имаше разни теории за мистериозното исчезнување.
Чин последен пат беше виден во јавноста на 25 јуни кога се сретна со своите колеги од Русија, Виетнам и од Шри Ланка. Неговите планирани состаноци оттогаш се откажани или друг дипломат го заменуваше на средбите.
„Долгиот молк беше многу штетен за кинеската дипломатија. Зависноста на партијата од тајност во нејзините внатрешни операции сега има ослабувачки ефект врз способноста на земјата да работи со надворешниот свет“, рече Нил Томас, соработник за кинеска политика во Институтот за политика на азиската заедница во Вашингтон.
Тоа исто така го комплицира привременото затоплување меѓу САД и Кина. Кога државниот секретар Антони Блинкен се сретна со Чин во Пекинг минатиот месец – само една недела пред исчезнувањето на Чин Ганг, тие се договорија дека кинескиот министер за надворешни работи ќе возврати со посета на Вашингтон.
Исчезнувањето на Чин се коментира како: „шокантен пад за ѕвездата во подем на сè понаметливата кинеска дипломатија“.
Тој се сметаше за лојалист, промовиран од Шји Џјинпинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.