Свет
Италијанските доктори го излекуваа нулта пациентот, откриена успешната терапија

Италијанските доктори успеаја да го излекуваат првиот пациент заразен со коронавирус во оваа земја. Еден од докторите, Франческо Мојоли, за весникот „Кориере дела Сера“ открил како докторите успеале во тоа.
Триесет и осумгодишниот нулта пациент на одделението за интензивна нега во многу сериозна состојба заврши на 20 февруари, но од 9 март повеќе не е потребно да има инкубациска цевка за дишење и сега заздравува.
„Вирусот може сериозно да влијае на најмладите. Младите имаат повеќе оружје за борба против вирусот: третман на „оживување“ кој вклучува шок-терапии со коктели на антивирусни лекови, антибиотици и експериментално, на оние кои се користат за лекување на ХИВ, полесно можат да поднесат оние кои сè уште не се физички ослабени“, рекол Мојоли.
Тој објаснува дека за да било успешно лекувањето, мораат да постојат комбинација од три фактори: терапија со која се одржува виталноста (хидратација, вештачко хранење итн.), третмани со коктели експериментални лекови и отсутност на дополнителни компликации.
„Значаен придонес за шансите за заздравување дава отсутноста на други патологии, а тоа значи освен белите дробови добро да работат и другите органи. Кај младите луѓе лекувањето е потешко ако постојат и компликации во лекувањето на други органи како срцето, црниот џигер и бубрезите“, додава докторот.
„Критично, но стабилно е добар знак. Мажот е во болница веќе три недели па лекарите успеале да го сфатат текот на болеста: состојбата брзо се влошува, потоа следи долга фаза на стабилизација и конечно следи подобрување. Тој сега е на одделението на постинтензивна нега во Сан Матео и се наоѓа во фаза која лекарите ја нарекуваат ‘одвикнување“, во која шок-терапиите постепено се прекинуваат. Самиот дише и е во полусвесна состојба“, посочува италијанскиот доктор, кој заклучува дека пациентот е симбол на фактот дека коронавирусот може да се лекува дури и кога пациентот е во многу сериозна состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.