Свет
Италија со амнестија им доделува шестмесечен престој на нелегалните мигранти

Италијанската влада продолжува со идејата за амнестија на илјадници нелегални имигранти иако многумина во парламентот се залагаа за престој само за нелегалните мигранти работници, пренесува „Ил џорнале“.
Нацртот-указот за амнестија беше објавен неделава од италијанските медиуми. Со документот се бара да им се издадат шестмесечни дозволи за престој на мигрантите што работат во сектори, како земјоделството и домашна работа. Матео Салвини од Лига ја нападна предложената амнестија укажувајќи на милиони невработени Италијанци на кои им е потребна работа повеќе од илегалците.
Членовите на Движењето Пет ѕвезди (М5С), кои ја формираат владејачката коалиција со левичарските демократи (ПД), побараа дозволите за престој да им бидат издадени само на работниците и за период единствено од еден месец.
За дозволите ќе треба да се исполнат неколку барања и ќе им бидат доделени само на нелегални мигранти што може да докажат дека веќе работеле во Италија.
„Привремени дозволи само за оние што веќе имале договор за вработување во 2019 година“, рече потсекретарот за внатрешни работи, Карло Сибилија.
И партијата Движење Пет ѕвезди и Италија вива, мала партија предводена од поранешниот премиер Матео Ренци, изјавија дека декретот не е општа амнестија, туку здрав разум. Висок член на Лига ја предупреди владата за потенцијален хаос ако ги спроведе плановите за доделување амнестија на 700.000 нелегални мигранти.
Помеѓу 500.000 и 600.000 мигранти би можеле да бидат опфатени со новиот указ, но дозволите за престој ќе бидат одбиени ако работодавецот на мигрантот е осуден за помагање нелегална миграција во последните пет години или се ангажирал за регрутирање мигранти за проституција или други нелегални активности.
Мигрантите за кои има налог за депортација и оние што се сметаат за закана за италијанската јавна безбедност исто така се исклучени од амнестијата.
Популистичкиот сенатор Матео Салвини вети дека ќе се бори против амнестијата велејќи:
„Наместо да обезбеди работни места за милиони невработени Италијанци и за многуте редовни и угледни мигранти присутни во Италија, владата мисли на амнестија на илјадници нелегални имигранти“.
Сенаторот Стефано Кандијани, исто така член на Лига, додаде:
„Ние ќе сториме сè што е демократско во наша можност да го запреме овој злобен проект, ќе собереме потписи, ако е потребно, да закажеме референдум и да ги принудиме на гласање, а Италијанците ќе ги казнат строго“.
Амнестијата на нелегалните мигранти е проблем за кој левичарската италијанска коалиција размислуваше долго пред пандемијата на коронавирусот и беше иницирана уште во јануари од страна на министерката за внатрешни работи, Лусијана Ламоргезе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Српското МВР процени дека на протестот во Белград присуствувале 107.000 луѓе, инциденти нема

Српското Министерство за внатрешни работи соопшти дека според проценките на полицијата, на сите локации во Белград има околу 107.000 луѓе, од кои најголем број доаѓаат од внатрешноста.
Поголеми инциденти или нарушување на јавниот ред и мир досега немало, соопшти МВР.
Slavija Square,Belgrade, right now. pic.twitter.com/m6Jc9PK3Pe
— 🇺🇦 paolo rel (@paolobucci18) March 15, 2025
Во моментов, студентските редари заедно со моторџиите се обидуваат да го расчистат просторот околу Собранието и да ги пренасочат демонстрантите кон Славија за да ја намалат можноста за инциденти.
Тие велат дека треба да се пренесе дека собирот е мирен, да не се користи пиротехничка опрема и никој да не паѓа на провокации.
Во Белград во тек е протестот 15 за 15.
Регион
(Фото+видео) „Тука сме затоа што предолго страдавме, но нема повеќе“ рече студентка на протестот во Белград

Во главниот град на Србија се одржува протест организиран од студенти кои веќе три и пол месеци ги блокираат универзитетите низ земјата, барајќи политичка и правна одговорност за смртта на 15 лица при уривање на настрешница во Нови Сад. На собирот не се забележани никакви инциденти.
Студентка на Славија која читаше говор на сцената рече „ние сме тука затоа што предолго страдавме, но нема повеќе“, додавајќи дека „повеќе нема да се дозволи корупцијата да загрозува нечиј живот“.
„Тука сме затоа што повеќе нема да дозволиме да ни ја одземате слободата, затоа што меѓусебно се заштитуваме, како што го лишивте студентот Реља и другите граѓани на протестот во Нови Сад. Тука сме затоа што повеќе нема да дозволиме функционери од која било партија организирано да напаѓаат студенти, како што ги нападнаа студентите на Факултетот за драмски уметности“, рече таа.
Студентката во својот говор истакна дека студентите повеќе нема да дозволат да бидат газени, како што ги газеа музичарите на белградската филхармонија, лекарите и студентите Соња и Кристина …
„Тука сме затоа што повеќе нема да дозволиме да не тепате со палките што ги чувате во партиските простории, како што ја тепавте студентката Ана. Тука сме затоа што повеќе нема да дозволиме да не лажат и навредуваат, како што тоа го прави јавниот медиумски сервис и државниот врв од самиот почеток на студентските блокади. Тука сме затоа што повеќе нема да ви дозволуваме да споделувате отпуштања врз основа на објави на социјалните мрежи, како што споделивте со работниците на ЕПС“, рече студентката.
🇷🇸✨Београд✨🇷🇸
🇷🇸✨15.🇷🇸03.🇷🇸2025.✨🇷🇸 pic.twitter.com/incb4YLX7Y— dnevnadozaludosti (@kikiolichica) March 15, 2025
Протестот во Белград се одржува по масовните собири организирани од студентите во Нови Сад, Крагуевац и Ниш.
ŽIVJETI SLOBODNO! ❤️ #Beograd pic.twitter.com/wBAfUQEuF4
— Илијана Милановић (@m_ilijana) March 15, 2025
Неколку дена претходно, студентите тргнаа пеш од неколку правци кон Белград, каде што пристигнаа во петокот вечерта, а во главниот град им беше приреден свечен пречек.
Регион
(Видео) „Светот го нема видено ова“ – најмасовен протест во историјата на Србија

Во Белград се одржува голем протест организиран од студентите.
Пред српското Собрание во моментов има огромен број луѓе, а други пристигнуваат од сите страни.
Студентите најавија дека главната бина ќе биде на плоштадот Славија, кој е на 15 минути пешачење од Собранието на Србија.
На таа сцена ќе се одржат главната програма и говорите.
Говорите ќе бидат емитувани и на аудио бина пред Народното собрание.
На социјалните мрежи се објавени голем број видеа и фотографии од протестот.
Ovo nikad nije bilo! pic.twitter.com/cgzJUg1CR1
— Tijana Kojović (@tkojovic) March 15, 2025
Ne Beograd, ovo svet video nije.. 🇷🇸🇷🇸🇷🇸 pic.twitter.com/zdbEGUaYL0
— Ivana (@Ivana66157567) March 15, 2025
Beograd je danas najlepši grad na svetu 💚 pic.twitter.com/ya1GJ7gKSk
— Zeleno-levi front (@nedavimobgd) March 15, 2025
"Gde god da odem taj grad me prati, Beograd moj sebi me vrati" ♥️🇷🇸 pic.twitter.com/KFIdXCwfpN
— Igor Vujanović (@Infoverzum) March 15, 2025