Свет
Како изгледа животот на Антарктикот за време на коронавирусот?
Додека светот се бори со ширењето на коронавирусот, Антарктикот остана единствениот континент кој е поштеден. За тоа, без сомнеж, придонесе неговата географска изолираност, но и брзите одлуки на властите, кои веднаш го откажаа целиот туризам, го евакуираа целиот персонал кој не е неопходен и ги забрани сите контакти меѓу меѓународните бази. На Антарктикот свои станици имаат 29 земји.
„Ние сме изолирани среде природната изолација што постои од порано“, изјави управителот на чилеанско-антарктичката територија, Алехандро Валензуела.
Воспоставени се строги здравствени протоколи и посетите се ограничени само на нужни материјали.
Чиле го намали својот персонал на Антарктикот на минимум, односно на десет лица во воената база Ескудеро во Јужните Шетландски Острови. Острата клима на Антарктикот отсекогаш барала тесна соработка на разни меѓународни мисии.
Во близина е една од петте руски бази, како и мисиите на Уругвај, Кореја и на Кина. Тие често го растоваруваа товарот заедно и се рекреираа заедно славејќи ги националните празници и родендени. Но, стравот од коронавирусот го прекина целиот физички контакт меѓу членовите на базата.
Антарктикот исто така имаше среќа што кризата се совпадна со крајот на туристичката сезона за време на која континентот го посетуваат годишно околу 50.000 луѓе, кои доаѓаат со бродови за крстарење за да гледаат пингвини и да уживаат во недопрената природа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Масовно уништување“: Газа на првиот ден од прекинот на огнот
Снимка со беспилотно летало од северна Газа, направена за Си-ен-ен на првиот ден од прекинот на огнот, го покажува огромниот размер на уништувањето предизвикано од петнаесетмесечната војна, пренесува медиумот.
Претседателот на Европскиот совет, Антонио Коста, исто така ги поздрави прекинот на огнот во Газа и почетокот на ослободувањето на преостанатите заложници што ги држеше Хамас.
„Олеснување е, конечно, да се видат ослободени првите заложници и пристигнувањето на хуманитарната помош, примирјето да стапи во сила во Газа“, рече Кошта во објавата на платформата Х.
Тој рече дека „договорот ја носи потребната трошка надеж во регионот“.
„Сите страни мора да се придржуваат до него. Мирот е единствениот пат напред“, додаде Кошта.
Генералниот секретар на Обединетите нации, Антонио Гутереш, исто така го поздрави почетокот на спроведувањето на договорот за прекин на огнот и ослободувањето на заложниците во Газа во објава на мрежата Х.
„Ние сме подготвени да ја поддржиме оваа имплементација и да ја зголемиме испораката на постојана хуманитарна помош до Палестинците, кои продолжуваат да страдаат. Императив е овој прекин на огнот да ги отстрани значајните безбедносни и политички пречки за испораката на помошта“, рече Гутереш.
Свет
Светски економски форум во Давос: Трамп и вештачката интелигенција во фокусот
Светската политичка и економска елита денеска се собира во швајцарскиот зимски центар Давос на годишниот Светски економски форум (СЕФ).
На годинешниот собир ќе присуствуваат речиси 900 извршни директори и 60 претседатели и премиери.
Лидерските говори ќе почнат утре по денешното официјалното отворање на конференцијата.
Официјалната програма вклучува разговори и панели за сајбер-криминал, вештачка интелигенција и технолошки промени со мотото „Соработка за интелигентна доба“.
Но, набљудувачите веруваат дека годинешниот состанок повеќе од сè ќе биде преокупиран со враќањето на Доналд Трамп во Белата куќа и прашањата за неговите потези во неговиот втор претседателски мандат.
Трамп претходно најави дека ќе воведе царини за увоз од Кина и други големи трговски партнери, од кои повеќето ќе бидат претставени на СЕФ.
Трамп беше првиот американски претседател кој лично присуствуваше на форумот за време на својот мандат. В четврток 78-годишниот Трамп повторно ќе зборува во Давос, но преку видеоврска.
Украинскиот претседател Володимир Зеленски се очекува да зборува утре, истиот ден со германскиот канцелар Олаф Шолц.
Свет
Поранешен советник на Трамп: Украина може да стане реприза на Виетнам
Ситуацијата во Украина може да стане реприза на војната во Виетнам за новоизбраниот американски претседател Доналд Трамп доколку тој навреме не престане да го поддржува Киев, изјави Стив Банон, поранешен главен стратег на Белата куќа и поранешен советник на Трамп.
Бенон предупреди дека Трамп ризикува дополнително да ги вовлече САД во конфликтот во Украина доколку не се откаже од поддршката за Киев. Тој ја спореди сегашната ситуација со времето на поранешниот претседател Ричард Никсон, кој се обиде и не успеа да ја извлече земјата од виетнамската војна.
„Ако не внимаваме, ова ќе стане – Трамповиот Виетнам. Токму тоа му се случи на Ричард Никсон. Како резултат на тоа тој стана одговорен и тоа стана негова војна, а не на неговиот претходник Линдон Џонсон“, изјави Банон за американските медиуми.
Тој посочи дека специјалниот претставник на новоизбраниот претседател за Украина, Кит Келог, не е во право кога вели дека конфликтот може да се прекине додека се задржува американската поддршка за Киев. Тој верува дека вовлекувањето на САД во воен конфликт не е во американските интереси „бидејќи е невозможно да се победи“.