Свет
Калас: Дискусијата за можни мировни сили во Украина е ризик да се падне во „руска замка“
Високата претставничка на ЕУ за надворешна политика и безбедност Каја Калас денеска предупреди дека европската дискусија за можните мировни сили во Украина претставува ризик да се падне во „руска замка“.
Калас во интервју за „Еуроактив“ предупреди дека обидите да се најде коалиција за мировна мисија се предвремени, бидејќи, како што тврди таа, Русите не сакаат мир.
Пред тие разговори, рече таа, фокусот на Европа треба да биде да ја стави Украина во позиција каде што е „способна да каже „не“ на лош договор“, додавајќи дека колку е посилна земјата на бојното поле, толку е посилна на преговарачката маса.
На прашањето дека Европа не била на маса во американско-руските преговори во Ријад, Калас рече дека Американците можат да се сретнат со кого сакаат, но за да успее секој мировен договор во врска со Украина, мора да ги вклучи и Европејците и Украинците.
Како што наведе таа, во случај американскиот претседател Доналд Трамп да одбие да ги вклучи Европејците во преговорите, а се постигне договор со кој Европејците не се согласат, тогаш тој едноставно ќе пропадне, бидејќи нема да се спроведе.
Според неа, ако се погледнат сликите од Саудиска Арабија, Русите се победници.
„Нивниот став е: „Сега сите доаѓаат кај нас и ни нудат што сакаме. Не смееме да паднеме во руските замки“, нагласи Калас.
Запрашана да го коментира фактот дека самитот во Париз одржан во понеделникот не произвел конкретни планови и колку брзо може да се постигне план, Калас нагласи дека ако зборуваме за мировници, тогаш паѓаме во руската замка, бидејќи, како што наведе, „тие не сакаат мир“.
„Ако ги прочитате коментарите на Русите, тие беа прилично среќни; тие веќе освоија сè. Прво, треба да извршиме притисок врз Путин за да сака да се движи кон мир“, рече таа.
Запрашана да го коментира ставот на Украинците, кои наведуваат дека присуството само заради присуство не е изводливо, Калас рече дека доколку се разговара за тоа, тогаш може да се разговара, но дека, како што истакна таа, „во моментов не сме на тоа ниво“, пренесува Танјуг.
„Во моментов треба да ги насочиме силите кон поддршка на Украина да биде што посилна на бојното поле, бидејќи тие ќе бидат посилни и на преговарачката маса. Треба да ја ставиме Украина во позиција да може да каже не, на лош договор“, рече Калас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Земјотресот во Мјанмар ослободил енергија еднаква на 334 атомски бомби
Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна на повеќе од 300 експлозии на атомски бомби, изјави геологот Џес Феникс за Си-Ен-Ен.
Таа, исто така, предупреди дека последователните потреси би можеле да продолжат со месеци.
„Моќта ослободена од ваков земјотрес е околу 334 атомски бомби“, рече Феникс.
MASSIVE ground rupture/crack has appeared in Myittha, Mandalay Region, following the powerful M7.7 earthquake in Myanmar 😱👀 pic.twitter.com/vFlPet0XPH
— Volcaholic 🌋 (@volcaholic1) March 28, 2025
Таа објасни дека потресите ќе продолжат бидејќи индиската тектонска плоча сè уште се спушта под евроазиската плоча во областа Мјанмар.
Феникс додаде дека размерите на уништувањето дополнително ќе се влошат со граѓанската војна во земјата.
Во земјотресот загинаа над 1.000 луѓе.
Регион
Драма на небото над Хрватска: авион полета за Фанкфурт, па се врати назад за 20 минути
Авион на „Кроација ерлајнс“ кој утринава полета од Загреб за Франкфурт се врати на аеродромот „Фрањо Туѓман“ по само 20 минути лет, јавуваат патниците.
Авионот морал да се врати поради технички проблеми.
„Мала техничка неисправност. Сега седиме во авион во Загреб“, вели патникот, пренесе „Вечерњи“.
Како што се додава станува збор за авион „Даш 8“, кој е дел од националниот превозник од 2008 година, што значи дека лета веќе 17 години.
За таков модел, тоа е приближно две третини од работниот век, што во Европа е во просек 25 години.
Авионот е еден од петте вакви турбопромотори што ги има Хрватска во својата флота, 9A-CQA е најстар. Во последните седум дена имаше во просек по седум лета дневно.
Свет
(Видео) Жена се породи на улица, болницата евакуирана по силниот земјотрес
Жена се породи на улица во Бангкок вчера, откако болницата во која се наоѓала била евакуирана поради силниот земјотрес во Мјанмар.
Таа лежела на носилка, опкружена со медицински персонал кој и помогнал да се породи на отворено.
Поради земјотресот, евакуирани се повеќе болници.
Footage during the earthquake in #Bangkok a baby was born in the park 😭 Waht a story to tell ‘’ I was born during the earthquake ‘’ #แผ่นดินไหว #earthquake #myanmarearthquake #bangkokearthquake #ตึกถล่ม pic.twitter.com/7E0FdzfPEf
— Miia 🩵 (@i30199) March 28, 2025
Пациентите биле преместени во блискиот парк, вклучувајќи ги и оние на носилки и во инвалидски колички. Вработените во болницата продолжија да се грижат надвор, пред зградите на установата.
Земјотресот што го погоди Мјанмар беше еден од најразорните во последните сто години.
Според Геолошкиот институт на САД (USGS), епицентарот бил на 17 километри од Мандалеј. Бројот на загинати се искачи на повеќе од 1.000, а спасувачите се уште трагаат по преживеани под урнатините. Воената хунта прогласи вонредна состојба и повика на помош, додека ОН потврдија дека се во контакт со властите.
Случајот со Фросина Кулакова не’ собра, а причина е системот, велат од „Кој е следен“ по обвинувањата дека ја злоупотребиле трагедијата
Точно е дека движењето „Кој е следен?“ настана по сообраќајната несреќа на Партизанска кога загина Фросина Кулакова. Тоа не’ собра...
(Видео) Шукова: Можеби храната што ја јадеме е под ризик порди излевањето во Крива Река
Се’ што се продава на пазарите во Скопје, Куманово, Паланка, Велес и другите градови, се наводнува од Вардар, Пчиња, Крива...
(Видео) Земјотресот во Мјанмар ослободил енергија еднаква на 334 атомски бомби
Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна...
ДУИ го повика Советот на Европа да испрати експерти кои ќе ја проценат истрагата за Кочани
Пратеничката група на Европски фронт, на чело со ДУИ во Собранието, испрати формално писмо до четири клучни тела на Советот...
Филип беше ураган од љубов – во Штип се одржа комеморација за музичарот Стевановски кој загина во пожарот
Во Штип се одржа комеморацијата за директорот на штипскиот центар за култура „Ацо Шопов“, Филип Стевановски, кој тагично го загуби...
Утре еден час помалку спиење – во два по полноќ почнува летното сметање на времето
Вечерва, сабота кон недела, почнува летното сметање на времето. Тоа значи дека стрелките на часовникот во два часот наутро на...
Зеленски: Американците целосно го сменија договорот, чекаме правна анализа
Украинскиот претседател, Володимир Зеленски, рече дека Украина нема да прифати никаков договор за минералните суровини што ќе ја загрози нејзината...
OJO: Поднесено обвинение за тешката сообраќајна несреќа со смртни последици на „Партизанска“
По целосно спроведена истражна постапка, Основното јавно обвинителство Скопје поднесе обвинителен акт против едно лице што се товари за тешки...
Четворицата лидери на „Влен“ вечерва ќе одат на ифтарска вечера кај Аљбин Курти, Таравари вели дека ќе разговараат и за локалните избори
За претстојните локални избори, како и за сите актуелни теми во земјата и во регионот, вечерва, на ифтарска вечера кај...
Денес, осум пациенти од Скопје се пуштаат дома, од странство се враќаат уште девет
Министерот за здравство, Арбен Таравари, информира дека во моментот во установите во Скопје се хоспитализирани 22 пациенти, сите стабилни и...
Измамници оштетија струшко семејство: им понудиле донации за болниот син, па подигале брзи кредити
Двајца измамници излажале сопружници од Струга дека ќе собираат пари за лекување на нивниот болен син и им ги зеле...
Крива Река е опасна за животот на луѓето, загадени и земјоделските насади – градоначалникот бара кривична одговорност
Во согласност со извештајот на акредитирана лабораторија „Техно лаб“ во Скопје, водата во Крива Река, по земените примероци, еден ден...
Македонците и годинава ќе може да патуваат во ЕУ како досега: системот ЕТИАС одложен
Системот ЕТИАС, кој ќе се применува за влез во земјите од Европската Унија, повторно е одложен и ќе почне на...
Сестрата на прегазената Фросина Кулакова: „На движењето ‘Кој е следен?’ не му е важна жртвата, туку агендата“
Росица Кулакова, сестрата на трагично прегазената Фросина Кулакова, првпат јавно зборуваше за случувањата по загубата на сестра си, но и...
Уапсени двајцата возачи што удрија пешаци во Скопје, автомобилите одземени
Полициски службеници од СВР Скопје го лишија од слобода 45-годишниот И.С. од Скопје, затоа што на 27.03.2025 околу 21.50 часот...
(Видео) Први снимки по разорниот земјотрес во Мјанмар: се тресеше и на Тајланд на 1.000 километри од епицентарот
Застрашувачки снимки излегуваат од Тајланд откако утринава два разорни земјотреси го погодија Мјанмар. Првиот земјотрес со јачина од 7,7 степени...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Снимка од подморницата на смртта пред трагедијата во Египет: „Почна да тоне додека сè уште беа отворени челичните врати“
Шест туристи трагично загинаа откако подморница потона крај брегот на Египет додека беа на обиколка на подводните корални гребени. Вкупно...
Авионот на Додик полетал од Израел и среде ноќ слетал во Белград
Авионот на Владата на Република Српска полетал синоќа во 21 часот и 32 минути од аеродромот Бен Гурион во Тел...
Белата куќа му одговори на Путин: Украинците одредуваат кој управува со Украина
Управувањето на Украина го одредува нејзиниот Устав и народот на таа земја, изјави портпаролот на Советот за национална безбедност на...
