Европа
Каспаров за труењето на Навални: Не навредувајте ми ја интелигенцијата, зад ова стои Путин

Познатиот шахист и дисидент Гари Каспаров не се сомнева дека самиот Путин стои зад труењето на неговиот политички опонент Алексеј Навални.
Тој синоќа објави серија твитови за тоа.
„Труењето на Алексеј Навални уште еднаш докажува дека атентатите се дел од политиката на Путин – во Русија и во странство. Не сакам да слушам никакви глупости за тоа дали Путин знаел или за одметнати елементи. Путин не го интересира како тоа изгледа, тој е заинтересиран за тоа дали методот функционира. А очигледно смета дека функционира затоа што упорно продолжува да го применува“, коментира Каспаров на „Твитер“.
Alexei Navalny’s poisoning again demonstrates that for Putin, assassination is policy—inside and outside of Russia. https://t.co/dotetp7mpf
— Garry Kasparov (@Kasparov63) August 20, 2020
„Не навредувајте ја мојата интелигенција со нагаѓања дека некој би можел да му направи нешто на Навални без одобрение од Путин. Истото важи и за убиствата на Немцов, Политковскаја и Литвиненко. Никој не би презел таков ризик врз себе. Ова е политика и тоа политика на Путин“, напиша Каспаров.
Don’t insult my intelligence by suggesting that anyone would act against Navalny without Putin’s approval. As with Nemtsov’s murder, as with Politkovskaya’s, as with Litvinenko’s. No one would take such a risk. It’s policy, and it’s Putin’s.
— Garry Kasparov (@Kasparov63) August 20, 2020
„Владеењето на теророт на Путин ќе продолжи сè додека не биде запрен. Диктаторите не застануваат сами. Но, во слободниот свет сè уште има гласови кои бараат рестарт и ангажман, што со други зборови значи препуштање, тие имаат крв на рацете. Му посакувам на мојот сонародник Навални целосно и брзо закрепнување од труењето. И апелирам до слободниот свет да се обединиме против најголемиот отров – диктатурата на Путин, наместо да се чека повторно да нападне“, заклучува Каспаров.
На Навални, кој предводеше серија протести против администрацијата на Путин, вчера му се слоши на лет од Томск кон Москва.
Поради неговата влошена состојба, авионот принудно слета во сибирскиот град Омск. Неговите соработници велат дека му бил ставен отров во чајот што тој го испил непосредно пред летот.
Here’s Navalny drinking the tea in the Tomsk airport. The same person also published a video of Navalny screaming in pain in the toilet, which I won’t link to pic.twitter.com/OaDeZTqesj
— max seddon (@maxseddon) August 20, 2020
Денеска руските доктори не дозволија опозиционерот, кој е во кома, да биде транспортиран во странство за понатамошно лекување.
Неговата портпаролка рече дека лекарите подлегнале на притисокот од руските власти, додека главниот лекар во болницата во сибиркиот град тврди дека одлуката е донесена бидејќи Навални сè уште не е во доволно добра состојба за да може да патува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Неколку возови во Украина запрени поради закани за бомба

Анонимни закани со бомби повторно го нарушија железничкиот сообраќај низ Украина, соопштија вчера властите.
Полицијата соопшти дека патнички воз што се движел кон Запорожје бил принуден да застане во селото Бурштин, каде што патниците биле евакуирани на безбедно растојание додека експерти и кучиња трагачи ги пребарувале вагоните за експлозиви. Откако добиле дозвола за патување, возот го продолжил своето патување.
Според новинската агенција УНИАН, неколку други возови во различни региони исто така биле запрени и проверени по слични закани. Меѓу нив била и линијата Днепар-Будимпешта што ја поврзува Украина со Унгарија.
Слични инциденти се пријавени во последните денови, иако не се пронајдени експлозивни направи во ниту еден од засегнатите возови, вклучително и на меѓународните линии. Сепак, превентивните проверки предизвикаа доцнења. Властите досега не дале информации за можните мотиви или потекло на заканите.
фото: принтскрин
Европа
(Видео) Големо невреме во Шпанија: црвен аларм, поплавите носат сè пред себе

Големи поплави предизвикани од обилни дождови го погодија североисточниот шпански регион Каталонија заробувајќи десетици луѓе во нивните возила, соопштија локалните власти, пренесе Би-би-си.
Destructive flooding right now in Godall, Tarragona Province, Catalonia, Spain.
pic.twitter.com/iLik2HbjXj— #كابتن_غازي_عبداللطيف (@CaptainGhazi) October 12, 2025
Драматични снимки кружат на социјалните мрежи на кои се гледаат порои од каллива вода што се движат низ градовите Ла Рапита и Санта Барбара во покраината Тарагона, носејќи сè на својот пат.
#NSTTV Severe flooding has hit Spain’s Catalonia region after torrential rain triggered red alerts, trapping residents, halting trains and prompting mass safety warnings.
Read more at: https://t.co/TeLSOE5D6q pic.twitter.com/fnatpjaHZH
— New Straits Times (@NST_Online) October 13, 2025
Лошото време ја натера националната метеоролошка агенција на Шпанија АЕМЕТ да издаде црвена тревога, највисоко ниво, за крајбрежниот регион. Досега нема извештаи за жртви или повредени.
Devastating flooding is currently occurring in La Ràpita, Montsià, Catalonia, Spain.
📷 Jamila Moussaoui Jannati pic.twitter.com/1nVKHo7VXC
— Renalee (@rena_lynnx) October 13, 2025
Каталонската агенција за цивилна заштита апелираше до жителите на делтата на реката Ебро во Тарагона да не ги напуштаат своите домови. AEMET предупреди дека во областа може да наврнат до 180 милиметри дожд за само 12 часа.
фото: принтскрин
Европа
(Видео) Украинците нападнаа големо складиште за нафта во Крим, се шират снимки

Украински напад со беспилотни летала предизвика пожар во голем складишен објект за нафта на Крим, украинскиот полуостров што Русија нелегално го анектираше, објави руската новинска агенција ТАСС.
Дронот го погодил објектот во градот Феодосија преку ноќ, предизвикувајќи пожар, објави ТАСС, цитирајќи го кримскиот лидер Сергеј Аксјонов. Нема непосредни извештаи за жртви, објави ДПА.
A Russian fuel depot in Feodosia (occupied Crimea), was struck again tonight. The site had previously been targeted a week ago. https://t.co/gg5LqmKEGJ pic.twitter.com/nWubjWcqHj
— Anton Gerashchenko (@Gerashchenko_en) October 12, 2025
Наводно, над Крим се соборени повеќе од 20 беспилотни летала. Синоќа, руското Министерство за одбрана соопшти дека пресретнало 37 беспилотни летала над неколку руски региони, Црното Море и Азовското Море. Истиот складишен објект претходно беше оштетен во украински напад со беспилотни летала минатата година.
Украина постојано ги таргетира објектите за преработка на гориво зад фронтовските линии како дел од својата стратегија за нарушување на руските синџири на снабдување. Русија, исто така, ја нападна Украина со беспилотни летала и ракети.
🇺🇦💪👌👊
Drones have visited occupied Feodosia again — the oil terminal is on fire 🔥 pic.twitter.com/IRPIxp50bb— 𝔗𝔥𝔢 𝕯𝔢𝔞𝔡 𝕯𝔦𝔰𝔱𝔯𝔦𝔠𝔱△ 🇬🇪🇺🇦🇺🇲🇬🇷 (@TheDeadDistrict) October 13, 2025
Вчера, украинскиот претседател Володимир Зеленски изјави дека Русија лансирала повеќе од 3.100 беспилотни летала и 92 ракети против Украина само во изминатата недела. Русија води војна против Украина повеќе од три и пол години.
фото: принтскрин