Свет
Катаклизма на едниот крај на светот, пекол на другиот: во Бразил во сила црвен метео-аларм, температурата надмина 50 степени
Во речиси 3.000 бразилски града и населени места во сила е црвен метео-аларм поради екстремните горештини, јавува Би-би-си.
Температурата достигна рекордни степени во областите околу градот Рио де Жанеиро, каде што надмина 52,5 Целзиусови степена.
Повеќе од сто милиони луѓе се погодени од горештините, а овој топлотен бран ќе трае до петок, 17 ноември. Надлежните веруваат дека оваа топлина е дел од феноменот Ел Нињо и последица на климатските промени.
Националниот институт за метеорологија објави дека просечната температура во Сао Пауло е 37,3 Целзиусови степени.
Институтот прогласи црвен аларм за голем дел од земјата, што значи дека температурата е над просекот 5 Целзиусови степени повеќе од пет дена и претставува опасност за здравјето на луѓето.
Екстремните временски услови стануваат сѐ почести и поостри во светот поради климатските промени, јавува Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Виде) Авион кружел со часови, па слетал лизгајќи се по пистата
Двајца патници и пилотот останаа неповредени по итно слетување на аеродромот во Њукасл во Австралија без опрема за слетување поради механички дефект.
Авионот со часови кружел над аеродромот и согорувал гориво пред принудно да слета „на стомакот“, со кренати тркала, со исклучени мотори, пишува „Си-ен-ен“.
На снимката се гледа како авионот се приближува кон пистата без распоредена опрема за слетување и како мирува по лизгањето. Според „7News Australia“, тој се лизнал околу 500 метри пред конечно да застане. Амбулантните возила беа на готовност, забележани се како трчаат да им помогнат на патниците во авионот.
Началникот на полицијата на Нов Јужен Велс, Вејн Хемфри, го пофали 53-годишниот пилот за успешното слетување, велејќи дека никој не е повреден.
„Тоа беше одличен резултат, пилотот го направи тоа навистина добро. Го слушав, ми звучеше многу смирено“, рече тој.
Според „Си-ен-ен“, авионот неколку часа кружел околу аеродромот за да согорува гориво. Оние во контролната соба, кои управуваа со авионот, аплаудираа кога видоа како безбедно слета, додаде Хемфри.
Приватниот авион требаше да лета 26 минути од Њукасл до Порт Маквари, околу 400 километри северно од Сиднеј.
Регион
Земјотрес ја погоди Албанија: се стресе во близина на границата со Црна Гора
Земјотрес со јачина од 3,4 степени според Рихтеровата скала синоќа ја погоди Албанија.
Земјотресот се случил во 2.20 часот по локално време.
Епицентарот на земјотресот бил на 28 километри од Скадар.
Со оглед на тоа што земјотресот бил со помал интензитет, се претпоставува дека нема повредени и поголема материјална штета.
Свет
Израел ги засили воздушните напади врз Рафа, тенкови се пробиваат на северот на Газа
Израелските тенкови со воздушна и копнена поддршка денеска направија дополнителен пробив во Џабалија на северот од Појасот Газа, јавуваат тамошните жители и Хамас, а јужна Рафа е исто така под воздушни напади.
Во Џабалија тенковите се движат кон центарот на кампот.
Жителите известуваат дека тенкови го гаѓаат центарот на кампот и дека се уништени десетици куќи. Израелската армија принуди стотици Палестинци да ги напуштат своите засолништа, пишува „Ројтерс“.
Во Рафа, во близина на границата со Египет, Израел ги засили воздушните напади врз источните делови на градот.
Жителите известуваат дека сега се стационирани тенкови на улицата Салахудин, која минува во источните делови на градот, а автопатот е блокиран поради жестоките борби. Се додава дека источните делови на Рафа станале град на духови. Хамас објави дека неговите борци се борат со израелските сили на улиците источно од Рафа и источно од Џабалија.
Израелската војска неколкупати ги вклучи сирените во област во близина на Газа предупредувајќи на потенцијален прекуграничен оган. Израелската војска доцна во саботата објави дека го спречила Хамас да ги обнови своите воени капацитети во Џабалија.
„Бомбардираа насекаде, дури и во близина на училиштата, во кои беа сместени бездомниците“, вели 45-годишниот Саед.