Свет
Кац до Хамас: „Не правете грешка, портите на пеколот ќе се отворат“

Израелскиот министер за одбрана Израел Кац денеска му се закани на Хамас дека „портите на пеколот ќе се отворат“ доколку терористичката група наскоро не ги ослободи израелските заложници.
Говорејќи на настанот по повод 33-годишнината од смртта на поранешниот премиер Менахем Бегин, Кац рече дека и покрај постојаното прекршување на договорот од страна на милитантната група Хамас и отфрлањето на рамката понудена од специјалниот пратеник на американскиот претседател Доналд Трамп за Блискиот Исток, Стив Виткоф, Израел одговорил на барањето на посредникот за Израел, да дозволи уште неколку дена преговори, објави Тајм.
Како што рече, во меѓувреме Израел ја запре испораката на хуманитарна помош за Газа.
„Хамас не треба да погреши, ова е само почеток. Доколку Хамас наскоро не ги ослободи заложниците, портите на Газа ќе бидат заклучени и портите на пеколот ќе се отворат“, нагласи тој.
Израелската влада вчера го запре влезот на хуманитарна помош во Појасот Газа, откако премиерот Бенјамин Нетанјаху одби да ги започне преговорите за втората фаза од договорот за прекин на огнот.
Договорот стапи на сила на 19 јануари, а во првата фазам Хамас ослободи 30 заложници, додека стотици палестински затвореници беа ослободени од израелските затвори.
Стив Виткоф, специјалниот пратеник на американскиот претседател Доналд Трамп за Блискиот Исток, планира да се врати во регионот во наредните денови за да се вклучи во продолжување на првата фаза од договорот за прекин на огнот во Појасот Газа или договор за втората фаза, објави денеска Стејт департментот.
„Специјалниот пратеник Виткоф планира да се врати во регионот во наредните денови за да најде начин да ја продолжи првата фаза или да премине во втората фаза“, рече портпаролот на Стејт департментот, пренесе Ројтерс.
Портпаролот повтори дека американскиот претседател Доналд Трамп и американскиот државен секретар Марко Рубио инсистирале заложниците „мора веднаш да бидат ослободени, вклучително и американските заложници“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Неидентификуван објект експлодира на поле со пченка во Полска, локалните куќи оштетени

Неидентификуван предмет паднал и експлодирал во полскиот град Осине, а сега се појавија првите снимки од безбедносните камери.
Во инцидентот нема повредени, неколку куќи се оштетени, а полицијата на самото место пронашла јагленосани остатоци од метал и пластика.
🇵🇱 Na území Lublinského vojvodství došlo k pádu neznámého objektu, který explodoval v okrese Łuków na východě Polska. Podle předběžných informací při incidentu nikdo neutrpěl zranění.
📹 Na sociálních sítích se nyní objevilo video z kamerového systému – záběry pocházejí z polské… pic.twitter.com/LnXHxuV3AO
— neČT24 (@42TCen) August 20, 2025
Според претставникот на локалната полиција, Марчин Јозвик, извештајот стигнал околу 2.20 часот наутро.
„На полето со пченка се пронајдени траги од експлозија на неидентификуван објект. Пронајдени се јагленосани фрагменти со разни големини, расфрлани во радиус од неколку десетици метри“, објасни тој.
Специјализираните служби во моментот ги утврдуваат деталите, а детонацијата била толку моќна што се скршиле прозорците на три блиски куќи.
Како што изјави командантот на противпожарната служба во Луково, Зенон Писиевич, немало потреба од гаснење на пожарот.
Претставници на вооружените сили на Полска објавуваат дека прелиминарната анализа на радарските системи не открила нарушување на воздушниот простор ниту од правецот на Украина ниту од правецот на Белорусија.
Понатаму се наведува дека пронајдените делови, според првите процени, може да припаѓаат на стар мотор со пропелер, објавува RP.pl.
„Во моментот нема опасност, сите се безбедни. Нивото на зрачење е измерено. Понатамошните активности на терен ќе ги водат армијата и Обвинителството. Ќе им ја обезбедиме целата потребна поддршка на жителите“, објавија локалните власти.
Според непотврдени информации од дневниот весник „Жечпосполита“, објектот што експлодирал во Осини би можел да биде беспилотно летало од типот „Шахед 131“ или „136“.
Понатамошната истрага ќе покаже што точно се случило.
Свет
Трамп: Не грижете се, нема да има трета светска војна

Планетата повеќе не се движи кон трета светска војна, изјави американскиот претседател Доналд Трамп во интервју за новинарот Марк Левин.
Зборувајќи за конфликтот во Украина, тој истакна дека за време на администрацијата на поранешниот американски претседател Џо Бајден, ситуацијата само се влошувала.
„Мислам дека сè водеше кон трета светска војна, но сега не. Тоа е добра вест. Веќе не мора да се грижите за тоа“, рече Трамп.
„Ќе видиме како ќе се одвива процесот на решавање на кризата. Но, сè се движеше кон трета светска војна. Ова е најстрашната работа што се случила во однос на воените конфликти од Втората светска војна“, додаде тој.
Претседателот на САД, по средбата со претседателите на Русија и Украина, Владимир Путин и Володимир Зеленски, сака да ја процени можноста за дијалог меѓу нив без негово присуство.
„Имав многу успешна средба со претседателот Путин. Имав многу успешна средба со претседателот Зеленски. А сега помислив дека ќе биде подобро ако се сретнат без мене, само да видиме, сакам да видам што ќе се случи“, рече тој.
Трамп додаде дека, доколку е потребно, ќе им се придружи на Путин и Зеленски за да им помогне на страните да постигнат договор.
Фото: ЕПА
Свет
Ужас на базен во Швајцарија: 8-годишно дете случајно уби маж

Дете (8) уби маж на базен во Швајцарија. Ужасот се случи на 2 август пред многу капачи.
Според извештаите, осумгодишно дете предизвикало смрт на шеесет и шестгодишен маж скокајќи од штица за скокање и удирајќи го човекот што бил под водата.
Околу 14.30 часот момчето се искачило на штицата за скокање висока 5 метри. При влегувањето во водата тој удрил во 67-годишен пливач, кој малку порано скокнал од истата штица и сè уште бил на местото.
И покрај брзата интервенција на службите за итни случаи, мажот, кој претрпел сериозни повреди, не преживеал, соопшти полицијата.
Обвинителството изјави дека семејството на детето само се јавило во полицијата.
Како што истакна, спасувачите реагирале навремено и направиле сè што е во нивна моќ.
„Работата на спасувачите не била доведена во прашање на никаков начин во оваа фаза од истрагата. Интервенцијата била брза“, изјави Обвинителството.
Според градот каде што се случила несреќата, спасувачите биле во полна сила во времето на несреќата. Лицето задолжено за надзор на базенот за скокање веднаш ги известило своите колеги за судирот преку радио и скокнало во базенот за да ѝ помогне на жртвата.
Случајот ќе биде проследен до системот за малолетничка правда. Сепак, швајцарските медиуми забележуваат дека младиот пливач нема да потпадне под оваа регулатива бидејќи таа се однесува само на деца над 10 години.