Генералниот секретар на НАТО, Марк Руте, денес објави дека самитот на Алијансата во 2026 година ќе се одржи на 7 и 8 јули во претседателскиот комплекс Бештепе во Анкара, Турција.

„Сакам да ѝ се заблагодарам на Турција за домаќинството на овој важен состанок. Турција е силен сојузник на НАТО повеќе од 70 години и дава непроценлив придонес за нашата заедничка безбедност“, рече Руте.

Според него, на следниот самит, лидерите ќе продолжат да го зајакнуваат НАТО, правејќи го посилен, пофер и поефикасен сојуз, подготвен да одговори на клучните безбедносни предизвици.

Турција ќе биде домаќин на самитот на НАТО по втор пат, по Истанбул во 2004 година.

Самитите на НАТО ги собираат лидерите на сојузниците за да донесат одлуки за важни прашања со кои се соочува Алијансата.

Портпаролката на Белата куќа, Каролина Ливит, одржа редовен брифинг за новинарите на кој ја разгледа средбата меѓу Трамп и Путин во Алјаска и вчерашниот историски состанок со Зеленски, лидерите на ЕУ и шефот на НАТО.

Во воведот, таа го пофали Трамп и неговите напори за завршување на војната во Украина, а потоа ги нападна одредени медиуми кои го критикуваа него и неговата администрација за средбата со рускиот претседател.

Таа истакна дека Трамп јасно испраќа до знаење дека американските сили нема да бидат распоредени во Украина.

„Претседателот јасно стави до знаење дека нема да има американски сили на терен во Украина, но ние секако можеме да помогнеме во координацијата и можеби да обезбедиме други форми на безбедносни гаранции за нашите европски сојузници“, рече Ливит.

Таа додаде дека Трамп верува дека безбедносните гаранции се од суштинско значење за траен мир и го задолжил својот тим за национална безбедност да се координира со европските партнери, како и да продолжи со дискусиите со Украина и Русија за овие прашања.

Кога новинарите прашаа што се случило со трилатералниот состанок, портпаролката на Белата куќа рече дека претседателот Доналд Трамп веќе разговарал и со Володимир Зеленски и со Владимир Путин за идејата.

„Претседателот разговарал со двајцата лидери за тоа и двајцата изразиле подготвеност да седнат еден со друг“, рече портпаролката.

Авион на „Кондор ерлајнс“ на пат од Грција кон Германија мораше да изврши итно слетување во Италија бидејќи еден од моторите се запали кратко по полетувањето. Инцидентот предизвика паника кај патниците, а еден од нив дури и испратил проштални пораки до своите најблиски од страв, пишува „Њујорк пост“.

„Боинг 757“ со 273 патници и осум членови на екипажот летал од Крф до Дизелдорф во саботата. Проблемите започнале на надморска височина од речиси 11.000 метри кога дошло до прекин на протокот на воздух во турбината. Кратко по 20:00 часот по локално време, преплашените патници забележале пламен што излегува од десната страна на авионот.

A Condor Airlines flight was forced to make an emergency landing in Italy after the plane’s engine had burst into flames shortly after takeoff — prompting one terrified passenger to send out “goodbye texts” to loved ones.

The Boeing 757 carrying 273 passengers and 8 crew members… pic.twitter.com/63rdBoPiHV

— Chat News Hub (@chatnewshub) August 19, 2025

Паниката во кабината брзо се проширила.

„Беше неверојатно ужасно искуство. Веќе испратив пораки за збогум затоа што си реков: „Сега е готово.“, рекол еден патник.

Снимките од инцидентот, снимени од сведоци на земја, беа објавени на социјалните мрежи, на кои се гледа како десниот мотор на авионот повремено исфрла пламен со гласни звуци слични на експлозија.

Yesterday, Condor flight #DE3665, a Boeing 757-300 (D-ABOK) from Corfu to Düsseldorf, suffered engine surges shortly after takeoff with flames and loud bangs reported from the right engine.
The crew shut it down, declared an emergency, and safely diverted to Brindisi, Italy,… pic.twitter.com/5spEYF8uKf

— Turbine Traveller (@Turbinetraveler) August 17, 2025

Пилотите реагирале брзо и го пренасочиле авионот кон аеродромот Бриндизи во јужна Италија, каде што слетал безбедно во 20:15 часот, 40 минути по полетувањето.

Авиокомпанијата го потврди инцидентот и изјави дека дефектот е предизвикан од „хемиска реакција што се случила во комората за согорување“ и прекин во снабдувањето со воздух на моторот.

Тие нагласија дека патниците и екипажот во ниту еден момент не биле во опасност.

Сите патници биле превезени во Дизелдорф со друг авион следниот ден наутро.