Свет
Келог: Треба да има договор за потенцијално губење украинска територија

Специјалниот претставник на САД за Украина и Русија, Кит Келог, изјави дека во моментов е невозможно да се вратат сите територии на Украина на нивните граници од 2014 година, затоа тие треба да бидат отстапени, но не и официјално признати дека и припаѓаат на Русија.
„Нема да се вратиме на границите од 2014 година пред Русите да го нападнат Крим. Ова е разбирливо. Така што мислам дека треба да имаме договор за потенцијално губење на територија. Но, слушајте, не мора да го признаете тоа“, рече Келог во интервју за „Фокс њуз“.
Тој го наведе примерот на балтичките земји чие членство во Советскиот Сојуз никогаш не беше признаено од САД.
„Рековме дека тие едноставно биле под советска власт. И мислам дека веројатно можете да го погледнете долгорочно, но тоа е дел од преговорите“, рече Келог.
Тој ја истакна потребата да се постигне одржлив и долгорочен безбедносен договор со сите страни.
„И ова во голема мера ќе зависи од Европејците. Во нивен интерес е да го сторат тоа“, заклучил Келог, јави Танјуг.
Американскиот министер за одбрана Пит Хегсет во средата на состанокот на министрите за одбрана на НАТО во Брисел изјави дека враќањето на Украина на нејзините граници од пред 2014 година не е можно.
Хегсет рече дека во преговорите меѓу Русија и Украина ниту една страна нема да добие се што сака, а тоа е став на американскиот претседател Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во сообраќајка загина поранешен хрватски фудбалски репрезентативец и играч на фудбалскиот клуб Динамо

Во тешка сообраќајна несреќа, што се случи во Карловац, загинаа 2 лица, меѓу кои и поранешниот хрватски фудбалски репрезентативец и играч на фудбалскиот клуб Динамо, Никола Покривач, јавуваат хрватските медиуми.
Полицијата во краткото соопштение наведува дека несреќата се случила на обиколницата Турањ и дека во неа учествувале 4 патнички возила.
Три лица се пренесени на лекување во медицинска установа.
Свет
Русија и Украина денеска треба да разменат затвореници

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор запознаен со преговорите.
Ќе бидат разменети вкупно 492 војници – 246 од двете страни, како и уште 46 ранети украински војници.
За време на војната Русија и Украина со посредство на ОАЕ веќе разменија вкупно 3.233 воени заробеници
Свет
„Вие сте глупави луѓе“: Трамп за Путин и Зеленски доколку ги отфрлат преговорите за прекин на огнот

Американскиот претседател Доналд Трамп ги потврди зборовите на американскиот државен секретар Марко Рубио во врска со повлекувањето од преговорите доколку руската и украинската страна не постигнат договор наскоро.
Трамп понуди помек пристап, велејќи дека Рубио бил „во право“, но во исто време покажа поголем оптимизам во врска со изгледите за постигнување договор.
На прашањето за временската рамка во која САД би можеле да се повлечат, Трамп одговори:
– Нема конкретен број на денови, но сакаме брзо да го завршиме. Ако, поради некоја причина, една од двете страни го отежни тоа многу, ние само ќе кажеме: „Вие сте глупави, вие сте глупави. Вие сте ужасни луѓе“ и едноставно ќе се откажеме. Но се надевам дека нема да мораме“, продолжи тој.
Трамп не сакаше да каже дали е подготвен целосно да ги напушти преговорите или дали ќе продолжи воено да ја поддржува Украина доколку преговорите не успеат.
На прашањето каков напредок би требало да види за да ги продолжи преговорите, Трамп рече дека „ќе мора да види ентузијазам за заклучок“ од двете страни, предвидувајќи дека ќе знае „наскоро“.
– Мислам дека имаме навистина добри шанси да го постигнеме тоа. „Сега сè завршува“, рече тој.
Претходно американскиот државен секретар Марко Рубио изјави дека ако не е можно да се стави крај на војната во Украина, Соединетите Американски Држави треба да се откажат од своите напори и да продолжат понатаму, според написите во светските медиуми.