Свет
Кејт Мидлтон повторно забележана во Виндзор

Кејт Мидлтон наводно е забележана во Виндзор, само неколку дена откако таа и нејзиниот сопруг принцот Вилијам беа забележани на фармата Виндзор.
Како што пишува „Мирор“, локалните жители кои живеат во Виндзор потврдиле дека принцезата е жива и здрава.
Тие како што пренесуваат медиумите изјавиле дека парот често го гледаат во продавница.
„Тоа се еден куп глупости, шпекулации за Кејт Мидлтон, навистина се“, изјави за „Телеграф“ Ен Танер, која живее спроти продавницата.
„Живееме преку патот, тие (Кејт и Вилијам) влегуваат и излегуваат на задната врата, а Дејв (вратарот) ги пушта да влезат. Принцезата често доаѓа овде. Во неделата беа на тенис – мојата пријателка игра таму, а Кејт ги гледаше децата, тие се секогаш таму“, изјавила таа.
Друг локалец, Кевин Питерсен, напиша на мрежата Х: „Ги гледаме В&K (Вилијам и Кејт) повеќето денови, а исто така и последните неколку дена. Неверојатно е луѓето да бидат толку смешни и сурови пишувајќи глупости на оваа платформа кои се очигледни лаги“.
Шпекулациите околу Кејт се интензивираа во последните недели, и покрај тоа што Палатата објави дека принцезата ќе отсуствува од јавните обврски до Велигден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Путин: Победуваме во Украина

Рускиот претседател Владимир Путин во понеделникот изјави дека руските сили ја добиваат она што тој ја нарече „праведна битка“ во Украина. „Нашите борци и команданти одат во офанзива, а целата земја, цела Русија, се бори во оваа праведна битка и работи напорно“, рече Путин во видео објавено на веб-страницата на Кремљ.
„Заедно ја браниме нашата љубов кон татковината и единството на нашата историска судбина, се бориме и победуваме.“
Русија започна инвазија на Украина на 24 февруари 2022 година, нарекувајќи ја „специјална воена операција“ за демилитаризација и денацификација на својот сосед. Киев и неговите сојузници велат дека инвазијата е неиспровоциран империјалистички обид за заземање на земјата.
Не се гледа крај на војната, и покрај дипломатските напори на американскиот претседател Доналд Трамп за прекин на конфликтот, вклучувајќи одделни самити со Путин, украинскиот претседател Володимир Зеленски и други европски лидери.
Русија контролира речиси 114.500 квадратни километри, или 19 проценти, од Украина, вклучувајќи го Крим, и голем дел од источниот и југоисточниот дел на земјата, според мапите на бојното поле.
Трамп, менувајќи го својот претходен став, минатата недела изјави дека Украина има шанса да ја врати територијата, а Вашингтон соопшти дека го разгледува барањето на Киев за купување крстосувачки ракети „Томахавк“ за напади длабоко во Русија.
фото: принтскрин
Европа
Мерц: Не сме во војна, но веќе не сме ни во мир

Германскиот канцелар Фридрих Мерц вчера изјави дека Европа „не е во војна, но повеќе не е во мир“ со Русија.
„Дозволете ми да го кажам ова во реченица што на прв поглед може да изгледа малку шокантно, ние не сме во војна, но повеќе не сме во мир“, рече Мерц на медиумски настан во Диселдорф. Војната на Русија е „војна против нашата демократија и војна против нашата слобода“, рече Мерц, додавајќи дека намерата на Москва е да го поткопа единството во блокот.
Тој, исто така, се осврна на неговата неодамнешна поддршка за планот на ЕУ за користење на замрзнати руски средства за финансирање на воените напори на Украина, велејќи дека овој потег би можел да обезбеди воена поддршка за Украина од три до пет години. Мерц рече дека во тој период би можело да стане економски неодржливо за Русија да ја продолжи својата војна против Украина.
Мерц претходно даде слична изјава, но сега ја именуваше Русија.
фото: принтскрин
Свет
Катар го прифати извинувањето на Нетанјаху

Катар го поздрави извинувањето и ветувањето на израелскиот премиер Бенјамин Нетанјаху дека Израел нема повторно да изврши напад врз Доха, соопшти Белата куќа.
Нетанјаху претходно денеска од Белата куќа телефонски разговарал со катарскиот премиер Мохамед бин Абдурахман Ал Тани, извинувајќи се за нападот насочен кон раководството на Хамас, со кој била нарушена катарската сувереност.
Во заедничкото соопштение беше потврдено дека е воспоставен „трилатерален механизам“ за подобрување на односите. Катарскиот премиер ги поздравил гаранциите од Израел, нагласувајќи ја подготвеноста на Доха за понатамошна соработка во интерес на регионалната безбедност и стабилност.