Свет
Ким задоволен од новото тестирање на ракетите
Лидерот на Северна Кореја, Ким Џонг-ун вчера надгледуваше уште едно тестирање на повеќекратниот систем за лансирање на ракети, со кој би се зголемила способноста на Пјонгјанг да нападне цели во Јужна Кореја и американските бази во земјата, објави денеска севернокорејската новинска агенција КЦНА. Северна Кореја соопшти дека вчера е тестиран истиот ракетен артилериски систем како и во средата.
Северна Кореја соопшти дека е во прашање ист ракетен артилериски систем чиешто тестирање Ким го надгледуваше во средата, пренесе „АП“.
КЦНА наведува дека Ким изразил „големо задоволство” од тестирањето, за кое Агенцијата тврди дека било успешно. При тестирањето потврдена е контролата на висината, способноста за промена на движењето, прецизноста и експлозивната сила на боевата глава на наведувачката ракета.
Веста доаѓа ден откако јужнокорејската армија соопшти дека Северна Кореја двапати истрелала проектили од својот источен брег во третата рунда тестирање за повеќе од една седмица.
Според експертите Пјонгјанг го интензивирал тестирањето на проектили со цел да изврши притисок врз Вашингтон и Сеул поради застојот во нуклеарните преговори со САД и планираните американско-јужнокорејски воени вежби.
Тие предвидуваат дека во следните месеци може да се очекува понатамошна демонстрација на воените капацитети на Северна Кореја, ако не се постигне напредок во преговорите.
Американскиот претседател Доналд Трамп синоќа изјави дека тестирањето ракети можеби ги кршат резолуциите на Обединети нации, но не и договорот помеѓу него и севернокорејскиот лидер Ким Џонг-ун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.