Свет
Кина: Брисовите позитивни на корона содржеле генетски материјал од диви животни
Истражувачки тим во Кина објави анализа на пазарни примероци земени пред повеќе од три години и поврзани со појавата на коронавирусот, во која наведува дека брисовите што биле позитивни на вирусот содржеле генетски материјал од диви животни.
Пазарот за морска храна и диви животни Хуанан е во центарот на истрагата за потеклото на коронавирусот, објави денеска Би-би-си.
Како што е наведено, тоа е прва рецензирана студија за биолошки докази собрани од пазарот уште во 2020 година, а објавена е во списанието „Натура“.
Поврзувањето на коронавирусот со животни што се продаваат на пазарот може да отвори нови линии на истрага за тоа како почна епидемијата.
Некои научници наведуваат дека ова е уште еден доказ дека болеста првично се пренесувала од заразено животно на човек.
Друга група научници повика на претпазливост во толкувањето на наодите. Тие се фокусираа на сугестијата дека вирусот случајно излегол од лабораторија во Вухан.
Кинескиот истражувачки тим објави рана верзија на нивната студија на интернет во февруари, но не ги објави целосните генетски информации содржани во примероците собрани од пазарот.
Друга меѓународна група истражувачи подоцна сподели своја сопствена процена за она што го открија тие клучни брисови на пазарот откако ги видоа генетските секвенции објавени на веб-страница за размена на научни податоци.
Кинеската анализа покажа дека животните за кои се знае дека се подложни на вирусот, особено ракуните, биле продавани живи на тие локации.
Сепак, кинеските истражувачи нагласија дека нивните наоди не даваат дефинитивен доказ за тоа како почнала епидемијата.
„Овие еколошки примероци не може да докажат дека животните биле заразени“, се вели во кинеската студија.
Во студијата се посочува дека останува можноста вирусот на пазарот да е внесен од заразено лице, а не од животно.
Професорот Дејвид Робертсон од Универзитетот во Глазгов, епидемиолог кој е вклучен во генетско истражување за потеклото на САРС-КоВ-2 од неговото појавување во 2020 година, изјави за Би-би-си дека најважно е што овој многу важен збир на податоци сега е објавен и информациите се достапни за другите научници оценувајќи дека студијата обезбедува убедливи докази дека животните, најверојатно, биле заразени со вирусот.
Објавените наоди доаѓаат во услови на растечко верување во САД дека коронавирусот излегол од лабораторија во Вухан.
Кинеската влада категорично ги негира сугестиите дека вирусот потекнува од научен објект, но Федералното биро за истраги (ФБИ) рече дека сега верува оти ова сценарио е најверојатното, а американското Министерство за енергетика го повтори истото мислење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Над 50.000 луѓе кои живеат во Либан преминале во Сирија за да избегаат од израелските воздушни напади
Високиот комесар на ОН за бегалци, Филипо Гранди, рече дека повеќе од 50.000 Либанци и Сиријци кои живеат во Либан сега преминале во Сирија бегајќи од израелските воздушни напади. „Повеќе од 200.000 се раселени во Либан“, додаде тој во објавата на X.
More than 50,000 Lebanese and Syrians living in Lebanon have now crossed into Syria fleeing Israeli airstrikes. Well over 200,000 are displaced inside Lebanon.
Relief operations are underway, including by UNHCR, to help all those in need, in coordination with both governments. pic.twitter.com/Qcvdw79z8A
— Filippo Grandi (@FilippoGrandi) September 28, 2024
Агенцијата на ОН за бегалци соработува со сириската влада и партнерите за да се забрза обработката на оние што пристигнуваат. Официјални лица рекоа дека Сирија им дозволува на либанските државјани да влезат на неодредено време се додека имаат некакви документи на кои се гледа нивното име.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Свет
Анкетите покажаа изедначеност на Трамп и Харис во клучните држави за победа на изборите
Резултатите од истражувањето спроведено од Њујорк тајмс и колеџот Сиена покажаа дека кандидатите на претседателските избори во САД, републиканецот Доналд Трамп и демократката Камала Харис, имаат речиси подеднаква поддршка од гласачите во сојузните држави Мичиген и Висконсин.
Како што пренесува Ројтерс, државите Мичиген и Висконсин се сметаат за клучни за исходот на претседателските избори. Според резултатите од ова истражување, Харис има 48 отсто поддршка меѓу веројатните гласачи во Мичиген, додека Трамп има 47 отсто во таа држава.
Харис има нешто поголема поддршка од гласачите во Висконсин, 49 отсто до 47 отсто од републиканскиот кандидат и поранешен претседател на САД. Анкетите покажуваат дека Трамп покажа сила во сферата на економските прашања кои се сметаат за најважни за гласачите, пред прашањата поврзани со репродуктивните права.
Анкетите покажаа дека предноста што ја имаше Харис на почетокот на август е малку намалена со инсистирањето на Трамп на економски прашања, што може да биде загрижувачки развој на настаните за актуелниот потпретседател на САД пред изборите во ноември, со оглед на тоа што економијата е најмногу важно прашање што ги придвижува гласачите, според Блумберг.
Анкетите биле спроведени телефонски меѓу 21 и 26 септември меѓу 688 веројатни гласачи во Мичиген и 680 во Висконсин, пренесува Танјуг.