Свет
Кина изолира градови само поради еден случај на зараза
Кина изолорала град на северот од земјата и започна масовно тестирање во друг град, двата близу руската граниуца, откако биле откриени по еден случај на зараза во двата града.
Во градот Донгнинг заразен бил 40-годишен маж кој работел на пристаниште, додека во градот Суифенхеу – 39-годишен маж вработен во комерцијално увозно-извозна зона, соопштиле властите.
Пекинг редовно го обвинува увозот за најнови појави на зараза на коронавирус.
Властите во Донгнинг објавиле дека го ставаат градот во вонредна состојба – во прекин е целиот сообраќај, секој кој сака да го напушти градот мора да има негативен тест на вирусот направен во последните 24 часа.
Затворени се училиштата, а рестораните можат само да продаваат храна за носење. Во најризичните зони само едно лице од секое домаќинство може да излезе секој втор ден на најмногу два часа за купување на потребното.
Во Суифенхеу, каде не е одредено заклучување на градот, масовната кампања на тестирања треба да се заврши за три дена.
Кина, каде коронавирусот се појави кон крајот на 2019 година во голема мера успеа да го сузбие вирусот, но повремено се појавуваат случаи на заразата во одделни градови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лавров: Русија е подготвена да даде гаранции за ненапаѓање на земјите членки на НАТО и ЕУ
Рускиот министер за надворешни работи, Сергеј Лавров, изјави дека Москва е подготвена да им даде на земјите членки на НАТО и Европската унија гаранции за ненапаѓање, нагласувајќи дека Русија нема намера да нападне ниту една од нив.
„Повеќепати сме порачале дека немаме намера да нападнеме ниту една сегашна членка на НАТО или ЕУ,“ рече Лавров на Евроазискиот безбедносен форум во Минск, додавајќи дека овој став може да биде дел од идните безбедносни гаранции за регионот.
Тој ги повтори критиките кон западните земји, обвинувајќи ги дека одбиваат вистински колективни безбедносни договори со Русија.
Лавров оцени дека дијалогот со лидерите на ЕУ е невозможен, бидејќи тие не прифаќаат заеднички безбедносни гаранции „со Русија, туку само против Русија“.
Свет
(Видео) Американските сили убиле 14 лица во напад на бродови со дрога во Пацификот
Американските сили убиле 14 лица во напади на четири пловила во Пацификот за кои се сомнева дека превезувале дрога, потврди американскиот министер за одбрана Пит Хегсет. Едно лице преживеало и било спасено од мексиканските служби.
Според Би-Би-Си, нападите во источниот Пацифик се извршени во понеделник по наредба на претседателот Доналд Трамп и претставуваат ескалација во акциите против трговците со дрога.
U.S. Secretary of Defense Pete Hegseth has announced that yesterday, October 27, 2025, at the direction of President Donald J. Trump, the United States Armed Forces carried out a series of strikes against four vessels alleged to be trafficking drugs in the Eastern Pacific. As a… pic.twitter.com/P9HPfXE6UD
— OSINTdefender (@sentdefender) October 28, 2025
Хегсет изјави дека четирите бродови биле познати на разузнавачките служби и се движеле по познати рути на шверц со дрога, нарекувајќи ги убиените „нарко-терористи“.
Свет
Путин воведе нови правила за мобилизација
Државната дума во последното читање усвои закон со кој драстично се менува системот на воена регрутација, воведувајќи целогодишна регрутација наместо претходните два брана – пролет и есен. Измените на законите „За воена регрутација и воена служба“ и „За алтернативна државна служба“ го предвидуваат овој премин, објавува рускиот инфо24.
Според новите правила, регрутирањето на граѓани за задолжителна воена служба ќе се врши од 1 јануари до 31 декември.
И покрај ова, како што пишуваат руските медиуми, испраќањето регрути во единиците ќе задржи сезонски карактер и ќе се одвива двапати годишно: од април до јули и од октомври до декември. Законодавците наведуваат дека целта на овие мерки е рамномерно да се распредели товарот врз воените служби и да се подобри квалитетот на кампањата за регрутирање.
Законот, исто така, предвидува дека регрутот мора да се јави во воената канцеларија во рок од 30 дена од објавувањето на повикот во регистарот. Усвоените измени стапуваат во сила веднаш по нивното официјално објавување.
Оваа промена доаѓа во време кога есенската регрутација оваа година, во која беа регрутирани околу 160 илјади луѓе, е најголема во последните девет години.
Андреј Картаполов, претседател на Комитетот за одбрана на Државната дума, објасни дека причината за ова е недостатокот на регрути собрани за време на пролетниот циклус.

