Свет
(Видео) Кина погодена од бран респираторни заболувања: „Пикот на грипот го очекуваме зимава и напролет“
Кина повика на претпазливост бидејќи бран респираторни заболувања ги погоди училиштата и болниците, а Светската здравствена организација (СЗО), која побара од владата податоци за болеста, рече дека не се откриени невообичаени или нови патогени.
Кина се бори со пораст на респираторните заболувања бидејќи влегува во својата прва целосна зимска сезона по укинувањето на строгите ограничувања за Ковид-19 во декември, при што бројот на болни деца е особено висок во северните области, како што се Пекинг и провинцијата Лијаонинг, каде што болниците предупредуваат на долго чекање.
🇨🇳#China Ongoing #flu season particularly impacting children, with multiple viruses circulating. High incidence of respiratory pbs. In a local #hospital #Beijing, over700 patients wait in line, estimated waiting time more than 13 hours to see a doctor. @WHO issuing a warning ⚠️ pic.twitter.com/yrOdPlhr7Q
— FranceTVChine (@francetvchine) November 23, 2023
Државниот совет објави дека грипот ќе го достигне врвот оваа зима и напролет и дека инфекцијата со Mycoplasma pneumoniae ќе продолжи да биде висока во некои области понатаму.
„Сите места треба да го зајакнат пријавувањето аразни болести за да се обезбеди навремено и точно известување“, се вели во соопштението на Државниот совет.
Ситуацијата дојде во фокус оваа недела кога СЗО побара од Кина повеќе информации цитирајќи го извештајот на Програмата за следење на новите болести (ProMED) за групи на недијагностицирана пневмонија кај децата.
⚠️UNDIAGNOSED PNEUMONIA OUTBREAK—An emerging large outbreak of pneumonia in China, with pediatric hospitals in Beijing, Liaoning overwhelmed with sick children, & many schools suspended. Beijing Children’s Hospital overflowing. 🧵on what we know so far:pic.twitter.com/hmgsQO4NEZ
— Eric Feigl-Ding (@DrEricDing) November 22, 2023
И Кина и СЗО се соочија со прашања за транспарентноста на известувањето за најраните случаи на Ковид-19, што се појавија во централниот град Вухан кон крајот на 2019 година.
Во четвртокот СЗО објави дека Кина одговорила на нејзиното барање и дека податоците што ги достави сугерираат дека случаите се поврзани со укинувањето на ограничувањата за ширење на Ковид-19 и циркулацијата на познати патогени, како микоплазма пневмонија, вообичаена бактериска инфекција која најчесто ги погодува децата и која циркулира од мај.
Властите овој месец почнаа да издаваат здравствени совети и да ја предупредуваат јавноста за долго чекање во преполните болници, но не воведоа мерки, како што се маски или затворање училишта како за време на пандемијата на коронавирусот. Нема индикации за непотребен јавен аларм.
Брус Томпсон, раководител на Факултетот за здравствени науки во Мелбурн, рече дека „во оваа фаза нема ништо што сугерира дека ова може да биде нова варијанта на коронавирус“.
„Едно нешто што треба да се забележи е дека можеме да бидеме сигурни оти процесите на мониторинг функционираат, што е многу добро“, додаде тој.
Родителите во Шангај рекоа дека не се премногу загрижени за бранот на болеста велејќи дека иако се чини дека е посериозна, очекуваат набргу да престане.
„Настинки има насекаде во светот“, рече Емили Ву пред детската болница.
„Се надевам дека луѓето нема да бидат пристрасни од пандемијата… туку ќе гледаат на тоа од научна перспектива“.
Друга мајка, Фенг Зиксун, рече дека го тера својот осумгодишен син да носи маска и почесто да си ги мие рацете, но ништо повеќе.
„Не е толку страшно, сега има повеќе болни деца, но главно се работи за заштита“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Едно лице загина во напад со украинско беспилотно летало во регионот на Белгород
Една жена загина, а три лица се повредени во напад со дрон на Вооружените сили на Украина врз автомобил во Белгородската област, изјави гувернерот на тој регион Вјачеслав Гладков.
„Патнички автомобил со возач и тројца патници е нападнат со беспилотно летало камиказа. Нападот се случил во близина на контролен пункт во селото Октјабрски во областа Белгород“, изјави Гладков на Телеграм.
Регионот Белгород се наоѓа на западот на Русија, на границата со Украина.
Свет
Серија земјотреси на југот на Италија, најсилниот 4,4 степени
Серија земјотреси, од кои најсилниот беше со јачина од 4,4 степени според Рихтеровата скала, го погодија јужниот дел на Италија.
Како што соопшти Европско-медитеранскиот сеизмолошки центар (EMSC), епицентарот на најсилниот земјотрес што се случил во 20 часот и 10 минути бил на 11 километри од Неапол, на длабочина од три километри.
Националниот институт за геофизика и вулканологија соопшти дека првиот силен земјотрес бил со јачина од 3,5 степени и бил почувствуван во Неапол.
Свет
Најмалку 10 лица се повредени во удар на гром во Дрезден
Најмалку десет лица се повредени, од кои четворица потешко, во удар на гром за време на краткото, но силно невреме во Дрезден.
Две лица мораа да бидат реанимирани, изјави за Билд портпаролот на противпожарната служба Мајкл Клер.
Десетици спасувачи беа распоредени вчера попладне во Розен Гарден, популарна дестинација за екскурзии на брегот на Елба, а хеликоптер беше искористен за пребарување на брегот за да се утврди дали има уште повредени.