Свет
Кина почнува со вакцинација на деца од три години
Во Кина децата на возраст од три години ќе почнат да примаат вакцини против Koвид-19, каде што 76 отсто од населението е целосно вакцинирано, а властите одржуваат политика на нулта толеранција кон вирусот.
Градските и провинциските власти во најмалку пет провинции во последните денови објавија известувања во кои најавуваат дека децата на возраст од 3 до 11 години ќе мора да се вакцинираат, пренесува агенцијата АП.
Провинциите Хубеи, Фуџиан и Хаинан издадоа известувања на ниво на провинција, што укажуваат на нови барања за вакцинација, а одделни градови во провинциите Жеџијанг и Хунан исто така објавија слични известувања.
Проширувањето на кампањата за вакцинација доаѓа во време кога одредени делови на Кина преземаат нови мерки за борба против вирусот.
Северозападната провинција Гансу, која е силно зависна од туризмот, денеска ги затвори сите туристички локации кога откри нови случаи на Ковид-19. На жителите во делови од Внатрешна Монголија им е наредено да останат во затворени простории.
Кинеската национална здравствена комисија објави дека се откриени 35 нови случаи на локално пренесување на вирусот во изминатите 24 часа, од кои четири во Гансу. Уште 19 случаи се откриени во регионот на Внатрешна Монголија, а другите се во целата земја.
За време на пандемијата, Кина примени ограничувања, карантини и задолжително тестирање на вирусот и во голема мера ги искорени случаите на локална инфекција и целосно вакцинира 1,07 милијарда луѓе во население од 1,4 милијарда.
Кина одобри две вакцини во јуни, вакцината на „Синофарм“ од Институтот за биолошки производи во Пекинг и вакцината на „Синовак“ за деца на возраст од 3 до 17 години, но во моментот се вакцинираат само деца на возраст од 12 години и постари.
Во август регулаторите одобрија друга вакцина на „Синофарм“ од Институтот за биолошки производи во Вухан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Автомобил се забил во аптека во центарот на Пловдив
Млад човек доживеал несреќа доцна синоќа откако со својот автомобил удрил во излогот на аптека во централниот дел на Пловдив. Инцидентот се случил околу 22:00 часот, јавуваат бугарските медиуми.
Според очевидци, автомобилот се движел со голема брзина кога се судрил со такси, а неколку секунди подоцна продолжил по својот пат и се забил во излогот на аптеката. Продавницата во тој момент била затворена, со што се спречиле повреди.
„Го видов автомобилот – црниот Сеат – како вози многу брзо. Такси доаѓаше зад аголот и возачот нагло закочи, но не можеше да застане. Удри во таксито, а потоа отиде право во аптеката“, изјави очевидецот Иван Чананчалиев за БТВ.
Полицијата извршила увид на местото на настанот. Причините за несреќата се разјаснуваат.
Свет
Поранешниот претседател на Перу осуден на 14 години затвор
Перуанскиот претседател Мартин Вискара (62) е осуден на 14 години затвор за вмешаност во корупциски скандал додека бил гувернер на јужниот регион Мокегва.
Судот, исто така, му забрани на Вискара да извршува јавна функција девет години, како и парична казна.
Се очекува веднаш да почне да ја издржува казната. Но, Вискара навести дека планира да поднесе жалба на пресудата.
„Ова не е правда, ова е одмазда. Но, тоа нема да ме скрши“, напиша тој на социјалните мрежи како одговор на пресудата.
Примање мито за големи проекти
Тој беше прогласен за виновен за земање мито во вредност од над 600.000 долари во замена за доделување договори за големи проекти во Мокегва.
фото: епа
Свет
Воз прегази работници на железничка станица во Кина
Воз удрил и убил 11 работници на железничка станица во Кина, објави Ројтерс.
Двајца други беа повредени.
Инцидентот се случил во јужната провинција Јунан.
Според првичните извештаи, возот, кој тестирал сеизмичка опрема, удрил во работници кои стапнале на шините во градот Кунминг.

