Свет
Кина презема нови мерки поради страв од нов бран на вирусот како резултат на асимптоматски случаи
Кина, во која помина епидемијата на коронавирусот, презеде нови мерки за да ги спречи асимптоматските носители на вируси да предизвикаат друг случај на инфекција.
Иако бројот на новозаразени опадна од својот врв во февруари, кога Кина изолираше неколку градови, властите повикуваат на континуирана претпазливост поради стравувањата од нов бран на зараза.
Од 63 нови случаи, 61 се патници кои доаѓаат во Кина од странство.
Покрај увезените случаи, кинеските власти ги загрижуваат и асимптоматските случаи, луѓе кои пренесуваат вирус а немаат клинички симптоми како што се треска или кашлица.
Во средата се пријавени 56 нови асимптоматски случаи, така што вкупниот број на вакви случаи, кои кинеските медиуми ги нарекуваат „премолчени преносители“, се искачи на 657, пренесува „Ројтерс“.
Поради тоа, донесени се нови мерки. Здравствените установи мора да пријават асимптоматски случаи во рок од два часа од откривањето. Локалната власт тогаш мора да ги идентификува сите познати блиски контакти во рок од 24 часа.
Асимптоматските пациенти ќе бидат сместени во колективен карантин 14 дена и ќе се сметаат за потврдени случаи доколку почнат да покажуваат симптоми. Исто така, во двонеделен карантин ќе бидат и нивните блиски контакти.
Исто така на почетокот на неделата се појави нова функција на мобилната платформа WeChat која на луѓето им овозможува да проверат дали некогаш седеле во воз или авион покрај асимптоматскиот пренесувач на вирус што подоцна станал потврден случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.