Израел синоќа изврши воздушни напади на периферијата на централниот сириски град Хомс, крајбрежниот град Латакија и историскиот град Палмира, објавија сириските медиуми блиски до владата. Израел не ги коментираше нападите.

Сириското Министерство за надворешни работи ги осуди нападите како „јасно кршење на сирискиот суверенитет и закана за регионалната стабилност“ и рече дека тие се продолжение на серијата израелски напади на сириска територија.

Israeli air raids on air defense battalion & weapon warehouses in Shanshar, countryside of Homs, Syria. pic.twitter.com/3DGAXogZO5

— Mats Nilsson (@mazzenilsson) September 9, 2025

Сириските медиуми објавија снимки од нападите, но не известија за нивниот обем или последици.

Израел со години спроведува воздушни напади, уништувајќи значителен дел од воената инфраструктура на Сирија, а тие се интензивираа од почетокот на израелската војна во Газа. Израел и Сирија неодамна учествуваа во разговори со посредство на САД за деескалација на конфликтот во јужна Сирија.

фото: принтскрин

Претседателот на „Ферари“ и групацијата „Стелантис“, Џон Елкан, се согласи на една година општествено корисна работа и, заедно со својот брат и сестра, ќе платат милиони евра за да решат спор околу данокот на наследство во Италија, објавува BBC.

Според италијанските обвинители, Џон Елкан и неговите браќа и сестри, Лапо и Џиневра, ќе им платат на италијанските власти 183 милиони евра. Неговиот адвокат нагласи дека договорот не претставува признавање на одговорност, туку можност брзо да се заврши оваа афера.

Даночниот спор се однесува на имотот на бабата на Џон Елкан, Марела Карачоло, која почина во 2019 година. Обвинителите тврдат дека браќата и сестрите Елкан не пријавиле имот од околу 1 милијарда евра и приход од 248,5 милиони евра, засновајќи ја својата одбрана на фактот дека нивната баба била жител на Швајцарија.

Обвинителите прифатија договор за спогодба, по што побараа од судијата да ја отфрли кривичната постапка против браќата и сестрите Елкан, што беше прифатено.

Џон Елкан ќе мора да предложи објект каде што ќе извршува општественокорисна работа, со опции кои вклучуваат центри за стари лица или центри за зависности.

Левицата, предводена од премиерот Јонас Гар Сторе од Лабуристичката партија, ќе остане на власт во Норвешка откако победи на парламентарните избори обележани со подемот на популистичката десница, која го постигна својот најдобар резултат во својата историја.

По изборите фокусирани на локални прашања, но под влијание и на геополитичките турбуленции, со речиси сите преброени гласови, се очекува левичарскиот блок да освои тесно мнозинство од 87 од 169 места во Парламентот.

„Знаевме дека ќе биде тесно и беше. Знаевме дека мора да дадеме се од себе и дадовме се од себе. И го направивме тоа“, им рече Сторе на поддржувачите.

На власт од 2021 година, 65-годишниот премиер освои нов четиригодишен мандат, најверојатно на чело на малцинска влада.

Со речиси 28 проценти од гласовите, неговата Лабуристичка партија ќе мора да ги здружи силите со сите други левичарски партии со кои има бројни несогласувања.

фото: принтскрин