Свет
Кина се огласи за војната меѓу Хамас и Израел

Кина, која го презеде претседавањето со Советот за безбедност на Обединетите нации, ќе направи сè што може за да го врати мирот на палестинските територии, соопшти нејзиното Министерство за надворешни работи, додека тензиите на Блискиот Исток ескалираат.
„Кина ќе направи сè за да го охрабри Советот за безбедност да ги исполни своите одговорности, да ја игра својата улога, да изгради консензус и да преземе одговорни и значајни активности што е можно побргу за да се олесни актуелната криза, да се гарантира безбедноста на цивилите и да се врати мирот“, изјави портпаролот на Министерството, Ванг Венбин, на редовна прес-конференција.
Изјавата на Кина доаѓа откога Израел ја засили својата воена офанзива против палестинската исламистичка група Хамас. Кина минатата недела го презеде ротирачкото претседателство со Советот за безбедност на Обединетите нации.
Конфликтот на Блискиот Исток е на врвот на агендата на Советот за безбедност во ноември, изјави Џанг Јун, постојан претставник на Кина во ОН, пренесуваат државните медиуми.
„Императив е да се промовира прекин на огнот и да се запрат борбите, да се спречат дополнителни цивилни жртви, да се спречи хуманитарна катастрофа од поголеми размери и да се спречи ширењето на конфликтот“, рече Џанг, пренесе „Чајна дејли“.
Специјалниот претставник на Кина за Блискиот Исток, Џаи Јун, штотуку ја заврши турнејата во регионот. Жаи, кој поради кризата се сретна со лидерите на неколку земји, причината за кризата меѓу Израел и Газа ја припиша на немањето гаранции за правата на Палестинците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Торнада и бури ги погодија САД: затворени училишта, превртени автомобили…

Насилни бури и торнада го опустошија југот и средниот запад на САД, при што загинаа најмалку седум лица. Беа урнати далноводи и дрвја, уништени се домови и превртени се автомобили во неколку сојузни држави, пишува Гардијан.
Невремето, придружено со серија торнада, предизвика најмалку седум смртни случаи во Тенеси и Мисури, а се очекува бројот на жртвите да расте. Една од идентификуваните жртви е 68-годишниот Гери Мур, началник на пожарникарите од округот Кејп Жирардо, Мисури. Заедно со загинатите, повредени се најмалку дванаесет лица.
Белата куќа го одобри барањето на Тенеси за прогласување вонредна состојба, бидејќи зголемените поплави се закануваат на главниот град Нешвил. Индијана исто така прогласи вонредна состојба. Властите активираа 50 припадници на Националната гарда поради моќното невреме што погоди 41 округ во државата.
„Во вакви моменти, јас сум неверојатно благодарен за војниците кои се на терен и ги чуваат граѓаните на Индијана безбедни“, рече гувернерот Мајк Браун. Бурата се движи кон исток откако остави повеќе од 213.000 домови без струја – од Тексас до Охајо.
Националната метеоролошка служба издаде предупредување за висок ризик од пороен дожд за делови од Арканзас, Тенеси и Кентаки, каде што се очекуваат големи поплави во следните два дена. Десетици предупредувања за торнадо и предупредувања за силни грмотевици беа издадени во Арканзас, Илиноис, Индијана, Мисури и Мисисипи прексиноќа. „Ова е животно загрозувачка ситуација, веднаш побарајте засолниште“, се предупредени граѓаните.
Во Мисури, според полициските соопштенија, загинало најмалку едно лице, а извештаи за голема материјална штета доаѓаат од неколку држави. Во Лејк Сити, Арканзас, куќи се срамнети со земја, откорнати се дрвја и превртени се автомобили.
Во делови на Тенеси, на жителите им беше наредено да не ги користат патиштата поради големи количества отпад. Неколку училишни области ги затворија училиштата или најавија премин на онлајн настава поради очекуваното невреме, јавува Weather Channel.
Гувернерот на Тенеси, Бил Ли вчера ги обиколи погодените области и рече дека е премногу рано да се даде конечна бројка на загинати, бидејќи потрагата се уште е во тек. Ретко предупредување за торнадо беше издадено прексиноќа во областа околу Блитвил, Арканзас, откако беше откриено дека торнадото исфрлило остатоци до височина до 7.600 метри.
„Можам да кажам дека ситуацијата во тие области, особено наутро кога ќе се раздени, ќе биде навистина страшна“, рече метеорологот на Националната метеоролошка служба Чели Амин за Асошиетед прес.
Свет
(Видео) Авион се урна покрај автопат во САД, има загинати

Има сомнежи дека две лица загинале во мал авион што се урнал во јужниот дел на американската сојузна држава Луизијана, соопштија властите.
Авионот вчера околу 20 часот и 30 минути по локално време, паднал во мочурлив простор во близина на автопатот, а причината за уривањето ја утврдуваат Националниот одбор за безбедност на транспортот и Федералната управа за авијација, пренесува АП.
До утрото, официјалните лица стигнаа до урнатините, а голем дел од авионот со двете лица бил под вода.
Официјален претставник на канцеларијата на шерифот ги потврди медиумските извештаи за Асошиетед прес дека и двете лица се претпоставува дека се мртви.
Свет
Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден лош ден.
„Но, долго време ќе имаме бум на берзата, бидејќи повторно инвестираме во САД“, рече тој.
Потпретседателот нагласи дека владата сака Волстрит да работи успешно: „Но она што ни е најважно се американските работници и американските мали бизниси. Тие се оние кои ќе имаат најголема корист од овие политики“.
Венс, исто така, рече дека воведените царини можеле да бидат многу повисоки, но дека Трамп се обидува да испрати порака дека САД ќе бидат донекаде попустливи.