Свет
Кинеската берза падна 8 отсто поради коронавирусот
Првото годинешно тргување по новогодишните празници на берзите во континенталниот дел на Кина беше отворено со пад поголем од осум отсто поради ширењето на новиот вид коронавирус, пренесува РТ. Ова е прв ден по одморот поради Кинеската Нова година, кој траеше од 23 јануари, а за тоа време бројот на заразени се зголеми 30 пати, а бројот на починати на 20.
Главниот индекс на Шангајската берза до 9.37 часот утрото (2.37 ч по средноевропско време) падна 8,07 отсто – на 2.736,28 бода, а на шенгенската 8,54 отсто, на 9.769,91 бода. Истовремено, главниот индекс на хонгконшката берза се зголеми 0,44 отсто – на 26.428,05 бода.
Загубите на секој индекс беа најголеми од т.н. црн понеделник во 2015 година бришејќи 445 милијарди американски долари од пазарот. Државниот комитет за развој и реформи на Кина призна дека избивањето на епидемијата негативно влијае на националната економија. Истовремено, комитетот е уверен дека нејзиното влијание ќе биде краткорочно и дека Пекинг ќе може да ги ублажи последиците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на последната жртва од поплавите пронајдено во Јабланица, уште едно лице се бара во Коњиќ
Спасувачките екипи во соработка со полицијата и другите надлежни служби го пронашле телото на последниот загинат во поплавите во Доња Јабланица, потврдија за порталот „Аваз“ од полицијата.
Телото е пронајдено во близина на браната на ХЕ Грабовица, со што вкупниот број на жртви од оваа катастрофа во Јабланица се искачи на 19, додека во Коњиќ досега се потврдени четири смртни случаи. Потрагата по уште едно исчезнато лице од Коњиќ се уште трае, јавува „Аваз“.
Поради големи поплави и одрони, сообраќајот на автопатот Коњиќ – Јабланица – Комадиново Врело беше во прекин претходните седум дена. Одроните предизвикаа голема штета, одземајќи делови од коловозот и железничките пруги, но интервентната санација овозможи да минат спасувачките екипи и итните служби.
Свет
ЕУ ќе инвестира во воено-индустрискиот комплекс во Украина
Европската унија го менува пристапот кон воената помош за Украина и преминува на инвестиции во воено-индустрискиот комплекс на земјата, кој ќе произведува ракети, беспилотни летала и друго оружје со долг дострел.
Посветеноста на ЕУ од 440 милиони долари за поддршка на украинската одбранбена индустрија „означува значителна промена“ во пристапот на блокот кон војната и исто така ги открива слабостите на нејзиниот одбранбен сектор во производството на оружје и муниција додека Европејците се борат да бидат во чекор со побарувачката, објави украинската новинска агенција Униан, цитирајќи го Вашингтон пост.
ЕУ не може да го произведе целото оружје и муниција што им е потребно на Вооружените сили на Украина, поради што се префрла на инвестиции во украинскиот воено-индустриски комплекс.
Регион
За само еден ден 11 земјотреси го погодија Врање
Од вчера до денес Врање го погодиле дури 11 земјотреси, од кои најсилниот бил со јачина од 3,7 степени според Рихтеровата скала, покажуваат податоците на веб-страницата на Републичкиот сеизмолошки завод.
Најсилниот земјотрес се случи кај Врање во селото Корбевац со јачина од 3,7 степени според Рихтеровата скала.
Првиот земјотрес е забележан во неделата (13 октомври) во 04:28 часот, а епицентарот бил во селата околу Врањска Бања.
Додека последниот земјотрес беше регистриран рано утринава околу шест часот по локално време, магнитудата беше 2,3 степени според Рихтеровата скала.