Свет
Кинеската вакцина на „Синофарм“ покажа ефикасност од 86 отсто
Обединетите Арапски Емирати соопштија дека тестирањата на кинеската вакцина против коронавирусот покажале успешност од 86 отсто. Во тестирањата на вакцината на државната кинеска компанија „Синофарм“, кои почнале во септември, учествувале 31.000 доброволци од 125 земји. Доброволците биле на возраст од 18 до 60 години и примиле две дози од вакцината за период од 28 дена.
Анализите покажале дека нема причини за сериозна загриженост во врска со безбедноста, соопшти Министерството за здравство.
Не е јасно дали резултатите се однесуваат на тестирањата во ОАЕ или на пробите извршени во Кина и други земји.
Кинеската вакцина е одобрена за итна употреба во неколку земји, а „Синофарм“ и натаму спроведува тестирања во 10 држави. Мароко планира овој месец да ја почне програмата, чија цел е вакцинација на 80 отсто од возрасното население, потпирајќи се на кинеската вакцина.
Претседателот на владата на ОАЕ, Мухамед бин Рашид Мактум, се вакцинира за време на тестирањето на вакцината, чиј производител од „Синофарм“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.