Свет
Кинеска вселенска ракета експлодира по лансирањето

Кинеската вселенска ракета Lijian-1 Y6 утрово експлодира по активирањето на системот за самоуништување по што се појави проблем по лансирањето во северозападна Кина, соопшти кинеската CAS Space, лидер во комерцијални вселенски летови.
Ракетата експлодирала кога се појавил проблем за време на летот во третата етапа, околу три секунди по палењето на моторот, се наведува во соопштението, пренесува „Танјуг“ повикувајќи се на агенцијата „Ксинхуа“.
Се посочува дека тоа довело до активирање на системот за автономна безбедносна контрола, што довело до самоуништување на проектилот.
Ова е прв неуспех на лансирање ракета на CAS Space од неговиот прв лет во 2022 година.
Досега, CAS Space, комерцијалниот дел на Кинеската академија на науките со седиште во Гуангжу, успешно лансира вкупно 57 сателити за време на петте лета на Lijian-1.
CAS Space не соопшти колку сателити имало на ракетата, но претходно објави дека планира да ги испорача на единаесетти.
Во ноември Lijian-1 успешно испорача 15 сателити во нивните доделени орбити, вклучително и сателит со далечинско набљудување за Оман, првиот меѓународен клиент на компанијата.
Во тоа време, Ши Сјаонинг, главниот конструктор на ракетата, рече дека економичноста и доверливоста на Lijian-1 се добро препознаени на меѓународниот пазар.
CAS Space планира да ја лансира својата следна ракета носач, Lijian-2, во 2025 година.
Овој редок неуспех доаѓа во време кога кинескиот комерцијален вселенски сектор бргу се шири и конкуренцијата за локални и меѓународни клиенти се зголемува, пишуваат светските медиуми.
Jielong-3, ракета развиена од China Rocket Co, е близок ривал на Lijian-1 во однос на носивоста. Неговото претходно лансирање, вкупно четврто, беше во септември, пишува „Ројтерс“.
Кинескиот претседател Шји Џјинпинг повика на проширување на стратешките индустрии, вклучително и комерцијалниот вселенски сектор, кој се смета за клучен за градење соѕвездија на сателити за комуникации, далечинско набљудување и навигација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Полицијата го идентификуваше напаѓачот во Манчестер: уште тројца уапсени

Полицијата за борба против тероризмот потврди дека напаѓачот во утринскиот напад врз синагогата во Манчестер е 35-годишниот Џихад ал Шами, британски државјанин од сириско потекло.
„Врз основа на она што го знаеме во моментов, нашите евиденции не укажуваат на какви било претходни антитерористички истраги во врска со ова лице“, соопшти полицијата.
Тие додадоа дека три лица – двајца мажи на возраст од 30 години и една жена на возраст од 60 години – се уапсени и се приведени под сомнение за извршување, подготовка и поттикнување терористички акти.
Двајца мртви на местото на настанот, тројца тешко повредени
Полицијата потврди дека двајца мажи се прогласени за мртви на местото на нападот, додека тројца други мажи се во болница со сериозни повреди. Еден од нив претрпел убодна рана, друг бил удрен од автомобил вклучен во нападот, а трет подоцна сам отишол во болница со повреда за која се сомнева дека ја здобил додека полицијата го запирала напаѓачот.
Европа
(Видео) Орбан: Посилни сме од Русија; Туск: Ми се допаѓа кога ги користи моите аргументи

Унгарскиот премиер Виктор Орбан повтори дека Европската Унија не треба да се плаши од Русија бидејќи е посилна од неа во однос на капацитетите. „Вистинската опасност е економската стагнација и губењето на конкурентноста“, рече Орбан.
Додека полскиот премиер Доналд Туск разговараше со група полски новинари на маргините на состанокот на Европската политичка заедница во Копенхаген, еден од нив реши да му постави прашање на Орбан, кој беше во близина и даваше коментари на унгарските новинари.
„Кој претставува главна закана за Европа“, извика новинарот, очекувајќи коментар од унгарскиот политичар.
Туск потоа му рече на Орбан: „Ова е провокација“.
Сепак, Орбан остана смирен и му одговори на новинарот: „Вистинската опасност? Економска стагнација и губење на конкурентноста“.
„Не Русија?“, праша потоа полскиот новинар.
😅Best dialogue at the Copenhagen summit!
– Orban: “We all spend more on armaments than Russia, so why are we afraid? We are stronger than them.”
– Tusk (tugging Orban by the sleeve): “I love it when he uses my arguments.” pic.twitter.com/7YF9Hs3Wfs
— NEXTA (@nexta_tv) October 2, 2025
„Ние сме посилни од Русија. Направете некои споредби и засновајте го вашето мислење на факти. Имаме повеќе од 400 милиони луѓе, а Русија има околу 130. Погледнете го европскиот БДП, толку е голем. Русија е толку мала. Сè заедно, 27 земји, трошиме повеќе за војската отколку Русите. Па зошто се плашиме? Ние сме посилни од нив“, нагласи Орбан.
„Ми се допаѓа кога ги користи моите аргументи“, се вмеша Туск. Орбан додаде дека европските земји мора „да се обединат и заедно да ги бранат своите интереси“.
Пред неколку дена, Орбан изјави дека Русија „веќе ја добила“ војната против Украина, иако е воено и економски слаба. Орбан, исто така, рече дека руските беспилотни летала ќе бидат соборени ако влезат во унгарскиот воздушен простор.
Свет
(Видео) Хамас испали пет ракети врз израелскиот град Ашдод

Пет ракети беа испукани од северниот дел на Појасот Газа кон крајбрежниот град Ашдод во ноќта за Јом Кипур, во напад за кој подоцна одговорност презеде терористичката организација Хамас, објави „Тајмс оф Израел“.
Во меѓувреме, еден офицер беше сериозно ранет, а двајца војници беа полесно повредени во напад врз воен пункт во централна Газа денес, соопшти војската.
Video from today's launch of rockets by the resistance in Gaza from the devastated north of Beit Hanoun at Ashdod, north of occupied Palestine. pic.twitter.com/rt5M1OK04k
— Abubaker Abed (@AbubakerAbedW) October 1, 2025
Според Израелските одбранбени сили (ИДФ), четири од ракетите испукани кон Ашдод беа пресретнати од противвоздушен оган, додека една падна на отворено. Немаше извештаи за повредени или штети.
🚨 BREAKING: The Global Sumud Flotilla is being intercepted by the Israeli navy.
So close to Gaza, yet so far.
The criminal entity will not allow a single vessel to reach the starving. Even mercy is blockaded.
A state so terrified of compassion it blockades bread & medicine.… pic.twitter.com/bMduEvJe8j
— Hala Jaber (@HalaJaber) October 1, 2025
Нападот се случил на Јом Кипур, најсветиот ден во еврејскиот календар, додека израелската морнарица се подготвуваше да ги пресретне групата бродови што се обидуваа да ја пробијат поморската блокада на Газа од страна на Израел. На крајот, Израелските одбранбени сили соопштија дека ниту еден брод не стигнал до брегот на Газа.