Свет
Кинескиот претседател изненади гости во ресторан во Пекинг
Кинескиот претседател, Шји Џјинпинг ги изненади денеска гостите во еден мал ресторан во Пекинг и разговараше со доставувачите за време на очигледно ненајавената посета во пресрет на Кинеската Нова година, која се празнува следната недела.
Државната телевизија прикажала видео од Шји како влегува во ресторан во јужниот дел на Пекинг, познат по своите традиционални улици и дворови, прашувајќи колку чини храната и колку долго сопствениците живеат во градот, пренесе агенцијата „Ројтерс“.
Луѓето во ресторанот се обиделе да се сликаат со претседателот, но тој им рекол да не си го прекинуваат ручекот поради него.
„Јас сум само на поминување“, додал тој.
Додека разговарал со доставувачите, кои од ресторанот со мотори носат нарачки на храна низ Пекинг, можело да се забележат луѓе што одат зад него.
„Зарем не можете да одите дома за време на пролетниот фестивал?“, прашал тој еден од доставувачите.
Во пресрет на Кинеската Нова година, која се одбележува во првата недела од февруари, повеќе од 400 милиони луѓе се очекува да тргнат на пат поради семејни собири или туристички посети, покажуваат податоците на кинеската агенција за туризам „Ситрип“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Москва мора да започне со производство на ракети со среден и краток дострел
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.