Свет
Кинеските научници тврдат дека короната никогаш нема да исчезне, поверојатно е друго сценарио
Кинеските научници тврдат дека човештвото никогаш нема во целост да го искорени коронавирусот, со тоа приклучувајќи им се на сè поголем број меѓународни експерти, кои велат дека вирусот ќе се враќа сезонски како грипот.
Според „Блумберг“, кинеските научници тврдат дека е малку веројатно оти коронавирусот ќе исчезне онака како што исчезна неговиот постар брат САРС пред 17 години бидејќи се пренесува меѓу луѓето, притоа не предизвикувајќи никакви симптоми кај некои од нив. Токму оваа група асимптоматски пациенти ја отежнува контролата над епидемијата, изјавија кинеските научници на брифингот во Пекинг.
Во случајот со САРС заразените имале сериозни симптоми. Кога тие биле ставени во карантин, болеста престанала да се шири. Спротивно на тоа, сè повеќе асимптоматски случаи на коронавирус продолжуваат да се појавуваат во Кина, каде што епидемијата е ставена под контрола.
„Ова ќе биде епидемија со која ќе живееме многу долго и веројатно ќе биде сезонска“, вели Џин Ки од кинеската Академија за медицински науки.
И американскиот стручњак Ентони Фаучи вели дека коронавирусот, најверојатно, ќе се враќа сезонски.
Сепак, кинеските научници исто така предупредуваат дека нема доволно докази оти заразата ќе забави во текот на летото.
„Вирусот е чувствителен на топлина, но само кога е изложен на температура од 56 Целзиусови степени подолго од 30 минути. Времето нема да биде толку топло. На глобално ниво, шансите бројот на заразени да се намали во текот на летото се многу мали“, вели Венг Гуиџијанг, шеф на одделот за инфективни болести при Универзитетската болница во Пекинг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.